Connect with us

Lajme

Taravari: Po rritemi si parti, çdo ditë ka prurje të reja

Published

on

Kreu i ASH-së, Arben Taravari në një interivsit të dhënë për portalin Topnews është prononcuar rreth shumë çështjeve të aktualitetit politik në vend. Ai ka folur për sa i përket çështjes së 20%, që thotë se është një çorbë që nuk i ka hije asnjë partie e jo më Kushtetutës që duhet të jetë dokumenti më krenar i një shteti. Si LSDM-ja e pak më shumë BDI-ja, nuk duan që një gjuhë jashtëzakonisht historike dhe e pasur, si gjuha shqipe, të fshihet nën terma ofendues si 29.36 apo 48%. Kauza e njohjes së gjuhës shqipe me emrin e saj në Kushtetutë, është një kauzë jo vetëm e ASH-së, është një kauzë që e ka çdo shqiptar dhe çdo qytetar tjetër i këtij vendi. Republika e Maqedonisë së Veriut është një shtet i qartë përcaktuar në Evropë dhe është absurde që ndonjë parti të shfaqë kundërshti me emërimin e gjuhës të një prej dy etnive më të mëdha në vend”, është shprehur në këtë intervist Taravari.

Në vijim ua sjellim të plotë intervistën:

TOP-NEWS: Aleanca për Shqiptarët është partneri më I ri I koalicionit qeveritar. Pse në këtë kohë dhe këtë moment ky koalicion I ASH-së me LSDM-BDI?

Arben Taravari: Koha është ajo e duhura duke marrë parasysh rrethanat dhe imperativin e tyre. Duhet theksuar se qeveria nuk është pronë e asnjë partie. Dua të them se kur hyn në qeveri kjo nuk domethënë se aderon në ndonjë parti. Është krejtësisht ndryshe. Ne kemi pranuar të bëhemi pjesë e menaxhimit të shtetit duke besuar në vizionin dhe ndershmërinë tonë. Nga ana tjetër të gjithë e dimë se kushtet ndërkombëtare janë të veçanta, delikate dhe duhet kujdes sidomos në Ballkan. Lufta në Ukrainë ka hapur sfida të mëdha, sfida të cilat janë më të rëndësishme se sa egot partiake apo qoftë edhe ambiciet elektorale. Disa parti kur hyjnë në qeveri, ato thjesht marrin pushtetin, disa parti të tjera kur hyjnë në qeveri fillojnë punën. Partia jonë ka filluar punën.

TOP-NEWS: Në fillimet e para, keni kundërshtime sa I përket ndryshimeve Kushtetuese. LSDM dhe BDI sikur kanë një qëndrim se tani të bëhen ndryshimet Kushtetuese vetëm për pjesën e përfshirjes së komunitet bullgar, jo edhe definimin e gjuhës shqipe, nga 20 për qind në gjuhë shqipe?

Arben Taravari: Objeksione ka pasur dhe do të ketë pa asnjë dyshim derisa të vendoset ajo që ne me profesionistët tanë, të të gjitha fushave, kemi menduar.

Për sa i përket çështjes së 20%, besoj se është një çorbë që nuk i ka hije asnjë partie e jo më Kushtetutës që duhet të jetë dokumenti më krenar i një shteti. Si LSDM-ja e pak më shumë BDI-ja, nuk duan që një gjuhë jashtëzakonisht historike dhe e pasur, si gjuha shqipe, të fshihet nën terma ofendues si 29.36 apo 48%. Kauza e njohjes së gjuhës shqipe me emrin e saj në Kushtetutë, është një kauzë jo vetëm e ASH-së, është një kauzë që e ka çdo shqiptar dhe çdo qytetar tjetër i këtij vendi. Republika e Maqedonisë së Veriut është një shtet i qartë përcaktuar në Evropë dhe është absurde që ndonjë parti të shfaqë kundërshti me emërimin e gjuhës të një prej dy etnive më të mëdha në vend.

TOP-NEWS: VMRO-DPMNE-ja tani kërkon zgjedhje të parakohshme, ndërsa sa I përket ndryshimeve Kushtetuese e ofron modelin kroat, sa kjo është e pranueshme për shqiptarët e Maqedonisë?

