Connect with us

Lajme

Taravari paralajmëroi digiitalizimin më të madh në shëndetësi për të parandaluar raste si ai i Onkologjisë

Published

on

“Onkologjia është një shembull që kemi kapur. “Onkologjia” mund të jetë në më shumë spitale dhe klinika, por nuk dua të flas me paragjykim, dua të vendos standarde për të parandaluar çdo keqpërdorim.“, deklaroi dje ministri i Shëndetësisë

Digjitalizimi më i madh në shëndetësi për të shmangur manipulimet me recetën e barnave dhe përdorimin e shërbimeve mjekësore, paralajmëroi ministri i Shëndetësisë në qeverinë e re, Arben Taravari, siç thotë ai, të mos përsëriten raste si ai në Klinikën e Onkologjisë. Ministri këtë e tha duke iu përgjigjur pyetjeve të gazetarëve gjatë vizitës së djeshme në Spitalin Klinik në Tetovë, duke informuar se po punohet për gjetjen e një zgjidhjeje afatmesme dhe afatgjatë sa i përket digjitalizimit në shëndetësi.

Megjithatë, ai thotë se i duhet kohë për t’u konsultuar me ekspertë të fushës së teknologjisë informatike. „ Punojmë për të gjetur zgjidhje afatmesme dhe afatgjate. E kam fjalën për digjitalizimin, ndoshta edhe për kodimin e të gjitha barnave që do të vijnë në Maqedoni. Megjithatë më jep kohë të konsultohem si me inxhinierët e IT-së ashtu edhe me njerëzit që e kuptojnë këtë. Ka vende ku digjitaluzimi i mirë ka bërë revolucion, kursime të mëdha në shëndetësi vazhdimisht bëjmë thirrje për luftë kundër korrupsionit dhe krimit, unë do të insistoj që të fillojmë sa më shpejt digjitalizimin në Maqedoni.“,

deklaroi Taravari. Duke folur për këtë temë, ministri tha se është sekret i hapur që disa persona i marrin ilaçet nga mjeku familjar dhe më pas i çojnë në farmaci private dhe i shesin. „ Onkologjia është një shembull që kemi kapur. “Onkologjia” mund të jetë në më shumë spitale dhe klinika, por nuk dua të flas me paragjykime, dua të vendos standarde për të parandaluar çdo keqpërdorim,

shtoi ministri i Shëndetësisë. Për testim, Prokuroria Themelore Publike Shkup, pas një procedure disamujore parahetimore në fillim të këtij viti, hapi hetim për skandalin me recetën e barnave në Klinikën për Onkologji dhe Radioterapi, që shpërtheu verën e kaluar.
Në këtë rast të dyshuar janë drejtori i atëhershëm mjekësor i Klinikës, Nino Vasev, dhe drejtori organizativ i Onkologjisë në periudhën nga viti 2021 deri në prill 2023, Nehat Nuhi, si dhe tre mjekë onkologë. Siç ishte informuar asokohe nga Prokuroria, drejtorët e dyshuar kanë blerë barn, pa pëlqimin e Fondit të Sigurimeve Shëndetësore dhe pa zbatimin e procedurës së prokurimit publik, duke krijuar një tepricë të barnave për të cilat nuk mbaheshin evidenca. Përveç kësaj, pacientëve iu është përshkruar terapi e tepërt dhe disa pacientëve iu është dhënë terapi e shtrenjtë nga gjenerata më e re një ditë para se të vdisnin. Prokuroria, siç bënë me dije asokohe prej andej, në hetimet e deritanishme ka konstatuar se në këtë rast është kryer përfitim pasuror për një tjetër në shumën 1 817 520 000 ose afër 30 milionë euro. Prokurorja Ana Gogovska-Jakimovska, e cila e udhëheq rastin, në një intervistë për emisionin “Kodi” në televizionin Telma në shkurt, deklaroi se provat e marra dhe të analizuara nga Prokuroria Publike e Shkupit në procedurën para hetimore për rastin, nuk tregojnë për abuzim të drejtpërdrejtë të pacientëve, në kuptimin që ilaçet dhe terapitë u shkurtuan. Rasti “Onkologjia” është ende nën fazën e hetimit.

