Connect with us

Lajme

Degradimi institucional i shqiptarëve – një pasqyrë e sfidave nën qeverisjen VLEN

Published

on

Editorial nga PressOnline.al

Koalicioni VLEN, përbërë nga Lëvizja Demokratike, BESA dhe Alternativa, erdhi në pushtet me premtime të mëdha për përfaqësimin e interesave shqiptare dhe avancimin e çështjeve kombëtare në Maqedoninë e Veriut. Megjithatë, pas një periudhe qeverisjeje, shqetësimet dhe pakënaqësitë brenda shqiptar janë bërë të dukshme dhe po rriten dita-ditës, shkruan PressOnline.al

Një nga arsyet kryesore të pakënaqësisë është mungesa e rezultateve konkrete në sektorët jetikë si arsim, shëndetësi, infrastrukturë dhe zhvillim ekonomik në komunat me shumicë shqiptare. Për shumë qytetarë, premtimet për përparim në këto fusha janë mbetur thjesht fjalë pa mbështetje dhe realizim në realitet.

Gjithashtu, brenda koalicionit VLEN janë evidentuar tensione dhe përçarje, të cilat ndikojnë në mungesën e një qëndrimi të përbashkët dhe një vizioni të qartë për të ardhmen. Kjo situatë dobëson jo vetëm unitetin politik por edhe besimin e qytetarëve që presin bashkëpunim efikas dhe vendime të shpejta për problemet që i prekin direkt.

Shqiptarët ndjehen të anashkaluar, pasi nuk kanë përfaqësimin e duhur në nivelet më të larta të pushtetit, duke e parë veten më shumë si partnerë të dobët sesa si bashkëqeverisës të barabartë.

Në këtë kuadër, qytetarët shqiptarë kërkojnë një ndryshim rrënjësor: një qeverisje që do të sjellë rezultate të prekshme, do të forcojë unitetin politik shqiptar dhe do të përfaqësojë me dinjitet interesat e komunitetit në çdo vendim të rëndësishëm – jo një qeverisje servile dhe pa takat.

Qeverisja e koalicionit VMRO – VLEN për një vit tregon një degradim të dukshëm institucional të komunitetit shqiptar, i cili përballet me pengesa dhe sfida të shumta në rrugën e tij drejt barazisë dhe integrimit evropian.

Një nga çështjet më të ndjeshme mbetet përfaqësim i Drejtë. Po ashtu, Ligji për Gjuhët, që duhet të jetë një gur themeli i përdorimit të gjuhës shqipe në institucionet shtetërore, mbetet i mangët në zbatim. Mungesa e aplikimit të këtij ligji përkeqëson ndjenjën e diskriminimit dhe pamundësisë për përdorimin e gjuhës amtare në jetën publike.

Një tjetër problem madhor është heqja e kriterit 20% si si referencë kushtetuese për Shqipen. Në kuadër të ndryshimeve kushtetuese, koalicioni VLEN nuk ka arritur të finalizojë përmirësime që do të forconin pozicionin institucional të shqiptarëve. Integrimi në Bashkimin Evropian, i cili duhet të ishte prioritet strategjik i qeverisë, po shkon me hapa të ngadaltë dhe pa rezultate konkrete. Kjo krijon një hendek mes pritshmërive të shqiptarëve dhe realitetit politik dhe ekonomik në vend.

Në këtë situatë, shqiptarët e Maqedonisë së Veriut ndjehen të degraduar institucionalisht, me një përfaqësim të dobët, ligje të pambyllura dhe një perspektivë të zymtë integrimi.

Në skenën politike të Maqedonisë së Veriut, narativa nacionaliste e partisë VMRO-DPMNE ndaj shqiptarëve vazhdon të jetë një pengesë e madhe për përparimin dhe barazinë e komunitetit shqiptar. Kjo narrativë, që shpesh ka për qëllim të minojë të drejtat dhe pozicionin politik të shqiptarëve.

VMRO-DPMNE ka kultivuar prej vitesh një qëndrim skeptik dhe shpesh armiqësor ndaj kërkesave shqiptare për barazi dhe përfaqësim të drejtë. Kjo përfshin kundërshtimin ndaj ndryshimeve kushtetuese, ligjeve për gjuhët dhe çdo iniciativë që fuqizon pozicionin institucional të shqiptarëve. Duke u mbështetur në këtë narrativë, VMRO ka ndikuar në bllokimin ose zvarritjen e proceseve të rëndësishme që lidhen me të drejtat e komunitetit shqiptar.

Nga ana tjetër, koalicioni VLEN, po e shfrytëzon këtë situatë politike për të konsoliduar pushtetin e tij, por jo gjithmonë në mënyrë që të avancojë interesat reale të shqiptarëve. Në disa raste, politika e VLEN është perceptuar si kompromis i tepërt dhe dorëzim ndaj presioneve maqedonase, duke sjellë një degradim të pozitës institucionale të shqiptarëve dhe mungesë progresi në çështjet kyçe si Ligji për Përfaqësim të Drejtë, Ligji për Gjuhët, ndryshimet kushtetuese per heqjen e 20 % për Shqipen dhe futjen e komunitetit bullgar në Preambulë.

