Connect with us

Lajme

Wadephul do ta nxisë anëtarësimin e Ballkanit në BE

Published

on

Kroacia ishte vendi i fundit që iu bashkua Bashkimit Evropian, në mesin e vitit 2013. Gjatë vizitës së tij të parë, Ministri i Jashtëm gjerman e vuri Zagrebin para detyrimit.

Procesi i pranimit në BE për Malin e Zi, Serbinë, Shqipërinë, Maqedoninë e Veriut, Bosnjën dhe Hercegovinën dhe Kosovën nuk po përparon. Ministri i Jashtëm gjerman Johann Wadephul dëshiron ta nxisë procesin e zgjerimit të BE me këto vende. Ai beson se Kroacia ka një rol kyç për të luajtur në këtë drejtim. “Tani duhet t’i japim një shtysë të re zgjerimit për Ukrainën, Moldavinë dhe shtetet e Ballkanit Perëndimor”, tha politikani i CDU-së gjatë një takimi me homologun e tij Gordan Grlic Radman në kryeqytetin kroat, Zagreb. “Shpresoj që Kroacia të luajë një rol aktiv dhe vendimtar si një shoqëruese”, shtoi ai.

Wadephul: Anëtarësimi në BE gjithmonë çështje gjeopolitike

Ndër vendet e Ballkanit Perëndimor, Mali i Zi konsiderohet më i përparuari në procesin e pranimit në BE, por nuk është caktuar ende një datë për pranimin e tij. BE ka zhvilluar negociata pranimi me Malin e Zi dhe Serbinë që nga viti 2012 dhe 2014. Negociatat me Shqipërinë dhe Maqedoninë e Veriut filluan në vitin 2022. Bosnja dhe Hercegovina ka statusin e kandidatit për pranim, por ende nuk ka filluar negociatat. Kosovaështë një kandidat potencial për pranim.

Anëtarësimi në BE nukështë një proces thjesht teknik, por edhe një çështje gjeopolitike, tha Wadephul. “Fqinjët tanë nuk duhet t’ia lëmë autokratëve që kërkojnë të ushtrojnë ndikimin e tyre përmes dezinformimit dhe korrupsionit ose të na fusin në varësi të reja”, paralajmëroi ai, pa përmendur vende si Rusia dhe Kina. Krahas procesit të zgjerimit, BE duhet të reformohet nga brenda për të qenë në gjendje të përballet me sfidat gjeopolitike si një Bashkim i aftë dhe i konsoliduar demokratikisht.

Urë për Ballkanin Perëndimor

Kroacia është e domosdoshme për procesin e zgjerimit, tha Wadephul. “Ju i dini vështirësitë e procesit të pranimit nga përvoja juaj. Kjo ju bën një urë midis Ballkanit Perëndimor”. Kroacia ka rol “thelbësor që Evropa të vazhdojë të rritet, jo vetëm në aspektin e anëtarësimit, por edhe në forcë, kohezion dhe ndikim”. Kroacia ishte vendi i fundit që iu bashkua Bashkimit Evropian, në mesin e vitit 2013, dhe është gjithashtu anëtare e NATO-s.

Ministri i Jashtëm kroat Radman deklaroi se vendi i tij po merrte pjesë aktive në procesin e negociatave të BE-së me vendet e Ballkanit Perëndimor. “Ne nuk duam të shohim ndikim të palëve të treta mbi këto vende”, theksoi ai. Ballkani Perëndimor nuk duhet të mbetet “në një vakum gjeostrategjik”. Radmani shtoi: “Ballkani Perëndimorështë pjesë e Evropës; ata i përkasin gjeopolitikisht dhe gjeostrategjikisht BE.”/ DW

Continue Reading

Lajme

Dorëheqja e Aleancës nga Qeveria – Taravari: Precedent i ri politik pas 35 vitesh

Published

on

By

Kryetari i ASH-së, Arben Taravari në intervistën për Tv Arbëria kujtoi vendimin për dorëheqje nga Qeveria si një hap të guximshëm që krijoi precedent të ri në historinë politike të vendit. Sipas tij, ky akt tregoi një përgjegjësi të re politike që deri më tani nuk kishte ndodhur.

“S’ka ndodhur në Maqedoni për 35 vite që një parti politike apo një ministër të dorëhiqet vetë. Largimi ynë nga Qeveria solli një gjendje të jashtëzakonshme që zgjati një ose dy muaj dhe nxori në pah disbalancën mes përfaqësimit shqiptar dhe maqedonas në pushtet.”, nënvizoi Taravari.

Continue Reading

Lajme

Shaip Kamberi sfidon Qeverinë e Serbisë

Published

on

By

Ditë më parë, deputeti i vetëm shqiptar në Kuvendin e Serbisë, Shaip Kamberi ka inciuar te Qeveria serbe krijimin e “Fondit të veçantë për zhvillimin e komunave Preshevë, Bujanoc dhe Medvegjë”.

Kamberi, përmes një postimi në profilin e tij në Facebook, ka folur për propagandën e zyrtarëve serbë, duke zbuluar arsyet pse ka inicuar krijimin e një fondi të tillë.

