Connect with us

Lajme

ASH pyet publikisht Izet Mexhitin: Sa shqiptarë janë punësuar nga 12 mijë vende sa deklaroi kryeministri Mickoski?

Published

on

Për ironi të fatit, në të njëjtën ditë kur qeveria njëetnike e drejtuar nga VMRO-DPMNE miratoi Propozim-Ligjin për Përfaqësim të Drejtë dhe Adekuat, institucionet shtetërore vazhduan të thellojnë diskriminimin dhe përjashtimin e qytetarëve shqiptarë nga administrata publike.

Nëpërmjet Agjencisë për Administratë, Fondi Pensional dhe Invalidor i Maqedonisë së Veriut shpalli konkurse për 23 vende pune, të gjitha të vendosura në rajonin lindor të vendit – zona ku nuk jetojnë shqiptarë. Kjo praktikë përjashtuese është shembulli më i qartë i asaj që nënkupton “përfaqësim i drejtë” në versionin e ligjit të Karakamishevës: 23 punësime për maqedonas, 0 për shqiptarë.

Po atë ditë, në Agjencinë për Ushqim dhe Veterinari, përmes një konkursi të brendshëm (nr. 02/2025, i publikuar më 04.04.2025), u avansuan tetë zyrtarë maqedonas dhe vetëm një shqiptar – edhe ky shembull konkret se si zbatohet “merita” në administratën e re.

Ndërkohë, në mbrëmje, kryeministri i VLEN-it Hristijan Mickoski, në një intervistë në TVM1, deklaroi se për një vit janë realizuar 10 deri në 12 mijë punësime të reja, duke e rritur numrin e të punësuarve në vend nga 690.000 në 702.000.

E pyesim publikisht liderin e VLEN-it, Izet Mexhiti: Nga këto 12 mijë punësime, sa janë shqiptarë? Apo ndoshta për këtë informacion duhet të kërkojë leje nga shefi i tij, Hristijan Mickoski?

Sipas dinamikës aktuale të konkurseve dhe avansimeve, është e qartë se numri i shqiptarëve të përfshirë nuk e kalon as shifrën katërshifrore, gjë që e bën edhe më të zymtë realitetin në të cilin ligji i shumëpropaganduar nuk është as simbolikisht funksional, e aq më pak efektiv.

Me këtë ritëm dhe me ligjin e Karakamishevës, shqiptarët po përshëndeten nga administrata shtetërore, duke u përjashtuar sistematikisht nga institucionet publike – një proces që e zhvesh përfaqësimin nga çdo kuptim real.

Prandaj, theksojmë edhe njëherë nevojën urgjente për një ligj të ri, gjithëpërfshirës dhe funksional, të hartuar me pjesëmarrje të vërtetë të përfaqësuesve shqiptarë, ekspertëve të komunitetit dhe institucioneve përkatëse. Mjaft më me makijazh politik dhe manipulime me emrin e barazisë!

Ky nuk është përfaqësim. Kjo është dorëzim. Dhe Aleanca për Shqiptarët nuk do të heshtë përballë kësaj padrejtësie.

Aleanca për Shqiptarët

Continue Reading

Lajme

Ilaz Leskovica shuan dilemat: Jam krah për krah me Bujar Osmanin mos bini pre e shpifjeve të s’VLENI-t

Published

on

By

Pas përhapjes së lajmit nga mediat e afërta me VLEN-in përmes një positmi ka reaguar Ilaz Leskovica i cili qartazi ka shprehur vendimin e tij për të qenë krah për krah me Bujar Osmanin për fitoren e madhe të Çairit, shkruan Top24

Në postimin e tij Leskovica shkruan:

Mos e mashtroni veten o ju të S’vlenit. Unë do të jem krah për krah me Bujar Osmani deri në fitoren e radhës në Çair Nëse unë kërkoj hapësirë për të rinjtë, kjo nuk do të thotë se jam kundër. Por aq poshtë keni rënë, sa nuk dini më me çka të merreni.
@inprimopiano

Continue Reading

Lajme

Ramadani në Svillare: Jam këtu për të dëgjuar dhe për të sjellë projekte konkrete për Sarajin

Published

on

By

Kandidati për komunën e Sarajit, Blerant Ramadani, së bashku me kryetarin aktual të komunës, Iljas Veseli, vizitoi fshatin Svillare ku u takua me banorë dhe familje të shumta.

Ramadani theksoi se pritja dhe mikpritja e banorëve të Svillarës e dëshmojnë forcën e komunitetit dhe gatishmërinë e tij për të ecur përpara.

“Çdo buzëqeshje dhe çdo fjalë mirëpritëse më rikujtoi se forca e një komuniteti qëndron te njerëzit e tij, tek bujaria, solidariteti dhe dëshira për të ecur përpara,” tha Ramadani.

Continue Reading

Lajme

Loja e Izet Mexhitit: Bekim Salit i premton post, ndërkohë përgatit kushëririn Burim Latifi

Published

on

By

Izet Mexhiti sërish shihet duke përdorur recetën e vjetër politike: premtime për poste dhe privilegje për të mbajtur në kontroll strukturat e VLEN-it dhe për të forcuar kandidaturën e tij në Çair.

Siç dihet,Mexhiti i ka ofruar Bekim Salit pozitën që mban aktualisht në ekzekutiv, vetëm e vetëm që të sigurojë përkrahjen e tij. Bekim Sali këtë premtim e ka marrë si të kryer.

Por skema nuk ndalet këtu. Postin e ministrit të Ekologjisë, Mexhiti tashmë ia ka premtuar kushëririt të tij, Burim Latifi – duke treguar se posti publik përdoret si monedhë pazari për interesa familjare dhe politike.

Njohësit e karrierës së tij nuk habiten.

“Mexhiti gjithmonë ka manipuluar në këtë formë me bashkëpunëtorët e tij – u premton pushtet, i përdor, dhe pastaj i hedh”, thotë njëri prej tyre.

Kjo lojë e rrezikshme po shihet nga shumë si tentativë e Mexhitit për të kapur Çairin duke blerë besnikëri, jo me ide apo projekte, por me pazare të ulëta politike.

Continue Reading

TOP Lajme