Arben Taravari: E kam shprehur simpatinë time për ndjeshmërinë e VMRO-DPMNE-së ndaj kauzës tonë që duhet të jetë edhe kauza e tyre sepse Kushtetuta e këtij vendi duhet të jetë sa më e drejtë, dhe VMRO-ja mendoj se ja do të mirën Maqedonisë. Për sa i përket modelit që ofrojnë, si është ai kroat, mendoj se padyshim është nga ndonjë shpejtim sepse nuk dua të mendoj se një parti serioze si VMRO DMPNE-ja mund të bëj gafa të tilla. Në Kroaci rrethanat etnike janë shumë të ndryshme nga ato këtu. Kroatët janë mbi 90% e popullsisë dhe ajo që mbetet janë pakicat etnike. Kurse në Maqedoni ka dy etni dominante si është ajo sllavo-maqedonase dhe shqiptare. Sipas statistikës zyrtare, është konstatuar se ka 54% sllavo-maqedonas dhe 30% shqiptar. Edhe nëse i mbledhim këto përqindje nuk e arrijnë dot përqindjen e kroatëve në Kroaci. Ndaj duhet kuptuar që Maqedonia ka një strukturë etnike tjetër dhe duhet zgjidhje korrekte sipas natyrës që ka. VMRO-ja duhet ta dijë sigurisht që Kroacia ka një marinë të shkëlqyer por ne nuk mund ta marrim shembull sepse nuk kemi det…

Ndaj dëshira e saj për të përdorur shembullin kroat e bën të duket si një Don Kishot që lufton me mullinjtë e erës. E thjeshtë, jemi në Maqedoni, jo Kroaci.

TOP-NEWS: A jeni të sigurt se koalicioni qeverisë do të sigurojë votat e deputetëve në Kuvend për miratimin e ndryshimeve Kushtetuese dhe të filloj negociata me KE-në?

Arben Taravari: Po. Jam konfident dhe optimist. Nuk ka opsione të tjera.

TOP-NEWS: Cili është qëndrimi I ASH-së, për ‘Aleancën Evropiane’, që po paralajmërohet nga BDI dhe Ali Ahmeti?

Arben Taravari: Është një iniciativë e cila si fillim më pëlqen sepse ka emrin e partisë tonë në thelb, dhe unë në ideologjinë time jam një aleat. Besoj se punët bëhen më mirë kur bëhen në grup. Këtë iniciativë nuk e kemi analizuar dhe shqyrtuar brenda anëtarësisë dhe organeve partiake. Për sa i përket realizimit të saj natyrisht do të mvaret prej shumë rrethanave dhe zhvillimeve në vendin tonë.

TOP-NEWS: Ajo që po flitet në opinion është se në zgjedhjet e ardhshme qofshin të rregullta apo të parakohshme, do të ketë një koalicion parazgjedhor mes ASH-BDI-LSDM. Sa kjo është e mundur dhe e vërtet?

Arben Taravari: Me gjithë respektin për pyetjen tuaj jam i detyruar t’ju le pa përgjigje. Mentaliteti i partisë tonë nuk është i tillë që të mendojë se më kë do të vij në pushtet. Ne mendojmë dhe punojmë përditë se si ta bëjmë më të mirë këtë vend. Çdo parti që ndan parimet dhe vizionin tonë për këtë punë është dhe do të jetë gjithnjë e mirëseardhur për bashkëpunim.

TOP-NEWS: Aleanca për Shqiptarët dhe ju si kryetarë, keni promovuar prurjet e reja në këtë parti, tani kohëve të fundit sikur e keni targetuar strukturën e Lëvizjes Besa. ASH-ja po forcohet në teren apo po ka frikë nga dobësimi?

Arben Taravari: Jam i gëzuar të tregoj se çdo ditë ka prurje të reja në partinë tonë, aq sa ndonjëherë të duket se ke të bësh me një lëvizje dhe jo me një parti. Ne nuk targetojmë ndonjë parti në veçanti, kjo nuk është një gjueti shtrigash. Gjërat janë shumë më të thjeshta se kaq dhe sidomos shumë të pastra. Ne jemi një parti që i ka pasur dhe do i ketë dyert gjithnjë hapur për këdo që do ta shohë këtë vend më mirë! Të ndërrosh parti për parime nuk është tradhti, të aderosh në partinë që beson është shenjë respekti për veten dhe për shoqërinë.

Cili është qëndrimi I ASH-së, sa I përket ‘Open Balkan’ dhe Procesit të Berlinit?

Arben Taravari: Open Balkan është një proces delikat i cili kërkon maturi dhe durim, dy të dhëna të cilat janë të vështira për t’u gjetur në gadishullin tonë homerik. Kur të sheshohen disa raporte të komplikuara midis Kosovës dhe Serbisë, do të jetë më e përshtatshme të flasësh për iniciativa të tilla. Procesi i Berlinit është një nismë gjermane dhe unë kam një respekt të veçantë për shtetin gjerman, respekt që lidhet me disiplinën dhe racionalitetin e tyre. Integrimi që Ballkani kërkon me ngulm në Evropë duhet të kalojë sigurisht në hapa të tillë si është Procesi i Berlinit, dhe pavarësisht se për momentin duket e pamundur kjo gjë, e theksoj për shkak të sjelljes së padrejtë që Serbia ka ndaj Kosovës, nga ana tjetër jam i sigurtë që Gjermania di shumë mirë se kur duhet ta hedhë hapin.

