Lajme

Taravari: Prioriteti im do të jetë shëndetësia publike, shërbime mjekësore speciale do të jepen edhe në qytete tjera jashtë Shkupit

Published

10 months ago

June 18, 2024

Admin01

Kryetari i Aleancës për Shqiptarët Arben Taravari është i ftuar në emisionin Top Tema në TV Telma ku po bisedon për çështjen aktuale politike. Për Taravarin prioritet do të jetë shëndetësia publike:

“ Gjithmonë për mua është sfidë kur diçka është në situatë të keqe, të hysh e të ndihmosh sa mundesh. Edhe Komuna e Gostivarit ishte sfidë, ku bashkë me ekipën e morëm drejtimin dhe e realizuam mirë punën. Shteti jonë ka shumë paradokse, nëse e shihni shëndetësinë, shteti ynë ka shumë të mirë shëndetësinë private, ndërsa kur hyn në shëndetësinë publike e ke në situatë shumë të keqe. Kjo nuk ka logjikë, që shëndetësia private të jetë luksoze ndërsa ajo publike e shkatërruar. 2017-tën kur hyra në MSH, fokusi im ishte që prioritet të jetë shëndetësia publike. Fillimisht duhet të intervenohet në shëndetësinë publike si prioritet. Shteti duhet ti jep çdo njeriu të drejtën shëndetësore.”

Arben Taravari premtoi që shërbimet mjekësore, sidomos ato që kërkojnë trajtim special nga mjekë specialist do të jepen edhe në Klinika jashtë qytetit të Shkupit duke ndihmuar në decentralizimin e shëndetësisë publike:

“Shërbimet shëndetësore tek ne janë të centralizuara, ne duhet të punojmë për decentralizimin e tyre, sepse çdo gjë funksionon vetëm në Shkup. Ne duhet të punojmë edhe për qytetet dhe Klinikat e tjera mbarë vendit. Sidomos fokusin duhet ta kemi në Tetovë, Shtip, Kërçov dhe Manastir. Specialistët të cilët janë të punësuar në Shkup, duhet ndonjë ditë të japin shërbime edhe në këto qendra. Kështu do të lehtësojmë edhe qytetarët.”

Lajme

Murtezani: Po punojmë me dinamikë në shkrirjen e VLEN-it në një subjekt politik

Published

8 hours ago

April 11, 2025

I N

Ministri për Çështje Evropiane, Orhan Murtezani, në intervistën e tij të fundit në gazetën LAJM, ka folur rreth shkrirjes eventuale të VLEN-it në një parti. Murtezani tha se Koalicioni VLEN nuk është kukull në qeveri, normalisht e kemi parasysh peshën politike të VMRO-së, por deri sa ne mbetemi konsistent në marrëveshjen politike dhe ajo realizohet pavarësisht dinamikës, nuk kemi të bëjmë me ndonjë problem.
“Integrimi i VLEN-it në një parti ka filluar më herët, me krijimin e një qendre të përbashkët të komunikimit, me grupin e përbashkët parlamentar, kryesin e përbashkët. Por nuk është lehtë që katër parti me katër strukture të ndryshme dhe me një background të ndryshim nuk është e lehtë të bëhet. Prandaj kësaj pune ju kemi qasur me një dinamikë më të kujdesshëm dhe një plan të detajuar”, tha Murtezani.
Ministri Murtezani tha se VLEN-i është krijuar si antipod i BDI-së dhe ata janë duke e luftuar korrupsionin dhe janë duke e institucionalizuar çështjen shqiptare.

Lajme

Murtezani: Rasti i RMV-së është i vetmi që kemi veto mbi çështjet e identitetit

Published

8 hours ago

April 11, 2025

I N

Ministri për Çështje Evropiane, Orhan Murtezani, në intervistën e tij të fundit në gazetën LAJM, ka deklaruar se procesi i bisedimeve për anëtarësim në BE, që kur ekziston BE-ja, asnjëherë nuk është dizajnuar të rrjedhin bisedimet mbi çështjet historike, të identitetit dhe atë gjuhësor.

“Asnjë vend i BE-së që është anëtar apo kandidat nuk kanë negociuar dhe nuk negociojnë për identitet dhe gjuhë, përveç se rasti i Maqedonisë së Veriut. Kjo nuk është e drejtë dhe ne duhet t’i mirëkuptojmë bashkëqytetarët tanë”, tha Murtezani.

Ai shtoi se ka disa kombinacione të mundshme dhe në një afat të shkurt mund të bëhen publike.
“Ne duhet të bëjmë kthimin e negociatave në rrugën e reformave dhe harmonizimit të ligjeve me BE-në dhe në përmbushjen e kritereve dhe nuk duhet të jenë në çështjet identitetare dhe gjuhësore”, tha Murtezani.

Lajme

Murtezani: Stërzgjatja e procesit të integrimit ka emër – BDI

Published

8 hours ago

April 11, 2025

I N

Ministri për Çështje Evropiane, Orhan Murtezani, në intervistën e tij të fundit në gazetën LAJM, është shprehur se procesi për integrimin e vendit në BE po stërzgjatet. Ai tha se kur në vitin 2005 Maqedonia e fitoi statusin kandidat kam pasur 21 vite, ndërsa tani po mbushi 41 dhe ne ende nuk jemi anëtarë të BE-së.

“Por stërzgjatja e këtij procesi dhe faji për këtë ngecje ka emër dhe është subjekti politik i cili me 24 qershor 2024 e dërguam në opozitë. Në vitin 2013 Maqedonia ka pasur gjasa reale bashkë me Kroacinë për t’u bërë anëtare e BE-së. Por kasta politike asnjëherë nuk e ka pasur prioritet absolut integrimin e vendit në BE. Sikur ta kishte pasur ne nuk do t’i kishim huqur të gjithë rastet historike që i kemi pasur”, tha Murtezani.