Kjo dinamikë e dyfishtë – nacionalizmi maqedonas i VMRO-DPMNE-së dhe qasja e rezervuar e koalicionit VLEN – po krijon një qorrsokak për shqiptarët në Maqedoninë e Veriut. Në vend që të shfrytëzohet si mundësi për bashkëpunim dhe përparim, situata po përdoret për të mbajtur shqiptarët në një pozicion të dobët institucional dhe politik.(PressOnline.al)

Continue Reading

Lajme

Nga Batinca në Kumanovë: Zërat e revoltës sfidojnë Izet Mexhitin

Published

on

By

Lëvizja Demokratike e udhëhequr nga Izet Mexhiti po përballet me një valë të re pakënaqësish dhe largimesh në radhët e saj, vetëm pak ditë pas përvjetorit të dytë të themelimit, shkruan Flaka.

Pas reagimeve të figurave të njohura në parti, një tjetër përplasje ka shpërthyer në Studeniçan, ku një grup aktivistësh të nëndegës së Batincës ka dalë publikisht kundër kandidatit të propozuar për kryetar komune nga koalicioni VLEN, duke e cilësuar atë si “anonim” dhe “të imponuar”.

Emir Ismaili, aktivist i njohur i VLEN-it dhe pjesë e nëndegës së Lëvizjes Demokratike në Batincë, reagoi ashpër:

“Unë, Emir Ismaili, aktivist i flakt i VLEN-it, nuk pajtohem që një person anonim të paraqitet si kandidat për kryetar të komunës së Studeniçanit, kur atë nuk e njeh askush. Si është e mundur që unë, që kam qenë gjithmonë në vijën e kuqe, në kohët kur rrallëkush dilte kundër zullumit, të mos e njoh fare këtë person?”

Ai pyeti se “ku ishte ky kandidat deri dje” dhe nëse ka qenë ndonjëherë pjesë e aktiviteteve të VLEN-it:

“A ka qenë ndonjëherë në radhët e VLEN-it? Sepse unë, me të vërtetë, nuk e njoh! Tetori është afër – populli nuk harron dhe nuk pranon lojëra me kandidatë anonimë!”

Ismaili theksoi se nuk është i vetëm në këtë qëndrim:

“Nëndega Batinc nuk e përkrah një kandidat që nuk ka marrë pjesë asnjëherë në asnjë mbledhje apo tubim të VLEN-it. Bashkë me mua, edhe 33 anëtarë të nëndegës jemi kundër këtij vendimi.”

Ai e krahason vendosjen e kandidatit me praktikat autoritare të së kaluarës:

“Ky është kandidat i imponuar si në kohë të komunizmit – nga një person në kryesi të VLEN-it, jashtë normave të demokracisë, duke nënçmuar aktivistin e VLEN-it dhe kundër dëshirës së popullit të Karshiakës për ndryshime!”

Dorëheqje dhe rikthim në BDI

Në të njëjtën kohë, një nga figurat themeluese të Lëvizjes Demokratike, Naim Salihu – anëtar i Këshillit Themelues dhe i Kryesisë Qendrore – ka njoftuar publikisht dorëheqjen nga partia dhe rikthimin në Bashkimin Demokratik për Integrim (BDI).

Në një deklaratë të ashpër, Salihu akuzoi drejtimin aktual se pas hyrjes në qeveri me VMRO-DPMNE, nuk ka sjellë avancim të pozitës së shqiptarëve, por “degradim të plotë” dhe “fshirje të arritjeve të 20 viteve”:

“Unë nuk mund të jem pjesë e kësaj faqeje të errët të historisë. Kthehemi aty ku duhet të jemi, në radhët e BDI-së, për të ndalur përdhosjen e arritjeve tona. Vendimi im është i menduar thellë dhe i ndershëm ndaj vetes dhe kombit.”

Zëra kritikë nga brenda dhe nga rrethi i ngushtë i Mexhitit

Atmosfera e tensionuar brenda LD-së është pasqyruar edhe në deklaratat e figurave të tjera. Bashkim Saiti, anëtar nga Kumanova, kritikoi mungesën e strukturave funksionale, pavarësisht dy viteve nga themelimi:

“Dy vjet nuk janë pak – e hala pa struktura, pa organe që punojnë, pa drejtim të kjartë ku po shkojmë. Rinia ka prit me durim, por pritja e gjatë kthehet në zhgënjim. O veprojmë sot burrnisht, o e mbyllim me faqe të bardhë.”

Në të njëjtën linjë reagoi edhe Muhamet Ameti, një tjetër themelues i Lëvizjes, i cili përvjetorin e dytë e quajti “përvjetorin e fundit pa organe, pa llogaridhënie dhe vetëm me fjalë por pa vepra”. Mesazhin e tij e mbështeti publikisht edhe Fejzulla Kovaçi, kushëri i vetë liderit Mexhiti:

“Shumë e vërtetë, po kur mundin që e dham mos ju qoftë hallall.”