“Për vite me radhë zyrtarë të Qeverisë së Serbisë, propagojnë “angazhim për zhvillim ekonomik” të Preshevës, Bujanocit e Medvegjës.

Ndërkohë, Bujanoci, Presheva e Medvegja mbeten komunat më të pazhvilluara në nivel të republikës.

Lugina Preshevës nuk ka nevojë për mbështetje deklarative. Zhvillimit të sajë i nevojiten investitorë, investime konkrete, përkrahje finansiare dhe lehtësime plotësuese për investitorët.

Me qëllim të ndërprerjes së trendit të ikjes së të rinjëve, krijimit të një të ardhme me perspektivë, hapjen e vendeve të reja të punës dhe krijimin e një ambienti që tërheq investimet e huaja, kam iniciaur sot, te Qeveria e Serbisë formimin e “Fondit të veçantë për zhvillimin e komunave Preshevë, Bujanoc dhe Medvegjë”.

Propozimi është që Fondi të ketë vlerën vjetore prej 10 milion eurove, ndërsa menaxhimi i tij të bëhet nga Trupi Koordinues, duke u mundësuar transparencë maksimale në menaxhim”, ka thënë Kamberi.

Gjiithashtu, Kamberi ka treguar se cilat do të jenë qëllimet e fondit.

“Shfrytëzuesit e Fondit do të ishin komunat Preshevë, Bujanoc e Medvegjë, shoqëria civile, mediat, organizatat sportive, bizneset e vogla e të mesme e këtyre komunave.

Fondi i veçantë për të stimuluar zhvillimin ekonomik, ka për qëllim:

1. Financimin e projekteve infrastrukturore të rëndësishëm për biznesin lokal dhe jetën e qytetarëve

2. Mbështetjen e hapjes së vendeve të reja të punës nëpërmjet subvencioneve dhe trajnimeve;

3. Stimulimin e investitorëve të huaj dhe vendor nëpërmjet lehtësimeve tatimore dhe përkrahjes infrastrukturore;

4. Zhvillimin e kapaciteteve arsimore dhe profesionale në përputhje me nevojat e tregut të punës.

5. Krijimin e një linje të veçant për subvencionimin e bujqësisë.

6. Krijimin e lehtësirave të veçanta për të gjitha bizneset e vogla dhe të mesme, organizatat e shoqërisë civilie, medias, klubeve sportive, përgjatë aplikimit të tyre në konkurset e të gjitha ministrive”, ka njoftuar Kamberi përmes një postimi në Facebook.

Continue Reading

Lajme

KSHPK dhe Prokuroria konstatuan: Nuk ka parregullsi në organizimin e Samitit të OSBE-së në Shkup

Published

on

By

Akuzat për keqpërdorime të supozuara gjatë organizimit të Këshillit Ministror të OSBE-së, i cili u mbajt në Shkup vitin e kaluar, tashmë janë institucionalisht të mbyllura, konfirmuan që vitin e kaluar Komisioni Shtetëror për Parandalimin e Korrupsionit (KShPK) dhe Prokuroria Publike për Ndjekjen e Krimit të Organizuar dhe Korrupsionit (PPNOKK).

Sipas konkluzionit zyrtar të të dy institucioneve, procedura për përzgjedhjen e kompanisë për rikonstruksionin dhe adaptimin e sallës “Boris Trajkovski” është zhvilluar në përputhje me ligjet, duke respektuar standardet më të larta të vlerësimit të drejtë dhe pa elemente korrupsioni.

Kontrolli institucional u zhvillua me iniciativë të ish-ministrit të Jashtëm, Bujar Osmani, i cili, për shkak të një sërë akuzash publike, kërkoi një rishikim dhe hetim të plotë për të gjithë procedurën.

“Procesi ishte në përputhje me ligjet tona, u respektuan standardet më të larta të vlerësimit të drejtë dhe nuk pati korrupsion”, thuhet në konkluzionin e përbashkët të KShPK dhe Prokurorisë, i cili ka të bëjë me përgatitjet për Samitin që konsiderohet si një nga ngjarjet më të rëndësishme diplomatike në historinë më të re të shtetit.

Koalicioni VLEN, në prag të zgjedhjeve lokale, e rihap sërish temën dhe disa herë e ka akuzuar Osmanin për keqpërdorim të fondeve publike, duke u thirrur në një raport të auditimit. Mirëpo, organet institucionale që kanë kompetencë për të konstatuar parregullsi të mundshme tashmë kanë marrë qëndrim përfundimtar: procedura është zhvilluar në mënyrë ligjore dhe pa elemente korrupsioni. Prandaj, mbetet e paqartë pse kërkohet përsëri nga Prokuroria të veprojë mbi një çështje për të cilën tashmë ka vepruar.

Me këtë, çështja është juridikisht dhe institucionalisht e mbyllur, dhe në mungesë të provave të reja, insinuatat e mëtejshme politike, siç vlerësojnë ekspertët, nuk kanë bazë në gjendjen faktike.

Continue Reading

TOP Lajme