Kryetari i Komunës së Tetovës, Bilall Kasami, vazhdon me veprimet e dyshimta në menaxhimin e qytetit, duke u përballur me kritika për një sërë parregullsish, përfshirë: shitjen e pronave publike, vendosjen e kryqit në Kodrën e Diellit si favor ndaj VMRO-DPMNE-së, dhe emërimet politike në pozitat kyçe si ajo e sekretarit të komunës dhe drejtorit të Ndërmarrjes Publike “Parkingjet e Qytetit”.

Së fundmi, Kasami ka siguruar edhe punësimin e bashkëshortes së sekretarit të Komunës, Darko Kocevski, duke lënë anash aktivistët dhe mbështetësit e Lëvizjes Besa, të cilët vazhdojnë të punojnë me kontrata të përkohshme apo të mbeten jashtë institucioneve.

Burime të afërta me administratën komunale theksojnë se Kasami, i shqetësuar nga rënia e mbështetjes në opinion publik, po favorizon një rreth të ngushtë të udhëheqësve lokalë të VMRO-DPMNE-së në Tetovë, ndërkohë që qytetarët e tjerë maqedonas nuk përfshihen në këto vendime.

Për më tepër, kryetari i Tetovës është vënë në qendër të vëmendjes edhe për një donacion prej 800 mijë eurosh, të pranuar nga një kompani serbe, e cila gjatë vitit 2024 ka realizuar fitim vetëm në vlerë prej 50 mijë eurosh – duke ngritur dyshime serioze mbi qëllimin dhe transparencën e këtij transaksioni.

Kandidati për kryetar komune të Çairit nga radhët e Bashkimit Demokratik për Integrim, Bujar Osmani ka vazhduar takimet me qytetarët dhe banorët e Çairit. Osmani gjatë ditës së sotme ka takuar nënat, motrat dhe gratë e Çairit të cilat kërkojnë të ndalet kjo politikë në Çair pasi nëse vazhdohet kështu në Çair nuk ka të ardhme për fëmijët dhe familjet e tyre, shkruan Top24

Nëna, gruaja, motra në Çair është zgjuar.
Këto zgjedhje nuk janë thjesht politike janë personale. Sepse ato e ndjejnë më thellë se kushdo tjetër se nëse kjo politikë në Çair vazhdon siç është, nuk ka të ardhme për fëmijët dhe familjet e tyre.
Në takimin me Forumin e Gruas të Këshillit Vendor “Teli” pashë një mobilizim të paparë: gra që nuk heshtin më.
Për Çairin që duam!

Në një kohë kur politika shpesh shihet si fushë e premtimeve boshe, Blerant Ramadani po sjell një frymë krejtësisht të re – atë të dijes, përvojës ndërkombëtare dhe lidershipit modern, të bazuar në rezultate konkrete. Historia e tij është ajo që shumë shqiptarë kanë ëndërruar: një djalë i thjeshtë nga Saraji, që me talent dhe punë të palodhur arrin majat e shkencës botërore dhe tani kthehet për t’ia kthyer komunës së tij dinjitetin dhe zhvillimin që meriton.
• Doktorand në Elektro-Inxhinieri në UKIM (Universiteti Kiril dhe Metodij), me notë mesatare 10.00, me dhjetëra punime shkencore që sot përdoren si referencë nga ekspertët ndërkombëtarë.
• Magjistër në Elektro-Inxhinieri në UKIM, duke dëshmuar përkushtim dhe standarde të larta akademike.
• I diplomuar në Maqineri – Energjetikë, me rezultate të shkëlqyera, duke krijuar bazën e fortë të ekspertizës së tij teknike.
• Magjistër në Menaxhimin e Projekteve, duke kombinuar dijen teknike me aftësitë e menaxhimit strategjik në fusha të mëdha zhvillimore.
Sot, si Asistent Profesor në Universitetin “Nënë Tereza”, Blerant Ramadani jo vetëm që vazhdon rrugën e shkencës, por edhe formon liderët dhe inxhinierët e së ardhmes, duke investuar dijen e tij te gjenerata e re shqiptare.
Me një karrierë ndërkombëtare mbresëlënëse, ai ka përfaqësuar vendin në projektet e NASA-s, është trajnuar nga NATO, ka marrë pjesë në Forumin Botëror të Demokracisë në Strasburg, dhe është alumnus i programit prestigjioz ACYPL – American Council for Young Political Leaders në Washington, si dhe pjesë e Balkan Leaders dhe School for Political Policies. Përvoja dhe rrjeti i tij ndërkombëtar janë kapital i çmuar që Bleranti dëshiron ta vërë në shërbim të komunës së Sarajit.
Pjesëmarrja e tij në konferencat më prestigjioze të energjisë botërore, si IEA – Paris dhe Enlit Europe – Milano, e kanë bërë njohës të thellë të zhvillimit të qëndrueshëm, inovacionit energjetik dhe menaxhimit të projekteve madhore – dije të cilat tani synon t’i kthejë në politika konkrete për qytetarët e Sarajit.
Nga auditorët e Parisit e Milanos, te programet elitare në Washington dhe deri në zyrat e Universitetit në Shkup, rrugëtimi i Blerant Ramadanit është dëshmi se shqiptarët mund të kenë liderë që nuk premtojnë kot, por ofrojnë dije, vizion dhe standarde evropiane të qeverisjes.
Me këtë profil, Blerant Ramadani nuk është vetëm një kandidat për kryetar komune – ai është garancia e një Saraji modern, të zhvilluar dhe të udhëhequr nga mendjet më të ndritura që ka nxjerrë ndonjëherë kjo komunë.