Aleanca për Shqiptarët reagon me shqetësim të thellë ndaj praktikave të vazhdueshme të diskriminimit institucional dhe përjashtimit sistematik të shqiptarëve nga proceset vendimmarrëse në nivel shtetëror dhe lokal.

Barazia etnike nuk është privilegj, por e drejtë kushtetuese dhe parim themelor mbi të cilin është ndërtuar karakteri unitar i shtetit. Çdo shkelje, anashkalim apo deformim i këtij parimi jo vetëm që cenon drejtësinë shoqërore, por minon themelet e bashkëjetesës dhe vetë kohezionin institucional të shtetit.

Përpjekjet për të rishkruar rregullat e përfaqësimit në mënyrë që favorizojnë një etni mbi tjetrën, janë të papranueshme dhe përbëjnë kthim prapa drejt praktikave të dominimit monoetnik. Nëse kjo linjë politike vazhdon, shteti nuk do të mund të ruajë karakterin e tij unitar, por do të rrëshqasë drejt fragmentimit funksional dhe krizave të brendshme.

Aleanca për Shqiptarët nuk do të pranojë kurrë një shtet ku shqiptarët trajtohen si qytetarë të rendit të dytë. Ne do të mbrojmë me vendosmëri të drejtat tona kolektive dhe do të kundërshtojmë çdo iniciativë që tenton të shkelë balancën e ndërtuar me sakrifica të mëdha politike.

Barazia nuk është kërkesë politike – është kusht për stabilitet.

Aleanca për Shqiptarët

Grupi i këshilltarëve të BDI-së në këshillin komunal të Tetovës përmes një reagimi kanë sqaruar formën e sjellëjes në seancën e këshillit komunal donacionin e shumë folur prej 800 mijë euro nga kompania UNIPROMET me pronar nga Serbia.

Të nderuar bashkëqytetarë,

Ne Këshilltarët e Bashkimit Demokratik për Integrim në Këshillin Komunal të Komunës së Tetovës e kemi për obligim ta shpalosim të vërtetën mbi donacionin prej 800.000 euro të kontrabanduar në mënyrë klandestine në Këshillin Komunal me datë 14.03.2025.

1. Me rregulloren e Këshillit Komunal, propozuesi i pikave të rendit të ditës, në këtë rast Bilall Kasami, është i obliguar që Këshilltarëve tua dorëzojë materialet minimum 7 ditë përpara seancës. Kjo nuk ka ndodhur me këtë pike. Pika e donacionit nuk na është dërguar në email me materialet tjera dhe ajo është vendosur në Komision një ditë para seancës, pra me datë 13.03.2025. (Dëshmitë për këtë i keni në fotot më poshtë).

2. Në Komisionin që është mbajtur me datë 13.03.2025 Këshilltari ynë Veton Murati ka votuar I PËRMBAJTUR për shkak të mungesës së materialeve shtesë.

3. Edhe përkundër këtij fakti, ne Këshilltarët e BDI-së në seancë të Këshillit Komunal (me date 14.03.2025) kemi kërkuar përmes Këshilltarit tonë Veton Murati që të na jepen informata shtesë mbi kërkesën e kësaj kompanie (kompenzimin e mundshëm) për këtë donacion. Bilall Kasami na është përgjigjur se nuk ka asgje që fshihet pas këtij donacioni dhe se kompania nuk kërkon asgjë për këmbim dhe është mirë që të gjithë bashkarisht ta votojmë këtë donacion. Pasi që në seancë gojarisht na u sqarua se bëhet fjalë vetëm për donacion ‘dashamir’ ne votuam PRO sepse në princip gjithmonë i kemi votuar PRO të gjitha donacionet për qytetin. (Pyetjen e këshilltarit Veton Murati e keni në videon më poshtë).

3. Ajo që dëshmon se Bilall Kasami ka dashur të fsheh prej Këshilltarëve dëshmitë e pronarëve të kësaj kompanie është fakti se Komuna e Tetovës e ka hequr videon e seancës së 48 nga faqja zyrtare në rrjete sociale. Aty mund t’i vërtetoni të gjitha ato që i kemi potencuar më lartë.

4. Ne jemi të bindur se asnjëri nga Këshilltarët e Komunës së Tetovës, përfshirë këtu edhe Këshilltarët e Lëvizjes Besa, nuk kanë qenë në dijeni për qëllimet e fshehura të Bilall Kasamit dhe çmimit që Tetova duhet ta paguaj nga pranimi i një donacioni me
Kapital 100% sërb.
Të nderuar motra e vëllezër, ne për 4 vjet me rradhë kemi qenë zëri i arsyes në Këshillin Komunal. Kështu edhe do të vazhdojmë.

Prokuroria Publike ka njoftuar se Prokuroria e Shkupit ka dhënë urdhër për realizim të hetimit kundër dy personave, pasi siç thuhet në njoftim, të njëjtit dyshohet se kanë kryer dhunë të vrazhdë, përcjell TV21.

Siç thuhet në njoftim, dy të dyshuarit kanë sulmuar fizikisht, me pinca hidraulike, deri në pavetëdije një person, për të cilin kanë dyshuar se ua ka vjedhur shalqinjtë nga bahçja.

“Të dyshuarit, të moshës 39 dhe 31-vjeçare, më 24 korrik në fshatin e Shkupit, Oreshan, kanë kryer dhunë të vrazhdë dhe e kanë rrezikuar sigurinë e një personi, për të cilin kanë menduar se ka vjedhur shalqinj në tokën e të dyshuarit të parë. Me automjet transportues, e kanë përcjell të dëmtuarin derisa ai me automjet ka lëvizur nga Petroveci drejt fshatit Taor, derisa është parkuar në oborrin e shtëpisë së nipit të tij në Oreshan.
Të dyshuarit kanë arritur menjëherë pas tij, kanë dalë nga automjeti dhe e kanë sulmuar. Me dhunë e kanë hequr nga vetura dhe e kanë sulmuar me grushte dhe shuplaka në kokë dhe trup. I dyshuari i dytë ka nxjerrë pinca hidraulike nga kamioni, dhe me ato e ka sulmuar derisa i dëmtuari është rrëzuar pa vetëdije. I kanë shkaktuar lëndime trupore për shkak të së cilave – gjendjes serioze jetësore është hospitalizuar në Klinikën e Neurokirurgjisë. Me veprimet e dhunshme, tek dëshmitari – nipi i të dëmtuarit dhe në publik kanë shkaktuar ndjenjën e pasigurisë, kërcënimit dhe frikë”, thuhet në njoftimin e Prokurorisë.

Nga Prokuroria bëjnë të ditur se duke vlerësuar rrethanat, kundër dy të dyshuarve është propozuar masë e paraburgimit.