Banorët e fshatit Nerovë, në komunën e Krushevës, kanë shprehur mirënjohje publike ndaj ambasadorit të Shqipërisë në Maqedoninë e Veriut për mbështetjen dhe angazhimin e tij konkret në zgjidhjen e problemit të shkollës në këtë zonë.

Siç deklaron përfaqësuesi lokal Bexhet Bablok, ambasadori kishte vizituar më herët objektin e shkollës në gjendje të rënduar dhe kishte premtuar ndërhyrje përmes kanaleve diplomatike. Kjo vizitë rezultoi vendimtare, pasi solli përshpejtim të procesit dhe rikthim të vëmendjes institucionale ndaj një problemi të zvarritur prej kohësh.

Ndërkohë që liderë politikë vendorë, përfshirë Hristijan Mickoskin, janë përpjekur të atribuojnë vetes meritat për zgjidhjen, komuniteti lokal thekson se roli i ambasadorit shqiptar ka qenë thelbësor në finalizimin e këtij procesi.

Nxënësit dhe prindërit kanë përshëndetur rifillimin e punimeve dhe shprehin shpresë që objekti i shkollës të përfundojë sa më parë, duke i dhënë fund kushteve të papërshtatshme për mësim.

Shkruan: Rami Mislimi

„Ти можеш да продаваш пари, ама јас не купувам, вие не ги затворите КАЗИНОТО, ама јас не играм“

Si natyrë që jam, nuk besoj lehtë as në gjëra që nuk i shoh, e aq më pak në ato që nuk i prek me dorë. E në kohë fushate, nuk besoj fare! Sidomos atyre që nuk kanë fuqi të bëjnë ndryshime të mëdha në këtë shtet që tashmë as nuk na llogarisin si njerëz e hiç më pak si shqiptarë.

Të gjithë liderët e partive të koalicionit VLEN, nga Izeti, Bilalli, Zeka po edhe Arbeni i Likovës, aq shumë kanë folur për kazino, bastore dhe kreditë e shpejta, sa mendova se po të vinin në pushtet dhe po të qëndronin 4 vite, do të mbyllnin të paktën një kazino, një bastore, dhe do t’i jepnin fund “kamatashëve” legalë ato që populli i njeh si bankat me mbishkrime të turpshme si: “Prodavam Pari”.

Por tani, pas një viti në pushtet, realiteti është ndryshe. Vetëm në qytetin ku jetoj, në Tetovën e “Hafiz Efendi Bilall Kasamit”, që të premteve falet në tre xhamia për tu dukur më fetarë dhe agjëron të hënë e të ejnte, janë shtuar edhe kazinot, edhe duqanet që shesin para, “Prodaveme PARI”.

Para zyrës së “Hafiz Bilallit” në Tetovë ka një shitore ku shkruan “Prodavame Pari”. Pak më tutje ku pi Bilalli kafe, është “WLT – luaj dhe fito, jep 100 denarë dhe fito 1 milion”. Edhe më tutje ku ha burek është KAZINO-ja “Rrotullo zarin dhe fito 100 mijë euro”.

Dhe kjo gjendje mjeruese nuk është vetëm në Tetovë, por edhe në Çairin e Izet Mexhitit, i cili gjithashtu premtoi se me ardhjen e VLEN-it do të zhdukeshin KAZINOT dhe kreditë e shpejta.

Ata që jetojnë në Çair, Tetovë dhe vise tjera shqiptare, e dinë, jo që janë mbyllur kazinot, por janë shtuar! Dhe më keq akoma kanë infektuar edhe nxënës të shkollave fillore. Kazinot sot janë afër shkollave, xhamive, çerdheve, madje edhe në oborret e shtëpive tona.

Me Llotarinë e Maqedonisë udhëheq një “partiak” i Izet Mexhitit. Tani më thoni, si do të na bind Izeti se kazinot dhe kreditë e shpejta janë mbyllur ose si do të më thotë mua dhe shqiptarëve edhe të VLEN-it i kam mbyllur?

Nëse duan të vërtetën, le të dalin me mua ose dhe vet dhe t’i numërojmë së bashku kazinot që kishte në vitin 2024 dhe ato që ka sot në 2025. Do shohin jo vetëm që janë shtuar, por edhe kanë avancuar janë zbukuruar dhe janë shtuar.

Ata mund të flasin në publik se i kemi mbyllur, por shqiptarët çdo ditë kalojnë pranë kazinove dhe shitoreve që “shesin para”.

Pas gjithë këtij mashtrimi, lind pyetja:

A po financohen liderët e VLEN-it nga kazinot dhe kreditë e shpejta?

Unë mendoj se po, sepse ka bazë të fuqishme për dyshime sepse ata nuk u mbyllën por u shtuan.

Ama unë ju them:

„Ти можеш да продаваш пари, ама јас не купувам, вие не ги затворате КАЗИНОТО, ама јас не играм“

Angazhimi i drejtpërdrejtë dhe vendosmëria e ambasadorit të Republikës së Shqipërisë në Maqedoninë e Veriut, z. Denion Meidani, ka sjellë një fitore konkrete për nxënësit dhe prindërit shqiptarë të fshatit Nerovë të Krushevës, njofton Flaka

Pas vizitës së tij në këtë lokalitet javën e kaluar, ku dëgjoi shqetësimet e banorëve dhe premtoi përkrahje të plotë, ambasadori Meidani veproi menjëherë. Madje, në prani të banorëve, ai komunikoi drejtpërdrejt me zëvendëssekretarin për punë të përgjithshme në Qeveri, duke insistuar që çështja e shkollës të futet në rend dite të mbledhjes së ardhshme të ekzekutivit.

Kjo ndërhyrje ka prodhuar rezultat konkret: Qeveria ka miratuar vendimin që hap rrugën për legalizimin e objekteve shkollore në Nerovë, duke lejuar regjistrimin e pronës shtetërore në të cilën ndodhen objektet arsimore dhe kalimin e saj në pronësi të Komunës së Krushevës.

Si do të vijojë procesi?

Parcela ku ndodhen dy objektet shkollore do të futet në planin urbanistik.
Ajo do të kalojë në pronësi të Komunës së Krushevës.

Pas kësaj, objektet do të legalizohen sipas procedurave përkatëse.

Më pas, Ministria e Arsimit, në koordinim me komunitetin lokal, do të vendosë për mënyrën më të përshtatshme të organizimit të mësimit.
Ky është një zhvillim i rëndësishëm për më shumë se 120 nxënës shqiptarë të shkollës fillore “Nikolla Karev”, të cilët deri tani mësonin në kushte jo të përshtatshme. Kur banorëve iu ndalua ndërtimi i objektit të ri – të ngritur me vetëfinancim – ata protestuan dhe fëmijët bojkotuan mësimin.

“Merita të posaçme i takojnë edhe Ambasadorit të Shqipërisë për përkrahjen dhe vizitën që na bëri në këtë shkollë, vizitë që dha edhe rezultatet e para konkrete,” – u shpreh Bexhet Babloku nga Bashkësia Lokale e Nerovës.

Ambasadori Meidani ka dëshmuar se diplomacia mund të jetë e ndjeshme dhe efikase, kur vendoset në funksion të të drejtave themelore siç është arsimi. Me këtë angazhim konkret, ai jo vetëm ka forcuar besimin e qytetarëve shqiptarë në institucionet, por ka dhënë një shembull pozitiv të përfaqësimit dinjitoz e veprues.

Shkolla në Nerovë nuk është më një ëndërr e bllokuar – falë bashkëpunimit të komunitetit dhe përkrahjes së ambasadorit Meidani, ajo po bëhet realitet. Flaka