Lajme

Taravari: Udhërrëfyesi im politik është Arben Xhaferi, do të angazhohemi në zgjedhjen e Presidentit në Kuvend

Published

1 year ago

April 4, 2024

Admin01

Në debatin presidencial në mes Arben Taravarit dhe Bujar Osmanit, kandidati nga ana e opozitës shqiptare Arben Taravari ka deklaruar që do të angazhohet në demokracinë konsesuale për zgjedhjen e Presidentit në Kuvend, duke u nisur nga ideologjia e Arbën Xhaferit për demokraci konsensuale.

‘Udhërrëfyesi im politik është Arbën Xhaferi. Arbëni shquhet si ideologu i demokracisë konsensuale. Ai në vazhdimësi thoshte se Kushtetuta është gjeneratori i krizave në Maqedoninë e Veriut sepse ajo është më e ngushtë se realitetit, apo në çpërputhje me realitetin e shoqërisë sonë multi nacionale.’

Për zgjedhjen e Presidentit në Kuvend Arben Taravari e dha propozimin e sqaruar më poshtë:

‘Megjithatë për të anashkaluar mundësinë e paralizisë institucionale, propozimi im dallon nga ai i kundërkandidatit. Idealisht, zgjedhja e Presidentit do të bëhet me dy të tretat (2/3) e votave të të gjithë deputetëve të Kuvendit dhe me shumicë të votave nga numri i përgjithshëm i deputetëve të cilët u takojnë bashkësive të cilat nuk janë shumicë në Maqedoninë e Veriut. Por nëse asnjëri kandidat nuk merr shumicën prej dy të tretave (2/3) në dy votimet e para, do të parashihet votimi i tretë në mes të dy kandidatëve të cilët kanë marrë numrin më të lartë të votave në votimin e dytë. President do të zgjedhet kandidati që merr shumicën e votave të të gjithë deputetëve të Kuvendit dhe shumicën e votave të deputetëve të cilët u takojnë bashkësive të cilat nuk janë shumicë.’

Lajme

BDI: VLEN vegël e VMRO për të sulmuar regjistrimin dhe gjuhën shqipe

Published

2 hours ago

June 30, 2025

Admin01

Bashkimi Demokratik për Integrim ka reaguar ashpër ndaj, siç e cilëson, një strategjie të re të orkestruar nga partitë maqedonase VMRO-DPMNE dhe ZNAM, përmes bashkëpunimit me partitë e vogla shqiptare të mbetura nga koalicioni VLEN, me qëllim që të zhbëhet barazia ndëretnike në Maqedoninë e Veriut.

Në një komunikatë për media, BDI shpreh “shqetësim të thellë” për atë që e quan një “fushatë të rrezikshme dhe të paprecedentë” kundër procesit të regjistrimit të popullsisë – një element kyç për funksionimin demokratik dhe multietnik të shtetit.

“Po shohim një model të rrezikshëm që po përsëritet me një skenar të qartë,” thuhet në reagimin e BDI-së, duke kujtuar rastet e mëparshme kur, sipas partisë, sulmet ndaj institucioneve që burojnë nga Marrëveshja e Ohrit kanë ndjekur një logjikë të përsëritur: fillimisht relativizim nga partitë shqiptare të vogla, më pas anulim nga partitë maqedonase.

BDI përmend shembuj konkretë si Balancuesin administrativ, përdorimin e gjuhës shqipe dhe tashmë regjistrimin e popullsisë – të gjitha, sipas tyre, nën shënjestër për të dobësuar themelet e barazisë.

“BDI e denoncon me forcë këtë qasje si një strategji të mirëkoordinuar për të dobësuar themelet e barazisë në këtë shtet,” thekson komunikata, duke i bërë thirrje qytetarëve shqiptarë dhe të gjithë faktorëve të përgjegjshëm ta kuptojnë rrezikun e këtij modeli të ri që prodhon ndasi, mohim dhe tension.

Partia thekson se do të vazhdojë të qëndrojë në mbrojtje të barazisë, përfaqësimit dhe vlerave të Marrëveshjes së Ohrit, e cilësuar si themeli i paqes dhe bashkëjetesës ndëretnike në vend.

Lajme

Nafta më e lirë nga 1 Korriku – Ulen çmimet e të gjitha derivateve!

Published

2 hours ago

June 30, 2025

Admin01

Komisioni Rregullator për Energjetikës (KRRE) solli vendim, me të cilin bëhet ulja e çmimeve të shitjes me pakicë të derivateve të naftës, mesatarisht për 2,30 % në raport me vendimin e datës 27.06.2025.

Nga data 01.07.2025 nga ora 00:01 çmimet maksimale të derivateve të naftës do të jenë:

EUROSUPER BS – 95 75,50 (denarë/litër)
EUROSUPER BS – 98 77,50 (denarë/litër)
EURODIZEL BS (D-Е V) 69,50 (denarë/litër)
Vaj për djegie Ekstra i Lehtë 1 (EL -1) 69,50 (denarë/litër)
Mazut М-1 SU 39,583 (denarë/kilogram)

Çmimet e shitjes me pakicë të benzinës EUROSUPER BS – 95 dhe EUROSUPER BS – 98 ulen për 2,00 den/litër.
Çmimi i shitjes me pakicë të EURODIZEL (D-E-V) ulet për 1,00 den/litër.

Çmimi i shitjes me pakicë të Vajit Ekstra të Lehtë për amvisëri (EL-1) ulet për 2,50 den/litër.
Çmimi i shitjes me pakicë të Mazut М-1 SU ulet për 0,605 den/kg dhe tani do të jetë 39,583 den/kg.

Theksojmë se këto janë çmimet maksimale të derivateve të naftës që nga ora 00:01 e datës 01.07.2025.

Lajme

Halili nga ASH: Investimet anashkalojnë zonat shqiptare – Pabarazi dhe dështim

Published

3 hours ago

June 30, 2025

Admin01

Deri më sot nuk ka asnjë investim të huaj në komunat me shumicë shqiptare – një dështim i qartë i politikës ekonomike, vuri në dukje
Arben Halili në konferencën për media.

“Ministri i Ekonomisë bën propagandë me vetëpunësim, por asnjë investim nuk ka shkuar në vendbanimet shqiptare. Kjo është fyerje për rajonin dhe për votuesit.”, shtoi Halili nga Aleanca për Shqiptarët.