Connect with us

Lajme

Kur kujdesi i shtetit shqiptar bëhet problem për shqiptarët e “ri-edukuar” politikisht

Published

9 hours ago

on

Në vend që të mirëpritet, përpjekja e shtetit shqiptar për të treguar kujdes institucional dhe diplomatik ndaj shqiptarëve të Maqedonisë së Veriut po përballet me një fushatë të heshtur, por të sinkronizuar përçmimi. Objektivi i kësaj fushate nuk është ndonjë figurë e errët, por pikërisht ambasadori aktual i Shqipërisë në Shkup, Denion Mejdani — ndoshta i vetmi përfaqësues diplomatik që, në vend të protokolleve dhe fotografive, ka zgjedhur të takojë njerëz, të dëgjojë probleme dhe të përfshihet në zgjidhjen e tyre.

Ky model i angazhimit duket se ka tronditur disa struktura që janë mësuar me një “status quo” të heshtur, ku Shqipëria ka rol ceremonial dhe jo ndikim real. E njëjta kategori që për vite me radhë ka vajtuar “heshtjen e Tiranës” tani është e para që ngrihet kundër, sapo Tirana flet. Ironike, por e shpjegueshme.

Shkaku i tensionit është i qartë: ndërhyrja morale dhe diplomatike e ambasadorit në çështje të ndjeshme, si ajo e shkollës në Nerovë, ka shqetësuar ata që janë mësuar ta përdorin fatin e shqiptarëve për pazare të ulëta partiake. Reagimet nuk janë spontane, janë politikisht të orientuara – një reflektim i qartë i ndarjeve të reja ideologjike që po thellohen brenda vetë kampit shqiptar në Maqedoni.

Në këtë realitet, po krijohet një lloj “shqiptari i ri politik”: ai që nuk ka më nevojë për Shqipërinë, që e sheh ambasadorin si pengesë e jo si ndihmë, që sulmon Tiranën për çdo fjalë, por nuk lëshon as një zë për varësinë e vet ndaj partive maqedonase.

Ky profil i “autonomit fiktiv” e sheh ndihmën nga Shqipëria si rrezik për balancën e brishtë që ka ndërtuar me patronët e vet lokalë. Prandaj dhe një ambasador aktiv – që ndjek çështjet konkrete dhe nuk i shmanget realitetit në terren – shihet si kërcënim, jo si aleat.

Për më tepër, është shqetësuese që në këtë linjë janë rreshtuar edhe individë që pretendojnë etiketa gazetarie apo analize, por që funksionojnë si zëdhënës të paemëruar të strategjive të zhbërjes kombëtare. Këta zëra nuk kritikojnë për të përmirësuar, por për të de-legjitimuar vetë idenë e përfaqësimit shqiptar institucional.

Ambasadori i Shqipërisë në Shkup nuk është aty për të zgjedhur fitues të garave lokale. Ai nuk është dhe nuk mund të jetë pjesë e lojërave të ngushta të aleancave që lindin dhe vdesin nga marrëveshje në prapaskenë. Ai është aty për të ruajtur një lidhje themelore: atë mes shqiptarëve dhe shtetit amë.

Kjo lidhje nuk është e negociueshme. Ajo mund të bezdisë ata që kanë ndërtuar karriera mbi ndarjen, por është thelbësore për çdo shqiptar që ende e ndjen veten pjesë të një kombi, jo thjesht të një elektorati të përkohshëm.

Redaksia in7.tv

Related Topics:
Continue Reading

Lajme

Aleanca për Shqiptarët – Dega Tetovë dënon ashpër deklaratën fyese të kryetarit të Komunës së Tetovës, Bilall Kasami

Published

15 minutes ago

on

July 4, 2025

By

Reagim

Aleanca për Shqiptarët – Dega Tetovë dënon ashpër deklaratën fyese të kryetarit të Komunës së Tetovës, Bilall Kasami, i cili ka cilësuar Republikën e Shqipërisë si “shtet të dobët për ne” dhe ka sulmuar politikisht Ambasadorin e saj në Shkup, z. Denion Meidani.

