Connect with us

Lajme

Taravari: Mos ndryshimi i kushtetutës hap kutinë e Pandorës

Published

on

Tema e ndryshimeve kushtetuese vazhdon ti përplas partite politike. Në rast se nuk votohen ndryshimet kushtetuese, do të shqyrtojmë pozicionimin si parti, paralajmëron kreu i ASh-së Arben Taravari.

“Pa marrë parasysh a jemi në pozitë apo opozitë, do t’i përkrahim ndryshimet kushtetuese, por gjithashtu moti kemi thënë se në qoftë se nuk ndodhin ndryshimet kushtetuese, do të hapet “kutia e pendores” në Maqedoni. Nëse jo, edhe ne si parti politike normalisht do të dalim me qëndrime të cilat do t’i shohim dhe do ta shqyrtojmë pozicionimin tonë për tutje se si e vazhdojmë qëndrimin tonë në drejtim të asaj se si duhet të organizohemi.”, tha kryetari i ASH-së, Arben Taravari.

Nga ana tjetër qëndrimi i partive opozitare shqiptare është se pa heqjen e 20% nuk do të votojnë ndryshimet kushtetuese.

LSDM: Mund të mbetemi në grup me Bosnjën e Kosovën

Ndërkohë, LSDM vlerëson se zgjidhja e vetme janë miratimi i ndryshmeve kjushtetuese, kurse politikat e VMRO-DPMNE-së i vlerësojnë se janë në përputhje me interesat e huaja dhe vazhdimësi e politikave të Gruevskit që nuk i sollën të mira vendit dhe e lanë në izolim për 11 vjet.

“Ne kemi një mundësi unike, një derë të hapur për rrugën evropiane dhe e konsiderojmë jashtëzakonisht të rëndësishme ta shfrytëzojmë këtë mundësi tani. Përndryshe, do të shohim Shqipërinë dhe Malin e Zi të përparojnë drejt BE-së, si dhe të gjithë rajonin dhe do të na mbeten Bosnja dhe Kosova, të cilat kanë çështje të pazgjidhura, gjë që nuk është mirë.”, tha Darko Kaevski nga LSDM.

VMRO-DPMNE: Zgjidhja e vetme janë zgjedhjet e shpejta

Nga VMRO-DPMNE kundërpërgjigjen duke thënë se përgjegjësinë për debaklin rreth integrimeve evropiane e kanë vetëm LSD dhe Kovaçevski. E vetmja rrugëdalje e arsyeshme sipas VMRO-së janë zgjedhjet e parakohshme.

“Këto politika të LSD dhe BDI në pushtet do të vazhdojnë dhe do të përkeqësohen. Prandaj duhen zgjedhjet e parakohshme, të cilat janë zgjidhja e vetme për të shpëtuar Maqedoninë. Pas humbjeve të tilla është krejtësisht e parëndësishme se çfarë mendon LSD e delegjitimuar, zgjidhja e vetme janë zgjedhjet e shpejta.”, tha Marija Miteva nga VMRO-DPMNE.

Për miratimin e ndryshimeve kushtetuese janë të nevojshme 80 vota “për”, në mungesë të të cilave ndryshimet kushtetuese nuk u nxërrën në votim nga kryeparlamentari Talat Xhaferi pas përfundimit të debatit më 18 gusht.

Continue Reading

Lajme

Vetëm dy ekipe ndihme të shpejtë për 200 mijë banorë në Tetovë dhe pesë komuna përreth

Published

on

By

Mbi 200 mijë banorë të Tetovës dhe pesë komunave rurale përreth (Bogovinë, Tearcë, Zhelinë, Jegunoc dhe Bërvenicë) mbulohen vetëm nga dy ekipe të ndihmës së shpejtë, të cilat përballen çdo ditë me rreth 40 thirrje urgjente. Automjetet janë të vjetruara, ndërsa mungesa e personelit e bën situatën edhe më kritike, raporton Portalb.mk.

Udhëheqësi i Ndihmës së Shpejtë në Tetovë, Igor Mlladenovski, thotë se nevojiten të paktën katër ekipe për çdo ndërrim, pra minimumi 16 deri në 20 ekipe në total, ndërkohë që aktualisht funksionojnë vetëm shtatë.

“Afërsisht verës në 24 orë, kishte deri në dyzet thirrje në ditë, flas vetëm për thirrje jo kontrolle. Ndërsa në një ndërrim kemi vetëm dy ekipe, dhe kjo është shumë pak, duke marrë parasysh sipërfaqen e madhe që mbulojmë si njësi e ndihmës së shpejtë. Problemi më i madh është se momentalisht me këtë popullatë, duhet të ketë nga 16 deri në 20 ekipe, apo nga katër në një ndërrim, pra të paktën 16 të kemi, ndërsa ne momentalisht kemi tetë që do të thotë 50 % kemi më pak”, tha Mlladenovski,

Edhe drejtori i Shtëpisë së Shëndetit në Tetovë, Jani Kostadinovski, pranon se gjendja është e vështirë.

