Pas deklaratës së dhënë dje në emisionin televiziv Daily Click në TV21, ku Nazim Taipi komentoi çështje të rëndësishme politike dhe zhvillimore sa i perket “Korrridorit 8”, ka ardhur reagimi nga Izet Mexhiti përmes një statusi në rrjetet sociale.
Sot, Taipi i është kundërpërgjigjur publikisht.

“Nuk duhet të më përgjigjet mua, por popullit!” – shkruan Taipi, duke theksuar se një zëvendëskryeministër nuk i lejohet të shtrembërojë faktet e deklaruara publikisht.

Ai i qëndron deklaratës së bërë në emision, duke shtuar:

“Kontributi i tij në Korridorin 8 është zero. Dhe trefishi i tij i shumëzuar me zero është baraz me asgjë (zero)!”- Shtoi Taipi

Deputeti i Aleancës për Shqiptarët, Halil Snopçe i ftuar në emisionin debativ “Samo vistina” në Kanal 5, mes tjerash ka folur edhe për arsyet e largimit të ASH-së nga Qeveria.
“Ne thamë se do ti bënim ndryshimet kushtetuese brenda gjashtë muajsh. Megjithatë, normalisht, këtu, le të themi se duhet të kemi empati ndaj popullit maqedonas, ndaj ndjenjave të tyre, le të themi për identitetet kombëtare, le të kemi mirëkuptim këtu, në rregull, për të përmbushur disa kërkesa. Megjithatë, kemi disa gjëra që shkojnë mbrapsht. Gjykata Kushtetuese e shfuqizoi balancuesin. Megjithatë, kemi deklarata publike nga kryeministri Hrstijan Mickoski se kjo është një kategori kushtetuese dhe çdo gjë që është kategori kushtetuese duhet të zgjidhet me ligj. Filluam në tetor, nëntor, ligji ishte gati, dhe tani është maji… Ligji ishte gati. Për të mos përmendur gjëra të tjera. Ka shumë gjëra të tjera. Tani, natyrisht, kemi marrë një pjesë të përgjegjësisë, atë që thashë dhe e kemi premtuar. Ky është projekti ynë. Një ligj për përfaqësim të barabartë dhe të drejtë, i cili është një kategori kushtetuese, dhe për shkak se është një kategori kushtetuese, duhet të propozohet si ligj. Dhe ne endemi duke bredhur në vend. Pra, ka disa gjëra që nuk janë dorëzuar dhe, natyrisht, nuk varet nga ne. Dhe për këtë arsye deklaratën e z. Taravari, vendosëm t’ua kthejmë qytetarëve”, theksoi Snopçe.

Deputeti i ASH-së, Halil Snopçe ka kërkuar të tërhiqet nga rendi i ditës në Kuvend propozim ligjit për Vetëqeverisjes Lokale, përmes të cilit në të ardhmen do mërgata përjashtohet nga numri i banorëve rezident dhe do të ulet numri i këshilltarëve në Këshillat komunale, kurse më të prekura pritet të jenë nga këto ndryshime, komunat me shumicë shqiptare.

Megjithatë, siç njofton deputeti Snopçe, propozimi i tij është refuzuar nga shumica parlamentare.

“Sot nga foltorja e Kuvendit kërkova të hiqet nga rendi i ditës propozim ligji për plotsim dhe ndryshim të ligjit për vetqeverisje lokale. Fatkeqësisht propozimi im u refuzua nga shumica parlamentare. Arsyeja e kërkesës konsiston në faktin që qeveria edhe pas tre muajve nuk është prononcuar në lidhje me kërkesën tonë për interpretimin autentik të pjesës që ka të bëjë me përcaktimin e numrit të përgjithshëm të këshilltarëve në vetqeverisjet lokale. Si pasojë e një vendimi të qeverisë është ulur numri i këshilltarëve duke mos e marrë parasysh votuesit tanë nga mërgata”, sqaron Halil Sanopçe, deputet i ASH-së.

Në sqarimin e tij, Sopçe thekson se “Normalisht se kjo është e papranueshme dhe se mërgata jonë, me votën e saj ka impakt të drejpërdrejtë në përcaktimin e numrit të keshilltarëve dhe këtë fakt nuk mund të injorojmë”.

Por, shton ai, nëse nuk bëhet ky përmirsim, ne nuk do të përkrahim këtë ligj të propozuar për miratimin e të cilit kërkohet edhe votimi me badinter.