Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturinat Komunale i Republikës së Maqedonisë së Veriut (KRRE) solli vendim, me të cilin bëhet rritja e çmimeve të shitjes me pakicë të derivateve të naftës, mesatarisht për 0,64% në raport me vendimin e datës 18.08.2025.

Çmimi i shitjes me pakicë të benzinës EUROSUPER BS – 95 dhe EUROSUPER BS – 98 rritet për 1,00 den/litër. Çmimi i shitjes me pakicë të EURODIZEL (D-E-V) dhe të Vajit Ekstra të Lehtë për Amvisëri (EL-1) rritet për 0,50 den/litër. Çmimi i shitjes me pakicë të Mazut М-1 SU ulet për 0,378 den/kg dhe tani do të jetë 38,265 den/kg.

Nga data 26.08.2025 nga ora 00:01 çmimet maksimale të derivateve të naftës do të jenë:

Benzinë motori EUROSUPER BS – 95 75,00 (denarë/litër)
Benzinë motori EUROSUPER BS – 98 77,00 (denarë/litër)
Naftë motori EURODIZEL BS (D-Е V) 68,00 (denarë/litër)
Vaj për djegie Ekstra i Lehtë 1 (EL -1) 67,50 (denarë/litër)
Mazut М-1 SU 38,265 (denarë/kilogram).

Nënkryetari i Bashkimit Demokratik për Integrim (BDI) dhe kandidati për kryetar të komunës së Çairit, Bujar Osmani, ka dalë me një reagim të ashpër ndaj kryeministrit aktual Hristijan Mickoski dhe koalicionit shqiptar qeverisës VLEN, duke akuzuar se po tentojnë të dobësojnë përfaqësimin politik të shqiptarëve dhe të devijojnë kursin strategjik të vendit nga rruga evropiane në një orientim pro-serb.

Në një shrim të fuqishme politike, Osmani ka theksuar se strategjia e Mickoskit për të përjashtuar BDI-në nga qeverisja nuk ka pasur për qëllim luftën kundër korrupsionit, por dobësimin e faktorit politik shqiptar në mënyrë që të mos ketë rezistencë ndaj ndryshimeve të mëdha strategjike që po ndërmerren në prapaskenë.

“Qëllimi i vërtetë i kësaj skeme ishte krijimi i një partneri shqiptar të dobët dhe të kontrollueshëm, i cili do të heshtë përballë margjinalizimit të kauzës shqiptare dhe braktisjes së rrugës së integrimeve evropiane,” shkruan Osmani.

Ai akuzoi drejtpërdrejt VLEN-in se, duke marrë pjesë në qeveri, ka pranuar të jetë pjesë e një plani për të rishikuar Marrëveshjen e Ohrit, për të relativizuar të drejtën e shumicës së Badenterit dhe për të vendosur në pikëpyetje barazinë e shqiptarëve në shtet.

“Shqiptarët në këtë qeveri jo vetëm që nuk kanë zë, por nuk kanë asnjë shenjë dinjiteti. Heshtja e tyre është alarmuese dhe dëmshme. Ajo shërben si mbulesë për devijimin e shtetit nga perspektiva evropiane dhe afërsinë në rritje me politika që favorizojnë interesat serbe në rajon,” theksoi Osmani.

Ai kujtoi se sulmet ndaj BDI-së nuk kanë qenë kurrë për motive të pastra politike, por pjesë e një fushate të orkestruar që synonte zhbërjen e ndikimit të vetmes forcë politike shqiptare që, sipas tij, nuk mund të kontrollohej.

“Mickoski e di mirë: BDI nuk është dhe nuk do të bëhet kurrë vegël e askujt. Ne kemi qenë dhe mbetemi garantues të rrugës euroatlantike dhe mbrojtës të barazisë së shqiptarëve,” deklaroi Osmani, duke bërë thirrje për bashkim të spektrit politik shqiptar për të mbrojtur interesat kolektive.

Në përmbyllje të shkrimit së tij, Osmani u shpreh se në zgjedhjet e ardhshme shqiptarët do të vendosin nëse do të mbeten spektatorë të përjashtimit të tyre ose do të marrin rolin e forcës që e shtyn shtetin përpara.

“Kjo nuk është betejë për poste. Kjo është betejë për dinjitetin politik të shqiptarëve. Dhe këtë betejë do ta fitojmë, sepse e vërteta është në anën tonë, sepse shqiptarët nuk pranojnë të nënshtrohen,” përfundoi Osmani.

Pentagoni refuzoi të komentojë lidhur me procedurën e ndërmarrë nga autoritetet amerikane.

Korpusi i Inxhinierëve të Ushtrisë Amerikane (USACE) ka shpallur kohët e fundit një kontratë të re për mbështetje të forcave amerikane në Evropën Juglindore, që përfshin Shqipërinë, Kosovën dhe Bullgarinë, në interes të Departamentit Amerikan të Mbrojtjes.

Sipas njoftimit zyrtar të publikuar në platformën federale SAM.gov, USACE-ja planifikon një marrëveshje kuadër pesëvjeçare, e cila përfshin projekte ndërtimi dhe mirëmbajtjeje në bazat ku operojnë trupat amerikane.

Punimet do të shtrihen nga ndërtimi i objekteve të reja dhe rinovimi i ndërtesave ekzistuese, deri tek rikonstruksioni i rrugëve, instalime elektrike, punime mekanike dhe ndërhyrje mjedisore për trajtimin e mbetjeve të rrezikshme.

Synimi, sipas dokumentacionit zyrtar, është mbështetja e pranisë së forcave amerikane dhe aktiviteteve të tjera të agjencive të SHBA-ve në rajon.

Procesi i përzgjedhjes së kompanive do të zhvillohet në dy faza, ndërsa faza e parë e tenderimit u shpall më 1 gusht.

Të pyetur nga Albanian Post lidhur me këtë procedurë, Pentagoni dha një përgjigje të shkurtër: “Ekipi ynë i politikave nuk ka asgjë për të shtuar në këtë moment lidhur me pyetjet tuaja dhe ka vendosur të mos komentojë”.

Një zyrtar amerikan i Mbrojtjes përshëndeti më parë për herë të parë nismën e bashkëpunimit ushtarak mes Shqipërisë, Kroacisë dhe Kosovës, duke e cilësuar atë si një hap pozitiv për sigurinë rajonale.

Përmes një deklarate ekskluzive për Albanian Post, ai konfirmoi mbështetjen e SHBA-ve për ‘të gjitha format e koordinimit mbrojtës’ mes vendeve partnere në Ballkan.

“Mbështesim bashkëpunimin mbrojtës mes të gjithë partnerëve tanë ballkanikë”, theksoi zyrtari i Pentagon-it në një përgjigje zyrtare për AP-në.

Kjo deklaratë vjen në një moment kyç për arkitekturën e sigurisë në rajon, duke i dhënë legjitimitet ndërkombëtar nismës shqiptaro-kroate për Mbrojtjen.

Pesë muaj pas nënshkrimit të deklaratës së përbashkët, Shqipëria, Kroacia dhe Kosova kanë kaluar në fazën e zbatimit praktik të bashkëpunimit në fushën e mbrojtjes.

Sipas një raportimi të mëparshëm nga Radio Evropa e Lirë, janë hartuar plane të strukturuara për koordinimin ‘e thelluar’ ushtarak dhe blerje të përbashkëta armatimi, përfshirë edhe nga SHBA-të.

Më 18 korrik në Tiranë u mbajt takimi i parë operacional, ndërsa në shtator pritet të miratohet udhëzuesi zbatues nga të tre ministritë.