Sport

Viktor Gyokeres lojtari më i ri i Arsenalit

Published

5 hours ago

27.07.2025

Admin01

Arsenali ka konfirmuar se Viktor Gyokeres i është bashkuar klubit me një kontratë pesëvjeçare nga Sporting Lisbona.

Marrëveshja ka vlerë fillestare prej 63.5 milionë euro, me 10 milionë euro të tjera në formë bonusesh.

Gyokeres do të veshë fanellën me numrin 14, atë që dikur e mbante Thierry Henry, dhe tani do t’i bashkohet skuadrës së Arsenalit në turneun parasezonal në Singapor.

Arsenali e konsideron Gyokeres si një nga sulmuesit më të kompletuar të futbollit modern, duke vlerësuar te ai forcën fizike, aftësitë teknike dhe inteligjencën taktike.

Negociatat me Sportingun kanë qenë të gjata dhe janë udhëhequr nga drejtori sportiv Andrea Berta, me përfshirjen e bordit drejtues, stafit të rekrutimit dhe atij juridik në një përpjekje të koordinuar.

Arsenali e sheh Gyokeres si një sulmues dominues. I fortë me të dyja këmbët, fizik, i aftë të mbajë topin, të ushtrojë presion pa top dhe, më e rëndësishmja, me instinkt natyral për gol.

Kjo vërtetohet nga 97 gola dhe 28 asistime në vetëm 102 paraqitje gjatë dy sezoneve të fundit.

Marrëveshja ishte shtyrë deri në momentin kur agjenti i Gyokeres pranoi të hiqte dorë nga një komision 10 për qind që i takonte nga ana e Sportingut, gjë që i bindi portugezët të ulin kërkesën prej 80 milionë eurosh.

Sport

Transferimi i Ibrahima Konate tek Real Madridi nuk do të ndodhë këtë verë

Published

3 days ago

24.07.2025

Admin01

Transferimi shumë i pritur i Ibrahima Konate te Real Madridi ka hasur në një pengesë. Sipas Radio Marca, transferimi nuk do të ndodhë këtë verë.

Kontrata aktuale e Konate-s do të skadojë në vitin 2026 dhe duket se ai do ta përfundojë pjesën e mbetur të marrëveshjes së tij përpara se të kalojë te gjigantët spanjollë.

Disa mediume shkruajnë se Konate ka rënë dakord të bashkohet me Real Madridin si transferim i lirë në vitin 2026, pasi kontrata e tij të skadojë.

Konate do të jetë lojtari i dytë që do t’i bashkohet Real Madridit falas pas Trent Alexander-Arnold këtë verë.

Është pothuajse e sigurt që Ibrahima Konate do të jetë lojtar i Real Madridit në verën e vitit 2026. /GazetaBlic Sport

Sport

Shqipëria do të luajë në shtator ndeshje miqësore ndaj Gjibraltarit

Published

1 week ago

19.07.2025

Admin01

Kombëtarja shqiptare e futbollit do të zhvillojë një ndeshje miqësore ndaj Gjibraltarit më 4 shtator.

Të dyja federatat kanë rënë dakord që kjo ndeshje të zhvillohet në Gjibraltar, në “Europa Point Stadium” në orën 18:00.

Në muajin shtator, Shqipëria ka vetëm një ndeshje zyrtare, atë kundër Letonisë në kuadër të kualifikueseve të Kupës së Botës 2026, që do të luhet më 9 shtator në stadiumin “Air Albania”.

Për këtë arsye, stafi teknik ka vendosur të zhvillojë një miqësore, për të testuar gjendjen e lojtarëve para sfidës zyrtare.

Sport

FIFA ul çmimet e biletave për finalen e Kupës së Botës për Klube

Published

2 weeks ago

13.07.2025

Admin01

FIFA ka ulur çmimet e biletave për finalen e së dielës në përpjekje për të rritur pjesëmarrjen në ndeshje.

FIFA ka përgjysmuar çmimet e biletave për finalen e Kupës së Botës për Klube që do të luhet të dielën në stadiumin ‘MetLife’ në East Rutherford, New Jersey, në përpjekje për të shtuar numrin e tifozëve në ndeshje.

Çmimi më i lirë i një bilete standarde të premten ishte ulur nga 312.20 dollarë në 249.75 dollarë, sipas USA Today.

Çmimet për biletat premium nuk kanë ndryshuar nga e mërkura deri të premten, me ulëset në East Club që kushtojnë 1,644.65 dollarë dhe ato në EY Coaches Club 4,348.50 dollarë.

Të shtunën, çmimi më i ulët i një bilete në TicketMaster ishte 201.75 dollarë në seksionin 327, rreshti 10.

Sipas FIFA-s, 2.4 milionë tifozë kanë ndjekur deri tani ndeshjet e Kupës së Botës për Klube, me 21 nga 62 ndeshje të zhvilluara që kanë pasur të paktën 50,000 spektatorë.

Megjithatë, FIFA është kritikuar gjatë gjithë turneut për çmimet e larta të biletave, të cilat kanë ndikuar në pjesëmarrjen e ulët në fazat e para të turneut.

Associated Press raportoi më 28 qershor se mbi një milion bileta nuk janë përdorur gjatë fazës së grupeve.