Nga zemra e Gostivarit, koalicioni BDI–ASH ka dhënë sinjalin e parë të bashkëpunimit lokal për zgjedhjet e 19 tetorit, duke e cilësuar këtë proces si një referendum politik për shqiptarët në Maqedoninë e Veriut.

Në takimin e mbajtur sot në Gostivar, të cilin e ka publikuar edhe kryetari aktual Valbon Limani – që kandidon për një mandat të dytë – u pa një prani e gjerë përfaqësuese nga të dyja partitë. Krahas Limanit, të pranishëm ishin edhe deputeti i ASH, Halil Snopçe, kryetari i degës së ASH në Gostivar, Isak Lazami, si dhe Raim Purde, sekretar i degës së ASH në qytet.

Nga ana e BDI-së, pjesë e takimit ishin kryetari i degës lokale dhe bartësi i listës për Këshillin e Komunës, Valdet Xhaferi, deputeti Talat Xhaferi dhe shefi i shtabit të BDI në Gostivar, Nexhati Jakupi.

Ky takim shënon fillimin e koordinimit të plotë në nivel lokal mes dy forcave politike brenda koalicionit të ri Aleanca Kombëtare për Integrim, e cila ka për qëllim të arrijë një fitore të madhe në të gjitha komunat me shumicë shqiptare në Maqedoni të Veriut, me theks të veçantë në Gostivar. /Flaka/

Kandidati i Aleancës Kombëtare për Integrim, Blerant Ramadani, ka qendruar sot në fshatin Bojanë.

Në takim me banorët, u theksua kontributi historik i kësaj zone, por edhe domosdoshmëria e projekteve të reja për ta çuar përpara zhvillimin e saj. Banorët parashtruan disa kërkesa konkrete, mes të cilave:
* rregullimi i rrugëve lokale,
* përmirësimi i ujësjellësit,
* rikthimi i bashkësisë lokale për t’i dhënë zë çdo qytetari,
* si dhe realizimi i projekteve madhore, përfshirë ndërtimin e një shkolle të re dhe të një salle moderne për aktivitete.

Ramadani theksoi se Bojana ka treguar gjithmonë çfarë mund të arrihet me vizion dhe guxim.

“Tani është koha ta bëjmë realitet ëndrrën e saj për zhvillim, punësim dhe kushte moderne për çdo familje. Me përkushtim, projekte konkrete dhe dashuri për këtë vend, Bojana do të ecë përpara,” u shpreh ai.
Nga ana e tij, Aleanca Kombëtare për Integrim premtoi se do të qëndrojë në krah të banorëve për t’i kthyer këto synime në realitet.

Kandidati i AKI-së për komunën e Tetovës, Bajram Rexhepi i shoqëruar nga shefi i shtabit komunal Blerim Osmani, ditën e sotme të vikendit vizitoi Malësinë e Tetovës respektivisht fshatin Bozovcë ku u prit krah hapur me këngë e çifteli nga banorët e këtij fshati. Banorët e Bozovcës u ankuan se pushteti lokal i ka haruar si pjesë të saj duke mos investuar asnjë qindarkë në këtë pjesë, shkruan Top24

Gjatë këtij takimi kandidati për kryetar komune Bajram Rexhepi theksoi se që në ditët e para të qeverisjes me komunën do të angazhojnë personel të ndërmarrjes i cili do të kujdeset për analiza të regullta për ujin e pijshëm sidhe do të organizohen linja me itinerar të caktuar për transport që kjo zonë e malësisë të mos izolohet. Rexhepi më tej premtoj se komuna do të angazhohet seriozisht në zhvillimin e kësaj zone pasi Bozovca ka potencial të jashtëzakonshëm zhvilimor, por meriton më shumë kujdes, vëmendje dhe punë. Dhe pikërisht kjo është rruga që do ta ecim #Bashkë për Bozofcën.