Kryetari i Aleancës për Shqiptarët, Arben Taravari nga Vrapçishti në hapjen e shtabit për zgjedhjet lokale, bëri të ditur se në organet partiake do të vendoset për dalje nga Qeveria, transmeton TV21. Taravari mes tjerash theksoi se kanë kërkuar përkrahje për të sjellë ndryshimin, por siç shtoi ky ndryshim nuk është ndryshim që e kanë prit shqiptarët.

“Kërkuam përkrahje vitin e kaluar për ta sjellë ndryshimin, por ky ndryshim që e kemi nuk është ndryshimi që e kanë pritur shqiptarët dhe është fakt i pamohueshëm. Qeveria disi u humb në rrugën drejt BE-së. Situata në administratën shtetërore e shihni, ka një margjinalizim të jashtëzakonshëm dhe tendenca që shqiptarët të margjinalizohen dhe ASH-ja ka vendosur që nesër ose pasnesër që në organet partiake të vendoset me dinjitet, kur krejt vrapojnë për të hyrë në Qeveri ne jemi mësuar të dalim prej Qeverie. Dalim prej Qeveria për t’u rikthyer më fuqishëm sidomos në pushtetin lokal e mandej edhe në pushtetin qendror. Dëshirojmë që kur jemi në Qeveri të mos jemi kukull. S’mund ta lejojmë këtë, ose do të jemi si duhet, ose më mirë mos jemi në Qeveri, sepse nuk dua që aktivistët të mendojnë se ne jemi akomoduar atje dhe nuk mendojmë për shqiptarët. Nuk mund t’i punësojmë, nuk mund t’ju kryjmë punë prandaj më mirë të kthehemi te populli”, tha mes tjerash kryetari i Aleancës për Shqiptarët, Arben Taravari.

“ASH është më shumë se sa VLEN-i, komplet bashkë”, kështu u shpreh lideri i Aleancës për Shqiptarë, Arben Taravari sonte në hapjen e selisë në Shkup, ku foli edhe për aktualitetin politik.

“Aleanca për Shqiptarë është më shumë se sa VLEN-i komplet, bashkë, dhe këtë fakt ata asnjëherë s’mundet ta pranojnë, sepse ne edhe kur vendosëm të shkojmë me VLEN-in dhe ta sjellim ndryshimin dhe e kemi bërë punën më të madhe të mundëshme dhe çdokush prej juve duhet të jetë krenarë se BDI, shkoi në opozitë, edhe duhet të shkonte në opozit edhe mirë bëri. I kemi dhënë shancë që ndalë ngadalë të reformohet. Pak gjykata e reformoi, pak vetë ata, pak faktorë të ndryshëm ndikuan të reformohen kështu që ne e bëmë pjesën tonë”, sqaroi Taravari.

Komuna e Gostivarit në bashkëpunim me shoqatën “Men and Mountain”, Kryqin e Kuq, EVN, shoqatën “Pozitiva B2”, realizoni aksionin ekologjik “Pastrimi gjeneral në fundjavë”.

Aksioni kishte për qëllim ngritjen e vetëdijes publike për nevojën e grumbullimit dhe riciklimit të mbetjeve dhe u pastruan pjesët qendrore të qytetit.

“Komuna e Gostivarit realizoi një bashkëpunim të rëndësishëm me “Men and Mountain”, Kryqin e Kuq, EVN-në dhe shoqatën “Pozitiva B2” për pastrimin e qytetit. Një qytet i pastër është një detyrim dhe një shërbim i domosdoshëm për shëndetin tonë.”- u shpreh Limani.