Kjo gjuhë është e papranueshme nga një kryetar që moti kohë nuk përfaqëson tetovarët dhe fyen jo vetëm shtetin shqiptar si një vend aleat i NATO-s dhe partner i Bashkimit Evropian, por edhe dinjitetin e shqiptarëve kudo që ndodhen. Shqipëria ka qenë dhe mbetet mbështetëse e palëkundur e shqiptarëve jashtë kufijve të saj dhe përfaqëson aspiratat tona për zhvillim, integrim dhe dinjitet kombëtar. Deri sa Bilall Kasami mbetet mbështetës vetëm i interesave të VMRO-DPMNE-së, mos emërimin e rrugëve me emra të figurave të çmuara të historisë shqiptare, zhdukjes së gjurmëve të masakrës së “Monopolit”, rreshtimit në Qeverinë që raporti i BE-së e quan “nën ndikimin serbo-rus” dhe së fundmi ofendimin publik ndaj Republikës së Shqipërisë.

Sulmet ndaj ambasadorit Meidani janë sulme ndaj shtetit shqiptar dhe kërkojnë përgjegjësi publike. I bëjmë thirrje Bilall Kasamit të tërheqë deklaratat e tij dhe të kërkojë falje publike para çdo qytetari shqiptar.

Aleanca për Shqiptarët – Dega Tetovë qëndron fuqishëm në mbrojtje të Shqipërisë si shtet europian, demokratik dhe faktor stabiliteti në rajon si dhe në krah të punës së palodhur të Ambasadorit Denion Meidani.

Continue Reading

Lajme

Ekskluzive: Asnjë deputet nuk largohet nga Fronti Europian

Published

2 hours ago

on

July 4, 2025

By

Burime të larta të sigurta të PressOnline.al pranë Frontit Europian, por edhe Frontit Kombëtar të partive shqiptare në Maqedoninë e Veriut, hedhin poshtë kategorikisht çdo spekulim për largimin e deputetëve nga këto struktura politike.

“Jo vetëm që nuk ka asnjë largim, por ne jemi në konsolidim të mëtejshëm të radhëve tona. Deputetët janë të bashkuar dhe të përkushtuar në qëllimin tonë të përbashkët – mbrojtjen e të drejtave të shqiptarëve dhe përshpejtimin e integrimit europian të vendit”, kanë deklaruar burimet tona.

Sipas këtyre burimeve, Fronti Europian dhe ai Kombëtar e konsiderojnë veten si platforma të hapura për çdo deputet shqiptar që është kundër diskriminimit etnik dhe politikave që pengojnë rrugën europiane të Maqedonisë së Veriut.

“Dera jonë është e hapur për çdo deputet që nuk e pranon përuljen e shqiptarëve dhe që refuzon stagnimin eurointegrues të vendit. Ky është një front politik i vlerave, jo i interesave të ngushta personale”, thuhet më tej në qëndrimin e siguruar nga PressOnline.al

Ky zhvillim vjen në një kohë kur skena politike shqiptare në vend është nën zhurmën e spekulimeve për ndarje dhe formacione të reja politike, por duket se brenda Frontit mesazhi është i qartë: unitet dhe orientim drejt Perëndimit.(PressOnline.al)

Continue Reading

Lajme

Uzairi: Kasami sulmon Meidanin heshtë dhe ulë kokën para Stoilkoviç-it

Published

2 hours ago

on

July 4, 2025

By

Sekretari organizativ i Aleancës për Shqiptarët, Gadaf Uzairi përmes një postimi ka reaguar ndaj deklaratave të kryetarit të komunës së Tetovës që bëri sot kundër ambasadorit Meidani. Uzari në postimin e tij shkruan se Kasami guxon të sulmojë ambasadorin Medmidani ndërsa kur Stoilkoviç mbronë botën serbe heshtë dhe ulë kokën, shkruan Top24

Bilall Kasami guxon të sulmojë Ambasadorin e Shqipërisë me një deklaratë naive dhe nënçmuese për gjithë shqiptarët.
Por kur Stoilkoviçi del hapur e mbron “botën serbe” në mes të Shkupit, këta trima të rremë ulin kokën dhe heshtin si të trembur.

Me Tiranën bëjnë të fortin, me Beogradin bëjnë diplomaci!

Kjo është fytyra e atyre që sot pretendojnë të përfaqësojnë shqiptarët në Maqedoni.
Për të ardhur keq jeni bërë!

Me Denionin 🇦🇱🇦🇱

Continue Reading

TOP Lajme