Continue Reading

Lajme

Snopçe, kryetar i Shtabit të degës së ASH në Gostivar

Published

on

By

Halil Snopçe është caktuar Kryetar i Shtabit të degës së ASH në Gostivar. Lajmin e ka bërë të ditur kryetari i Aleancës për Shqiptarët Arben Taravari.

“Ndrsyhimi ka Nis!
Ja VLEN!”, ka shkruar ai. (INA)

Continue Reading

Lajme

Izet Mexhiti: Nuk mohojmë që kemi qenë derivat i atij subjekti, por asnjëherë nuk kemi qenë derivat i Dick Martit, rasteve të montuara, ku çdokund del i përzier Artan Grubi

Published

on

By

Sonte në Kumanovën e sakrificës së madhe kombëtare, po paralajmërojmë FITOREN E MADHE të shqiptarëve dhe koalicionit opozitar VLEN!

Ftoj çdo aktivist të sinqertë të BDI-së t’i bashkëngjitet Lëvizjes Demokratike sepse fryma e vërtetë e BDI është pikërisht në Lëvizjen tonë!

Ne nuk e mohojmë që kemi qenë pjesë dhe derivat i atij subjekti, por asnjëherë nuk kemi qenë derivat i Dick Martit, shtëpive të verdha, e rasteve të montuara, ku çdokund del i përzier Artan Grubi.

Ju ftoj që nga nesër masovikisht të dalim në orën 10 të mengjesit dhe me nënshkrimin tonë të legjitimojmë kandidaturën e kandidatit shqiptar për President, Dr. Arben Taravarit dhe të vendosim shenjën tonë në NDRYSHIMIN E MADH që po vjen me 8 Maj!

Ne kemi thënë që në fillim se do të dalim me kandidat shqiptar për President, ndërsa BDI doli me kandidat vetëm për të përçarë votën shqiptare. BDI nuk është ajo e vjetra që bashkonte shqiptarët, kjo BDI e kapur nga Artan Grubi vetëm përçan shqiptarët, prandaj edhe nuk e meriton votën shqiptare.

Vota shqiptare, e shumicës së dytë në vendin tonë do të shkojë për Arben Taravarin!

NDRYSHIMI PO VJEN!

Continue Reading

Lajme

Taravari: Sëbashku si VLEN Kemi gjasa reale të kalojmë në raundin e dytë në zgjedhjet Presidenciale

Published

on

By

Arben Taravari, kryetar i Aleancës për Shqiptarët në intervistën me gazetaren Jeta Xherra në Kallxo.com ka bërë thirrje që të përkrahet opozita shqiptare për zgjedhjet presidenciale dhe parlamentare në Maqedoni të Veriut. Ai gjithashtu ka deklaruar që gjasat për në kalim të raundit të dytë janë shumë reale.

Të gjitha partitë politike shqiptare u bashkuan në një front opozitar. Pikësynimin tonë të përbashkët e quajtëm VLEN, ku do të garojmë edhe në zgjedhje parlamentare edhe në zgjedhje presidenciale. Me kandidimin tim mund të arrihet që shqiptarët për herë të parë të kalojnë në raundin e dytë të zgjedhjeve në Maqedoni të Veriut. Kjo është shumë e mundur, pasi që shqiptarët duhet të tregojmë që jemi vendimmarrës. Ka gjasa reale, me një fushatë të mirë dhe pozitive ne kalojmë në balotazh në zgjedhjet presidenciale. Unë personalisht, do jem kandidat për President, këtu do ofroj platformën presidenciale dhe gjithashtu partia ime do ofroj platformën për zgjedhje parlamentare.

Gjithashtu kreu i ASH-së zbuloi paksa nga platforma e tij për President, e cila është duke u përgatitur nga ekspert të fushës:

Ne së bashku me ekspert jemi duke punuar platformën për të gjithë qytetarët, që unë si kandidat për President do ta ofroj. Pika e parë e platformës do të jetë ndjekja e rrugës evropiane duke votuar ndryshimet kushtetuese, e dyta do të jetë heqja e 20% diskriminues nga kushtetuta dhe pika e tretë do të jetë që zgjedhja e presidentit të bëhet në Parlament dhe jo në zgjedhje direkte. – përfundoi kreu i ASH-së.

Continue Reading

TOP Lajme