Reagimet, që vijnë si nga baza ashtu edhe nga rrethi i afërt i drejtimit të partisë, po e thellojnë perceptimin e një krize të brendshme serioze në Lëvizjen Demokratike – krizë që mund të ketë pasoja të dukshme në skenën politike shqiptare në vend në prag të zgjedhjeve lokale të tetorit. /Flaka Media/

Continue Reading

Lajme

Plas në Studeniçan, 33 anëtarë braktisin LD-në dhe VLEN-in. “Na tradhëtuat me kandidat anonim” (Foto)

Published

on

By

Paknaqësi e madhe në VLEN komuna Studeniçan pas emërimit të kandidatit për kryetar komune.
Sipas një aktivisti të flaktë, kandidati për Studeniçanin nga VLEN-i është anonim pasi thotë se ai kurrë ska qenë në VLEN sot është nominuar si kandidat.

“Unë, Emir Ismaili, aktivist i flakt i VLEN-it, nuk pajtohem që një person anonim të paraqitet si kandidat për kryetar të komunës së Studeniçanit, kur atë nuk e njeh askush. Si është e mundur që unë, që kam qenë gjithmonë në vijën e kuqe, në kohët kur rrallëkush dilte kundër zullumit, të mos e njoh fare këtë person? Tetori është afër — populli nuk harron dhe nuk pranon lojëra me kandidatë anonimë! Dhe ku ishte ky kandidat deri dje? A ka qenë ndonjëherë në radhët e VLEN-it? Sepse unë, me të vërtetë, nuk e njoh!
Nëndega Batinc nuk e përkrah një kandidat që nuk ka marrë pjesë asnjëherë në asnjë mbledhje apo tubim të VLEN-it. Bashkë me mua, edhe 33 anëtarë të nëndegës jemi kundër këtij vendimi” ka shkruar Emir Ismaili.

Continue Reading

Lajme

Nafie Selmani: VLEN-i nga një projekt për ndryshim, në një shpresë të humbur dhe zhgënjim

Published

on

By

Nafie Selmani, aktiviste dhe ish-mbështetëse e koalicionit VLEN, ka dalë me një reagim të ashpër publik, duke e cilësuar këtë formacion politik si “një shpresë të humbur” dhe “një zhgënjim të thellë” për qytetarët shqiptarë në Maqedoninë e Veriut.

“Përplasjet e brendshme në VLEN, për të cilat kam paralajmëruar muaj më parë, sot janë bërë aq të dukshme sa nuk mund të mbulohen më as me fotografi të buzëqeshura e poza të inskenuara në Fejsbuk,” shkruan Selmani, duke shtuar se “propaganda e fotografive ka humbur fuqinë, sepse realiteti politik që jetojmë është tepër i zymtë për t’u fshehur pas filtrave.”

Ajo akuzon drejtimin e VLEN-it për premtime të pambajtura, thyerje të besimit dhe humbje të shpresës për ndryshim:

“Shumë prej atyre që dikur e mbronin VLEN-in me pasion, sot ndihen të mashtruar e të lënë pas dore. Disa kanë guxim të flasin hapur, disa të tjerë shprehin mllefin në rrethe të ngushta, nga frika e ndonjë hakmarrjeje.”

Selmani kujton se në zgjedhjet parlamentare, VLEN-i e shfrytëzoi maksimalisht popullaritetin e Albin Kurtit, por “sot kjo kartë nuk ka më vlerë”. Ajo kritikon ashpër Koordinatorin e VLEN-it, Bekim Qoku, i dërguar i Vetëvendosjes, për mungesë performance si deputet:

“Ka mbetur një nga figurat më të zbehta dhe më të padukshme në Kuvendin e RVM-së. Emri i tij u lakua jo për ndonjë nismë ligjore, por si deputeti më i paguar për udhëtime, për të cilat as vetë nuk është i sigurt nëse i ka bërë.”

Sipas saj, zhgënjimi do të reflektohet fuqishëm në zgjedhjet lokale të tetorit:

“Shqiptarët ose nuk do të dalin fare në votime, ose do të prishin fletët e votimit, ose do t’i drejtohen forcave opozitare. Në VLEN do të mbeten kryesisht votat e punësimeve familjare, të nipave e tezakeve, të djemve dhe jaraneshave të kryetarëve të partive.”

Në fund, Selmani shprehet e zhgënjyer që projekti për të cilin votuan nuk solli ndryshimin e premtuar:

“Ne votuam për Ndryshim të vërtetë, për meritokraci, për barazi, për politikë dhe njerëz që mbajnë fjalën. Por në vend të kësaj, morëm një kopje të vjetër të filmit të njëjtë, vetëm se këtë herë regjia ishte më e shtrenjtë. Tetori do të jetë interesant, e Çairi do të jetë vendimtar!” /Flaka Media/

Continue Reading

TOP Lajme