Reagim nga Aleanca për Shqiptarët:

Në rrethana kur versionet e draft-ligjit për Përfaqësim të Drejtë dhe Adekuat po shpërndahen në media pa ndonjë proces transparent dhe pa përfshirje të gjerë institucionale apo shoqërore, Aleanca për Shqiptarët ngre shqetësime serioze për mënyrën dhe përmbajtjen me të cilën po procedohet ky ligj i rëndësishëm.

Në këtë kontekst, ngremë publikisht disa pyetje themelore për dy zëvendëskryeministrat shqiptarë, z. Izet Mexhiti dhe z. Arben Fetai, të cilët janë përfshirë në strukturat qeveritare që po e procedojnë këtë draft: A jeni konsultuar realisht për përmbajtjen e këtij ligji? A e keni parë ndonjëherë versionin që po procedohet në emër të qeverisë ku bëni pjesë? Dhe më e rëndësishmja: A jeni të vetëdijshëm se ky dokument, në formën e publikuar në media, rrezikon të shkojë në dëm të shqiptarëve dhe komuniteteve të tjera jo-shumicë në shtet?

Sipas përmbajtjes së publikuar nga televizioni Alsat-M, ky draft përmban së paku dy mangësi thelbësore, të cilat e deformojnë vetë qëllimin e ligjit: Deklarimi vullnetar i përkatësisë etnike, një formulim që hap rrugë për keqpërdorime dhe manipulime të rënda të sistemit të përfaqësimit. Ky mekanizëm, siç dëshmojnë praktikat e mëparshme, është përdorur për të cenuar përfaqësimin real të komuniteteve.

Po ashtu, zhvlerësimi institucional përmes vonesës në miratimin e akteve nënligjore, të parashikuara të miratohen brenda gjashtë muajve pas hyrjes në fuqi të ligjit. Një zbrazëti e tillë juridike dhe funksionale lë institucionet pa udhëzime për zbatim, pikërisht në një periudhë kur punësimet selektive dhe kontratat afatshkurtra po përdoren për përfitime politike dhe diskriminim etnik.

Në kushtet aktuale, kur administrata publike po keqpërdoret për interesa afatshkurtra politike dhe elektorale, çdo zbrazëti ligjore është e papranueshme dhe thellon pabarazitë ekzistuese, duke minuar kohezionin ndëretnik dhe besimin qytetar në institucionet shtetërore.

Aleanca për Shqiptarët kërkon rishqyrtim të menjëhershëm të draft-ligjit në tërësi, përfshirje të ekspertëve të pavarur, shoqërisë civile dhe përfaqësuesve të komuniteteve në procesin e riformulimit, si dhe dërgimin e draftit në Komisionin e Venecias vetëm pas dakordësisë së brendshme politike dhe institucionale.

Gjithashtu, u bëjmë thirrje publike përfaqësuesve të VLEN-it që të tregojnë përgjegjësi dhe vetëdije politike, duke mos pranuar pa rezerva çdo dokument të diktuar nga partnerët qeverisës – përfshirë kryeministrin Hristijan Mickoski dhe figurat me linjë retrograde si Stojance Angelov, Maksim Dimitrievski dhe Ivan Stoilkovic.

Rikujtojmë se përfaqësimi i drejtë dhe adekuat nuk është privilegj dhe as koncesion politik – ai është një detyrim kushtetues, një themel i bashkëjetesës demokratike dhe funksionimit të barabartë institucional. Ky parim nuk mund të realizohet përmes marrëveshjeve të mbyllura dhe interesave të ngushta, por përmes një procesi të hapur, gjithëpërfshirës dhe të ndërtuar mbi vlera të qarta demokratike dhe ligjore, nënvizojnë nga Aleanca për Shqiptarët.

Eksperti i sigurisë, Bedri Elezi, ka alarmuar se Shpresa Berisha është ngarkuar me detyra speciale nga presidenti serb.

Elezi thotë s eajo është graduar me gradln më të lartë, gjeneral – ajo është motra e ministrit në qeverinë serbe, Demo Berisha.

Ja njoftimi i tij:

“Gjeneral Shpresa Berisha, qenka ngarkuar me detyra speciale nga presidenti i Serbisë Aleksandër Vuçiç. Shpresa Berisha para disa muajsh u gradua me gradën gjeneral në ushtrinë e Sërbisë,

Performanca e saj në mardhënjet me ndërkombëtarët i mundësoj asaj gradën Gjeneral, kishte deklaruar presidenti serb në ceremonin gradimit të Shpresa Berisha, poashtu Vuçiç kishte thënë se gjeneral Shpresa Berisha është nga Peja dhe përfaqeson denjësisht “Kosovo e Metohinë”. Shpresa Berisha është motra e ministrit në qeverinë sërbe Demo Berisha./Bota Sot

Për këtë ka folur edhe Fatmir Sheholli

Sekretari i Përgjithshëm i Kombeve të Bashkuara, Antonio Guterres, ka reaguar pas sulmit të Shteteve të Bashkuara të Amerikës ndaj Iranit.

Guterres është shprehur i alarmuar siç ka thënë ai nga përdorimi i forcës nga SHBA-të, duke e cilësuar këtë si një përshkallëzim të rrezikshëm të tensioneve në një rajon tashmë të brishtë.

“Ky është një përshkallëzim i rrezikshëm në një rajon që tashmë të brishtë dhe një kërcënim i drejtpërdrejtë për paqen dhe sigurinë ndërkombëtare. Ekziston një rrezik në rritje që ky konflikt të dalë shpejt jashtë kontrollit – me pasoja katastrofike për civilët, rajonin dhe botën”, shkroi Guterres.

Guterres bëri thirrje për de-eskalim të situatës dhe respektimin e obligimeve sipas Kartës së OKB-së, duke theksuar se “nuk ka zgjidhje ushtarake” dhe se “rruga e vetme përpara është diplomacia”.

“Në këtë orë të rrezikshme, është jetike të shmanget një spirale kaosi. Nuk ka zgjidhje ushtarake. E vetmja rrugë përpara është diplomacia. E vetmja shpresë është paqja”, tha Guterres.