Në tekstin e shpërndarë si “demant”, pretendohet se Market Vision “nuk ka realizuar asnjë anketë gjatë periudhës 20 qershor – 4 korrik 2025”. Ky tekst u paraqit si qëndrim zyrtar i agjencisë, por nuk shoqërohej me asnjë burim të verifikueshëm dhe nuk është publikuar në asnjë kanal zyrtar të Market Vision.

VMRO-DPMNE hodhi poshtë menjëherë pretendimet e VLEN-it dhe theksoi se sondazhi është i besueshëm, i realizuar me standarde profesionale dhe përfaqëson saktësisht disponimin aktual të qytetarëve.

Sipas këtij sondazhi:
• VMRO-DPMNE ka 23.8% mbështetje totale, kundrejt 5.1% të LSDM-së, një raport dominues prej pothuajse 5 me 1.
• Te votuesit e vendosur, VMRO arrin 52.8%, ndërsa LSDM vetëm 11.3%.
• Në nivel lidershipi, Hristijan Mickoski kryeson me 26.9% mbështetje, ndërsa Stevo Filipçe (LSDM) ngelet shumë pas me 4.7%.

“Shifrat flasin vetë – kemi të bëjmë me një opozitë që jo vetëm ka humbur terren në parlament, por edhe besimin e qytetarëve. LSDM është reduktuar në një figurë simbolike. Përpjekjet për të diskredituar anketat tregojnë panikun e atyre që janë në pushtet vetëm përmes aleancave joparimore”, deklaruan nga VMRO-DPMNE.

Partia e Mickoskit paralajmëroi se do të kërkojë llogari publike nga VLEN, të cilën e akuzon për manipulim të qëllimshëm të opinionit dhe përpjekje për të minuar kredibilitetin e sondazheve serioze, duke mbrojtur interesat e ngushta të një qeverie në rënie.

Ky përplasje rihap temën e përdorimit të mediave online nga partitë politike për qëllime propagandistike, një fenomen gjithnjë e më i dukshëm në prag të zgjedhjeve lokale dhe presidenciale në Maqedoninë e Veriut.

Në prag të zgjedhjeve lokale që do të mbahen në tetor të këtij viti, koalicioni i Frontit Evropian (BDI + Sela + Taravari) vijon të kryesojë me një epërsi të ndjeshme ndaj opozitës shqiptare të përfaqësuar nga VLEN.

Sipas sondazheve më të fundit, në disa komuna raporti i mbështetjes shkon deri në 3 me 1 në favor të Frontit, ndërsa në shumicën e komunave epërsia është 2 me 1. Kjo përparësi e madhe e vendos Frontin në një pozitë të favorshme për garën lokale që pritet të zhvillohet në tetor.

Kryetari i Aleancës për Shqiptarët, Arben Taravari, ka bërë të ditur sot angazhimin e Prof. Dr. Etem Azirit si këshilltar special politik.

Prof. Aziri, një emër me peshë në fushën e sociologjisë, shkencave politike dhe juridike, do t’i bashkohet ekipit të Aleancës për Shqiptarët me qëllim të fuqizimit të kapaciteteve analitike dhe strategjike në fazën e re të veprimit politik të kësaj force politike.
Etem Aziri është një ndër studiuesit më të respektuar në hapësirën akademike shqiptare në Maqedoninë e Veriut. Ai është doktor shkencash në sociologji nga Universiteti “Shën Kirili dhe Metodi” në Shkup, me një disertacion që trajton proceset socio-ekonomike dhe zhvillimin në rajonin e Pollogut – një analizë që ka pasur ndikim të theksuar në studimet rajonale.

Ai ka përfunduar magjistraturën në drejtësi dhe studimet bachelor në shkenca politike në Universitetin e Zagrebit, duke ndërthurur kështu ekspertizën e tij në juridik dhe politikë.

Në karrierën akademike, Prof. Aziri ka mbajtur pozita të rëndësishme udhëheqëse si: Drejtor i Qendrës për Studime Shqiptare pranë Institutit për Studime Sociologjike, Politike dhe Juridike në Shkup (2003–2004)Profesor, prodekan dhe dekan në Fakultetin e Administratës Publike dhe Shkencave Politike në Universitetin e Evropës Juglindore në Tetovë (2005–2010)
Një nga botimet më të rëndësishme të tij është monografia:
“Partitë politike, zgjedhjet dhe sistemet zgjedhore” (Tetovë, 2015), një analizë e thellë mbi sistemin politik të Maqedonisë së Veriut dhe rolin e shqiptarëve në ndërtimin e një demokracie funksionale dhe përfaqësuese
Angazhimi i Prof. Dr. Etem Azirit si këshilltar special politik konsiderohet si një hap strategjik për konsolidimin e qëndrimeve programore dhe ideologjike të Aleancës për Shqiptarët, në një moment kyç për skenën politike shqiptare në vend.