Në një ceremoni simbolike të zhvilluar në Çegran, kryetari i Komunës së Gostivarit, Valbon Limani, nderoi mërgimtarin Senad Mamudi me mirënjohje për aktin e tij të pazakontë dhe frymëzues – udhëtimin me biçikletë nga Zvicra deri në Gostivar, transmeton Flaka

“Në vendlindjen e tij, në Çegran, pata kënaqësinë ta nderoj me mirënjohje mërgimtarin Senad Mamudi, i cili udhëtoi me biçikletë nga Zvicra deri në Gostivar. Ky ishte një akt i fuqishëm dashurie për vendlindjen, një mesazh frymëzues dhe ftesë simbolike për të gjithë mërgimtarët se rruga drejt atdheut duhet të jetë e shpeshtë dhe e hapur gjithmonë,” u shpreh Limani.

Siç raportoi edhe Flaka, Senad Mamudi përshkoi plot 1.600 kilometra për tetë ditë, duke nisur udhëtimin e tij nga Zvicra të shtunën e javës së kaluar dhe duke mbërritur në Çegran këtë të diel në mesditë. Me biçikletë, përmes motesh të ndryshme dhe sfidave të udhëtimit, Mamudi i dha një kuptim të ri fjalës “mërgimtar” dhe tregoi një lidhje të thellë me tokën e tij.

Ky gjest i rrallë është përshëndetur gjerësisht nga komuniteti dhe ka marrë vëmendje të veçantë si një shembull i përkushtimit, dashurisë për vendlindjen dhe frymëzimit për brezat e rinj në mërgatë. Flaka

Kryetari i Aleancës për Shqiptarët, Arben Taravari i shoqëruar nga kryetari i komunës së Gostivarit Valbon Limani sonte kanë qëndruar në fshatin Çegran të komunës së Gostivarit ku kanë takuar aktivin politik dhe po ashtu kanë themeluar edhe shtabin zgjedhorë ku për shef të shtabit zgjedhorë në Çegran është zgjedhur Afet Bilalli, shkruan Top24

Arben Taravari gjatë takimit të tij me strukturat e ASH-së në Çegran të Gostivarit, ka folur për pozitën e mjerueshme të shqiptarëve në qevrinë e Hristjan Mickovksit dhe Maksim Dimitrievskit ku liderët e mbetur shqiptarë në qeveri janë të heshtur dhe të nënshtruar duke pranuar çdo gjë që kërkon Mickovski vetëm e vetëm të mbeten në qeveri. Ai më tej nga Çegrani porositi VMRO-DPMNE-në se historia kurë nuk i ka njohur shqiptarët si të nënshtruar dhe kurë sdo të pranojnë të nënshtrohen ndërsa dita e kësaj përgjigje po afron dhe se tetori është afër, shkruan Top24