Continue Reading

Lajme

Furkan Saliu pyet: Në çfarë cilësie ishte Afrim Gashi në vizitë në Beograd? (Video)

Published

on

By

Kush është me “Botën Serbe”? AKI akuzon VLEN-in, VLEN-i akuzon AKI-në, zbulohet dokument për vizitën e Afrim Gashit në Beograd.

Përplasjet politike në Maqedoninë e Veriut kanë marrë një drejtim të ri pas akuzave të ndërsjella mes koalicionit VLEN dhe AKI, lidhur me ndikimin e ashtuquajtur “Bota serbe” në vend.

Gazetari Furkan Saliu ka publikuar një dokument që, sipas tij, dëshmon se Afrim Gashi, një nga figurat kryesore të VLEN-it dhe tani kryetar parlamenti, ka qenë për vizitë në Beograd vitin e kaluar. Në postimin e tij, Saliu kërkon publikisht nga VLEN që të sqarojë në çfarë cilësie ka qenë Gashi në Beograd dhe cili ka qenë qëllimi i vizitës.

Nga ana tjetër, tensionet politike thellohen edhe më tej pasi edhe Parlamenti Evropian ka ngritur shqetësime për ndikimin e “Botës serbe” në Maqedoninë e Veriut, duke theksuar se ky ndikim po zgjerohet në mënyrë alarmante, përcjell TS.

Ndërkohë, vëmendje ka marrë edhe një zhvillim tjetër: me miratimin e Bujare Abazit, është lejuar hyrja e një banke serbe në tregun financiar të Maqedonisë së Veriut, gjë që ka nxitur kritika dhe debate të ashpra në opinionin publik dhe skenën politike./TS/

https://www.facebook.com/share/v/16DbyLwhzU/

Continue Reading

Lajme

Valbon Limani kujdeset për një Gostivar më të pastër – NP Komunalec me kamion të ri për mbledhjen e mbeturinave

Published

on

By

N.P “Komunalec” ka shtuar edhe një kamion të ri në parkun e saj të automjeteve për mbledhjen e mbeturinave, duke forcuar kapacitetet operacionale dhe përmirësuar ndjeshëm shërbimet për qytetarët e Gostivarit.

Ky automjet modern garanton grumbullim më të shpejtë, më të sigurt dhe më efikas të mbeturinave, duke kontribuar drejtpërdrejt në pastërtinë e qytetit dhe mbrojtjen e mjedisit. Me këtë investim, ndërmarrja publike vazhdon misionin e saj për ofrimin e shërbimeve cilësore dhe moderne për komunitetin.

Ky është kamioni i dytë i siguruar brenda një periudhe të shkurtër kohe, duke dëshmuar përkushtimin e vazhdueshëm të Komunës së Gostivarit dhe kryetarit Valbon Limani për përmirësimin e infrastrukturës komunale dhe ngritjen e cilësisë së jetës për qytetarët.

Kryetari Limani kishte paralajmëruar më herët pasurimin e parkut të automjeteve të NP Komunalec – një zotim që tashmë po realizohet në praktikë.

Continue Reading

Lajme

Dallavereve në përzgjedhjen e kandidatëve për polic në Maqedoninë e Veriut, padi ndaj dy zyrtarëve

Published

on

By

Policia e Maqedonisë së Veriut ka ngritur kallëzim penal ndaj dy zyrtarëve shtetëror për shkak dyshimeve për keqpërdorimin e detyrës dhe autorizimit zyrtar, transmeton Portalb.mk.

“I denoncuari A.Xh., në kohën e kryerjes së veprës në vendin e punës këshilltar shtetëror për çështje ligjore në Kabinetin e zëvendësministrit në MPB, në cilësinë e anëtarit të Komisionit për zbatimin e procesit të përzgjedhjes dhe zgjedhjes së kandidatit për polic në Ministrinë e Punëve të Brendshme, me datë 15.07.2022, gjatë përzgjedhjes së kandidatëve të paraqitur, është nënshkruar në pasqyrën tabelare me dorën e vet – rubrika “plotëson kriteret” të një kandidati për polic, megjithëse sipas të dhënave të cilat ishin vënë, kandidati nuk i ka plotësuar kushtet”, sqaroi Polici.

Përveç këshilltarit shtetëror A.Xh., e dyshuar është edhe këshilltarja tjetër shtetërore V.Sh., e punësuar në kabinetin e ministrit. Ajo akuzohet se nuk ke penguar veprën penale që e ka kryer A.Xh.

Continue Reading

TOP Lajme