“Situata është shumë e vështirë dhe me vetëm dy ekipe nuk i dilet në fund. Kilometrat janë shumë që mbulojmë 50 kilometra ndonjëherë kemi vetëm në një ndërrim, dy orë në një intervenim zihet një makinë e ne kemi vetëm dy. Shumë numri vogël është për këtë territor flasim për territorin e ish komunës së Tetovës thuaj se jemi deri në Gostivar në Jazhoncë dhe Malin Aharr. Problemi është se pacientët presin se realisht nuk mund të mbërrimë dhe ka pritje dhe ka pakënaqësi realisht”, tha Kosdaninovski.

Përveç thirrjeve të zakonshme, ekipet mbulojnë edhe ndeshjet e futbollit, sezonin në Kodrën e Diellit dhe ngjarje të tjera publike, duke e bërë barrën edhe më të rëndë.

Sipas drejtuesve shëndetësorë, është dërguar kërkesë në Ministrinë e Shëndetësisë për punësimin e tetë mjekëve, tetë infermierëve dhe tetë shoferëve të urgjencës, por deri tani nuk ka asnjë përgjigje. Vendimi pritet të merret pas zgjedhjeve lokale.

Ndryshe, kanë kaluar dy muaj e gjysmë dhe statusi i punës së infermierëve në Tetovë nuk u zgjidh siç premtoi ministri i Shëndetësisë Azir Aliu. Ndonëse konkursi u hap, procedura është pezulluar për shkak të zgjedhjeve lokale.

Continue Reading

Lajme

Kica-Xhelili: VV t’i përgjigjet qytetarëve pse e urren patologjikisht Kushtetutën

Published

on

By

Deputetja e Lidhjes Demokratike të Kosovës, Doarsa Kica Xhelili, ka deklaruar se Vetëvendosja e Albin Kurti duhet t’i përgjigjet qytetarëve të Kosovës pse e ‘‘urren patologjikisht’’ Kushtetutën dhe Kosovën bashkë me të.

Ajo ka thënë edhe se Kosova është ajo që dobësohet kur Kushtetuta trajohet si ‘’paçavër’’ e jo Serbia.

”Sidoqoftë, meqë deklaruan se duan të votojnë qeverinë pa konstituim të plotë të Kuvendit, jam kurioze t’i shoh se si mblidhen 61 deputetë – meqë edhe ashtu na thonin se i kanë numrat. E pastaj ta shohim qeverinë e cilit shtet po e votojnë dhe me cilën Kushtetutë, meqë e Republikës së Kosovës nuk po u pëlqen”, ka shkruar ajo mes tjerash.

Postimi:

Kushtetuta e Republikës së Kosovës e shpalli Kosovën SHTET TË PAVARUR.

Jo vetëm që nuk do ta shkelja për një serb të zgjedhur të Kurtit, por nuk do ta shkelja as për shqiptarin më të ndershëm mbi këtë vend – ndonëse një shqiptar i tillë s’do ta kërkonte kurrë këtë “kompromis”.

E VV-ja e Kurtit duhet t’u përgjigjet qytetarëve të Kosovës pse e urren patologjikisht këtë Kushtetutë dhe Republikën bashkë me të.

Pse e shkeli mbi 10 herë në qeverisje; pse e shkeli mbi 50 herë me insistimin për komision të fshehtë; pse po e shkel sot për një serb që më shumë e pa të arsyeshme t’a mbronte Kushtetutën e Serbisë teksa e shkel të Kosovës; dhe pse po insiston ta shkelë prapë duke u mbledhur për votim të qeverisë pa konstituim – vetëm për t’a bllokuar shtetin.

Veçse, gënjeshtrat e llojit “për ta hequr Listën Serbe nga kryesia” mos të na shesin, sepse e vetmja forcë që dobëson ata është respektimi i shtetit që ata nuk e njohin, dhe zhbllokimi i gjithë Republikës për një pozitë edhe ashtu pa ndonjë funksion madhor.

Duke e trajtuar Kushtetutën si paçavër nuk e dobëson Serbinë, por Kosovën.

Sidoqoftë, meqë deklaruan se duan të votojnë qeverinë pa konstituim të plotë të Kuvendit, jam kurioze t’i shoh se si mblidhen 61 deputetë – meqë edhe ashtu na thonin se i kanë numrat.

E pastaj ta shohim qeverinë e cilit shtet po e votojnë dhe me cilën Kushtetutë, meqë e Republikës së Kosovës nuk po u pëlqen.

Continue Reading

Lajme

Bajram Rexhepi: Nga Reçica e Vogël do të nisë fitorja e madhe e Tetorit

Published

on

By

Kandidati i AKI-së për Komunën e Tetovës, Bajram Rexhepi, zhvilloi një takim me strukturat partiake në Reçicë të Vogël.

“Qyteti ynë nuk mund të durojë më keqmenaxhimin dhe përbuzjen ndaj tetovarëve,” u shpreh ai para të pranishmëve.

Rexhepi shtoi se Reçica e Vogël po i jep zë një fryme të re politike, që ka për synim t’i japë fund status quo-së dhe të sjellë zhvillim e dinjitet për Tetovën dhe qytetarët e saj.

Continue Reading

TOP Lajme