Lajme

VLEN: Mbi 76 milion euro për kazino në mandatin e Grubit

Published

1 year ago

13.04.2024

Admin01

Nga opozita shqiptare “VLEN” thonë se edhe përkundër kërcënimit për padi që u është bërë nga Lotaria Shtetërore e RMV-së për siç thonë ngritjen e çështjes së furnizimeve publike për aparate të kazinove dhe karrigeve për kazino, furnizime këto të cilat sipas opozitës “VLEN” janë ende aktive edhe gjatë kësaj fushate zgjedhore, thonë se nuk do të ndalen që të shpalosin krimit që siç thonë kanë bërë BDI dhe Artan Grubi. Nga opozita “VLEN” shtojnë se vetëm për mandatin 4 vjeçar të Artan Grubit si zëvendës kryeministër i parë, mbi 76 milionë euro para të qytetarëve, kanë përfunduar në biznesin e kazinove.

“…Shihet procedura e blerjes së 2100 aparateve të kazinove dhe 2000 karrigeve për kazino, ku sipas përllogaritjes së çmimeve nga tenderët e njëjtë në të kaluarën, shuma e këtij furnizimi do të arrijë mbi 23 milionë euro. Ky tender është i hapur nga NOVO VLT, ku pronar kryesor është Lotaria Shtetërore e RMV. Para jush ekskluzivisht po i shpalosim anëtarët e bordit të NOVO VLT, ku të gjithë janë njerëzit më të afërt të kazinomenit Artan Grubi. Artin Spahiu, kryetari i degës së BDI-së në Dibër dhe anëtar i kryesisë qendrorë të BDI-së, mik i afërt i Artan Grubit. Omer Bunjaku, këshilltari në kabinetin e Artan Grubit dhe shok i afërt i tij”, tha Fahri Hiseni, anëtar i Koalicionit VLEN.

Lajme

Blerant Ramadani: Programi “Saraji 2025–2029” po shkruhet bashkë me qytetarët

Published

6 hours ago

22.08.2025

Admin01

Kandidati i AKI-së për Komunën e Sarajit, Blerant Ramadani, ka theksuar se programi i tij zgjedhor do të jetë i ndërtuar mbi idetë dhe propozimet e qytetarëve.

Në një postim, ai bëri të ditur se së bashku me rininë e AKI-së janë duke sistemuar sugjerimet e ardhura përmes platformës online. “Bashkë me rininë e AKI-së po sistemojmë propozimet tuaja nga www.blerantramadani.com
– programi Saraji 2025–2029 shkruhet me ju!” ka deklaruar Ramadani.

Ai shtoi se transparenca dhe përfshirja e drejtpërdrejtë e qytetarëve në hartimin e programit janë garanci që prioritetet e komunës do të pasqyrojnë vërtet nevojat e banorëve të Sarajit./ZYRTARE.net/

Lajme

Tahir Bexheti, zgjidhet kryetar i shtabit të degës së Bogovinës

Published

7 hours ago

22.08.2025

Admin01

Arben Taravari, kryetar i ASh-së ka njoftuar se kjo strukturë partiake ka zgjedhur kryetarin e shtabit të degës së Bogovinës, njofton Top24

“Z.Tahir Bexheti u zgjodh sot kryetar i shtabit të degës së Bogovinës.

Urime dhe Suksese Tahir!”, shkruan Taravari.

Lajme

Njomza Shaqiri reagon pas vendimit të KShZ-së: Në Gostivar numri i këshilltarëve do të ulet nga 31 në 23

Published

8 hours ago

22.08.2025

Admin01

Zëdhënsja e ASh-së, Njomza Shaqiri ka reaguar pas vendimit të Komisionit Shtetëror Zgjedhor për të ulur numrin e këshilltarëve komunalë, njofton Top24

Ajo thotë se me këtë vendim, në Gostivar numri i këshilltarëve do të ulet nga 31 në 23.

“Më shumë parti se këshilltarë komunal

Duke e ulur numrin e këshilltarëve komunal në Gostivar, nga 31 në 23, do të ulet ndjeshëm përfaqësimi i zërit qytetar shqiptar dhe forca e vendimmarrjes në nivel komunal.
Shqiptarët më shumë se kurrë duhet të veprojnë
BASHKË!
Për komunat tona, për ardhmërinë tonë!”, shkruan Shaqiri.