Në faqen zyrtare të “Netëve të klipit shqiptar” në edicionin e 21-t , vendi i parë çmimi i publikut i ka takuar videoklipit “Amanet” me protagonist Luiz Ejli.

Ndërkohë që klipi “Amanet “ishte klipi më i votuar online nga publiku , në skenë për të marrë çmimin u ngjit Xhulian Shabani, producent i këtij klipi.

Shabani me këtë rast falenderoi të gjithë ata që e kanë përkrahur me votat e tyre, në veçanti përshëndeti “Ejllat”, fansat e zjarrt të Luizit, si dhe vetë Luiz Ejllin artistin që i dha motiv të shpreh kreativitetin e tij në këtë videoklip.

Ishte punë e gjerë nga një ekip profesionist i Synopsis Ads, ku shfrytëzoi rastin t’i përshëndes të gjithë sepse besoni në atë temperatur të lartë që është prodhuar klipi ishte shumë i vështirë realizimi i klipit, u shpreh Xhuliani.

Më tej Shabani falenderoi edhe Elvis Pupën dhe Santiana Malokun që ishin aktorë, si dhe gjithë bashkëpuntorët e Synopsys ads që kontribuan të realizohet me sukses ky klip.

Në fund fare Xhulian Shabani tha se këtë klip dhe këtë sukses i’a përkushton babait të tij tashmë të ndjerë , që beson se e shikon prej lartë dhe krenohet me Xhuliani/ Fol.mk

Artisti i njohur nga Shkupi, Benjamin Ajrulahi i njohur me emrin artistik Benny Bee, ka publikuar projektin e ri muzikor, shkruan zëri.mk

“Pa ty” mban titullin kënga e re, të cilën e ka kompletuar edhe nga ana vizuale, për të cilën ka punuar me producentin gjerman, Marco Tolo dhe me producentin kosovar Kitza në bashkëpunim me label-in Nautilus Entertainment.

Tekstin e ka shkruar vet Benny Bee poashtu dhe melodia e këngës e kompozuar nga vet artisti ndërsa për videon është përkujdesur Imagine Films.

Me videoklip dhe tekst të ndjerë, edhe ky projekt i artistit lidhet me dashurinë.

Kënga tashmë është publikuar në platformën YouTube dhe besohet se do të pritet mjaftë mirë edhe nga fansat e Benny Bee.

Benny Bee përndryshe shquhet si një nga zërat e veçantë në skenën shqiptare, i cili dhjet vite më parë zuri vendin e dytë në spektaklin “The Voice”.

Ndryshe, Benny Bee punoi si producent dhe inxhinier i zërit në Brick Records dhe Jukebox Group, si dhe bashkëpunoi me një producent të Sony And Bmg Music Berlin, Marco Tolo, të cilët prodhuan këngën e tyre “NAMATE” që u bë një hit i madh në Ballkan.

Një vit më parë projektin e tij muzikor “Pa Mu”, të cilin Benny Bee e solli si shkrirje të këngës “Pashë dy sytë në ballë”.
“Pa mu” u klasifikia në “The Top List” dhe kjo këngë bëri që Benny Bee të mirëpritet në Top Awards.

Aktualisht punon në studion muzikore Nautilus Entertainment, si këngëtar, producent, kantautor dhe inxhinier tingulli. Së bashku me producentin e talentuar dhe të famshëm shqiptar nga Tetova, Lennox kanë nxjerrë shumë këngë dhe remixe kopertinash që po pëlqehen dhe dëgjohen nga audienca ballkanike./zeri.mk/

Një 25-vjeçar kishte takuar dy burra në një platformë takimesh dhe u ka vjedhur atyre 1.2 milionë franga ndër vite duke i gënjyer.
Në fillim të vitit 2018, personi që sot është 25-vjeçar kishte takuar një fermer 57-vjeçar dhe një tjetër, 58-vjeçar, transmeton albinfo.ch.

Dy personat në fjalë, njëri nga Kantoni i Cyrihut dhe tjetri nga kantoni i St. Gallenit, ai i ka njohur nëpërmjet platformës së takimeve “planetromeo” të krijuar për burra homoseksualë.

Njëri ishte i martuar tjetri i divorcuar, shkruan 20minuten.ch.
Ka pasur edhe marrëdhënie seksuale me njërin nga fermerët. Shqiptari i ka mashtruar ata duke u ankuar se ishte në vështirësi financiare. Kështu ai i kishte shkruar atyre se duhej të ndreqte dhëmbët, kishte tumor, i duhej një depozitë qiraje, i duhej kapital fillestar për një kompani me qira makinash në Shqipëri ose në Chur dhe shumë përralla të tjera. Aktakuza radhit dy duzina tregimesh të tilla.

Ai u premtonte atyre se do t’u kthente paratë sepse do të trashëgonte një shumë të madhe nga një mik, beqar ndërsa një mik tjetër, në Angli i kishte këtij 200 mijë euro borxh, përcjell albinfo.ch. Por për të marrë borxhin ai duhej të shkonte në Angli dhe kishte nevojë për para.

Presioni i tij ndaloi vetëm kur policia e arrestoi 25 vjeçarin në korrik të vitit 2022. Që atëherë ai është në paraburgim.

Në procesin gjyqësor para Gjykatës së Qarkut në Hinwil të martën, i akuzuari ka pranuar veprën. “Më falni, paratë i kam përdorur kryesisht për lojërat e fatit”, tha ai në gjyq.

Ai kishte ardhur në Zvicër si azilkërkues, në moshën 17-vjeçare. Kërkesa i qe refuzuar por ai mundi të qëndronte duke u martuar me një grua zvicerane. Tani ai është i divorcuar dhe baba i një vajze njëvjeçare. E fejuara e tij e re është zvicerane me prejardhje kosovare.

Prokurori e ka akuzuar atë për mashtrim “industrial” dhe ka kërkuar dënim me katër vjet burg të pakushtëzuar si dhe dëbim nga vendi me dhjetë vjet. “I akuzuari ka vepruar me mashtrim. Ai ka ngritur një ndërtesë gënjeshtrash dhe ka shfrytëzuar varësinë emocionale të viktimave”, transmeton albinfo.ch. Ai u kishte shërbyer dy burrave me përrallat e tij, për vite me radhë.

Dy fermerët kanë humbur kështu kursimet e tyre dhe madje kanë marrë edhe borxhe.

Avokati thotë se edhe viktimat kishin përgjegjësi

Avokati i të akuzuarit kërkoi një dënim me burg me kusht prej 20 muajsh për klientin e tij. “Dy viktimat kishin injoruar të gjitha sinjalet e alarmit”. Më së voni deri në fund të vitit 2020, ata duhet të kishin kuptuar se po mashtroheshin nga i akuzuari. Njëri prej të dyve kishte shkruar: “Kam ndjesinë se po më mashtron” dhe e ka quajtur mashtrues financiar. Viktima tjetër ka shkruar: “Për çfarë të duhen vërtet paratë?” dhe “Unë e di që nuk do të mi kthesh paratë”. Ata duhej ta dinin që nuk do t’i merrnin paratë, dhe prapë kanë vazhduar të paguanin. “Këtu ka një përgjegjësi edhe të viktimës”, ka thënë mbrojtësi.

Lidhur me dëbimin nga vendi, avokati tha se ka këtu elemente të “rastit të rëndë”, pasi klienti i tij ka një vajzë këtu prandaj gjykata duhet të përmbahet nga dëbimi.

Gjykata e Qarkut ende nuk ka marrë vendimin. Ajo do të njoftojë palët me shkrim deri në fund të javës.