Nga 1 shtatori 2025 hyjnë në fuqi rregulla të reja për importimin e automjeteve në Maqedoni, të cilat do të sjellin kursim kohe dhe parash si për kompanitë, ashtu edhe për qytetarët.

Çfarë ndryshon?

Pa më shumë procedura të panevojshme: Makina që ka certifikatë evropiane (WVTA) ose që është e miratuar në Maqedoni nuk do të kalojë më teste shtesë. Do të bëhet vetëm identifikimi dhe kontrolli teknik.

Miratim individual vetëm për raste të veçanta: Vetëm makinat që nuk kanë certifikatë në BE apo në Maqedoni do të miratohen individualisht nga Byroja e Metrologjisë.

Më lirë: Certifikatat për përmbushjen e kushteve teknike do të kushtojnë 40–50 euro, shumë më pak se më parë kur pagesat shkonin jashtë vendit.

Më shpejt: Afatet për miratim janë shkurtuar, dhe procedurat bëhen më efikase.

Përfitimet

Kompanitë importuese do të kursejnë rreth 1,3 milionë euro në vit.

Procedurat kryhen tashmë nga kompanitë vendase të autorizuara, duke shmangur pagesat tek kompani të huaja.

Qytetarët do të kenë më shumë siguri se automjetet plotësojnë standardet evropiane.

Qëndrimi i Ministrisë

Ministrja e Energjisë, Sanja Bozhinovska, tha se këto ndryshime janë një hap drejt afrimit me standardet e BE-së dhe garantojnë më shumë mbrojtje për qytetarët gjatë çdo procedure për miratimin e makinave.(INA)

Kryetari i ASH-së, Arben Taravari në intervistën për Tv Arbëria kujtoi vendimin për dorëheqje nga Qeveria si një hap të guximshëm që krijoi precedent të ri në historinë politike të vendit. Sipas tij, ky akt tregoi një përgjegjësi të re politike që deri më tani nuk kishte ndodhur.

“S’ka ndodhur në Maqedoni për 35 vite që një parti politike apo një ministër të dorëhiqet vetë. Largimi ynë nga Qeveria solli një gjendje të jashtëzakonshme që zgjati një ose dy muaj dhe nxori në pah disbalancën mes përfaqësimit shqiptar dhe maqedonas në pushtet.”, nënvizoi Taravari.

Ditë më parë, deputeti i vetëm shqiptar në Kuvendin e Serbisë, Shaip Kamberi ka inciuar te Qeveria serbe krijimin e “Fondit të veçantë për zhvillimin e komunave Preshevë, Bujanoc dhe Medvegjë”.

Kamberi, përmes një postimi në profilin e tij në Facebook, ka folur për propagandën e zyrtarëve serbë, duke zbuluar arsyet pse ka inicuar krijimin e një fondi të tillë.

“Për vite me radhë zyrtarë të Qeverisë së Serbisë, propagojnë “angazhim për zhvillim ekonomik” të Preshevës, Bujanocit e Medvegjës.

Ndërkohë, Bujanoci, Presheva e Medvegja mbeten komunat më të pazhvilluara në nivel të republikës.

Lugina Preshevës nuk ka nevojë për mbështetje deklarative. Zhvillimit të sajë i nevojiten investitorë, investime konkrete, përkrahje finansiare dhe lehtësime plotësuese për investitorët.

Me qëllim të ndërprerjes së trendit të ikjes së të rinjëve, krijimit të një të ardhme me perspektivë, hapjen e vendeve të reja të punës dhe krijimin e një ambienti që tërheq investimet e huaja, kam iniciaur sot, te Qeveria e Serbisë formimin e “Fondit të veçantë për zhvillimin e komunave Preshevë, Bujanoc dhe Medvegjë”.

Propozimi është që Fondi të ketë vlerën vjetore prej 10 milion eurove, ndërsa menaxhimi i tij të bëhet nga Trupi Koordinues, duke u mundësuar transparencë maksimale në menaxhim”, ka thënë Kamberi.

Gjiithashtu, Kamberi ka treguar se cilat do të jenë qëllimet e fondit.

“Shfrytëzuesit e Fondit do të ishin komunat Preshevë, Bujanoc e Medvegjë, shoqëria civile, mediat, organizatat sportive, bizneset e vogla e të mesme e këtyre komunave.

Fondi i veçantë për të stimuluar zhvillimin ekonomik, ka për qëllim:

1. Financimin e projekteve infrastrukturore të rëndësishëm për biznesin lokal dhe jetën e qytetarëve

2. Mbështetjen e hapjes së vendeve të reja të punës nëpërmjet subvencioneve dhe trajnimeve;

3. Stimulimin e investitorëve të huaj dhe vendor nëpërmjet lehtësimeve tatimore dhe përkrahjes infrastrukturore;

4. Zhvillimin e kapaciteteve arsimore dhe profesionale në përputhje me nevojat e tregut të punës.

5. Krijimin e një linje të veçant për subvencionimin e bujqësisë.

6. Krijimin e lehtësirave të veçanta për të gjitha bizneset e vogla dhe të mesme, organizatat e shoqërisë civilie, medias, klubeve sportive, përgjatë aplikimit të tyre në konkurset e të gjitha ministrive”, ka njoftuar Kamberi përmes një postimi në Facebook.