Komiteti i Helsinkut ka reaguar ndaj rastit të sulmit të kryetares së Qytetit të Shkupit, Danella Arsovska, njofton Top24.mk.

Nga KH thonë se duhet të hetohen nëpunësit policorë të cilët nuk e parandaluan sulmin në fjalë.

“Ky sulm është edhe një shembull alarmues me të cilat përballen gratë në jetën publike – dhunë, ofendime, kërcënime, shpifje dhe painteresim institucional”, thuhet mes tjerash në reagim.

Nga atje kërkojnë hetim urgjent dhe të paanshëm.

Më rrahu me shqelma, me shkundi, me kërcënime për përdhunim para policisë, tha kryetarja e komunës, Danella Arsovska këtë pasdite pasi doli nga spitali “8 Shtatori” ku u shtrua pas sulmit në Çair.

Sulmuesi e kërcënoi atë dhe familjen e saj, djalin e saj, se do t’i vriste një nga një, por edhe këshilltarët të cilët pështynë mbi ta dhe i qëlluan me karrige dhe i quajtën me fjalë përçmuese.

Ajo dhe këshilltarët e saj shkuan atje pasi denoncuan një person që po ndërtonte ilegalisht, duke vjedhur energji elektrike, ujë.

“Ai më sulmoi fizikisht duke më rrahur, duke më shkundur, duke më shkelmuar, duke më bërë kërcënime nga më të ligat, për përdhunim, për mua, për familjen time para syve dhe veshëve të policisë. Në vend që ta ndalonin, e lejuan të ofendonte për gjysmë ore, u mblodhën dhjetëra njerëz, pështynë. Ata sulmuan gjithashtu këshilltarin dhe Sekretarin e Qytetit”, tha Arsovska.

Në vend që të ndalohej, për më shumë se gjysmë ore ai u lajmërua në telefon pata policisë dhe theshte se çfarë do t’i bënte asaj dhe familjes së saj. Ata shkuan në vendngjarje me polici, dhe pastaj erdhën dhjetë të tjerë.

Ajo pretendon se ata raportuan 20 herë në 192, ndërsa nga MPB pretendojnë se Arsovska nuk donte të raportonte.

Deputeti i Aleancës për Shqiptarët (ASH), Halil Snopçe, ka reaguar sërish lidhur me pengimin e interpelancës ndaj Kryetarit të Gjykatës Kushtetuese të Maqedonisë së Veriut, duke akuzuar shumicën parlamentare dhe posaçërisht deputetët e koalicionit VLEN se u rreshtuan në anën e gabuar të historisë, shkruan Flaka

“Kjo interpelancë u pengua nga shumica parlamentare. Ne dëshironim vetëm të flasim për të vërtetën. Ajo duhet të dalë në shesh,” – deklaroi Snopçe në një prononcim publik.

Deputeti theksoi se qëllimi i interpelancës nuk ishte delegjitimimi i Gjykatës Kushtetuese, por parandalimi i devijimit të saj nga misioni kushtetues:

“Nuk themi se Gjykata Kushtetuese po bëhet e paligjshme, por me këtë sjellje po bëhet e kotë në ekzistencën e saj.”

Snopçe kritikoi ashpër edhe përfaqësuesit e VLEN-it për mosmbështetjen e interpelancës, duke përdorur një thënie filozofike për të përshkruar qëndrimin e tyre:

“U drejtova atyre që e penguan daljen në dukje të kësaj të vërtete, ku fatkeqësisht u reshtuan edhe deputetët e VLEN-it, duke cituar një thënie filozofike se ‘vetëm për budallenjtë e vërteta është si një pishtar që e ndriçon mjegullën pa mos e shpërndarë atë’.”

Deputeti i ASH-së vuri në dukje dallimin themelor mes gjykimit politik dhe gjykimit juridik, duke nënvizuar se roli i kryetarit të Gjykatës Kushtetuese nuk është të japë deklarata politike:

“Gjykimi politik dhe gjykimi juridik janë dy gjëra të pakrahasueshme. Kryetari i Gjykatës nuk guxon të japë gjykime politike. Deputetëve u takon të flasin për këtë të vërtetë.”

Deklarata e Snopçes vjen në vazhdën e një debati të ashpër mbi kompetencat dhe qëndrimet e Gjykatës Kushtetuese në raport me të drejtat e qytetarëve shqiptarë dhe interpretimin e ligjeve për gjuhën dhe simbolet kombëtare. /Flaka/