Sot mbahet ceremonia e certifikimit të rekrutëve të Forcës së Sigurisë së Kosovës gjenerata 02/2025 në Sallën e Sporteve “Bill Klinton” në Ferizaj.

“Në ceremoninë e certifikimit do të marrin pjesë udhëheqës të lartë shtetërorë, oficerë e nënoficerë të Ministrisë së Mbrojtjes dhe Forcës së Sigurisë së Kosovës, mysafir e familjarë të rekrutëve”, njofton FSK.

Në një tubim të madh partiak të mbajtur në Gostivar me struktura partiake, simpatizantë dhe qytetarë, kryetari i Aleancës për Shqiptarët, Arben Taravari, ka shprehur vendosmërinë për një rikthim të fuqishëm politik dhe për ndërtimin e një gjenerate të re udhëheqëse shqiptare.

Në një fjalim të mbushur me emocione dhe kritika ndaj gjendjes aktuale politike dhe qeverisëse, Taravari përmendi me mirënjohje tre bashkëpunëtorët e tij më të afërt: Sadik Sulejmanin, Riat Shaqirin dhe Halil Snopçen, për të cilët tha se: “e mbajtën Aleancën të fortë në periudhën më të vështirë”.

“Ne ishim të vetmit që vendosëm të mos bëhemi pjesë e një pazari politik pa vizion dhe pa plan për të ardhmen. Kishim rezultate të rëndësishme nga zgjedhjet, por nuk u bëmë pjesë e një marrëveshjeje që mashtroi shqiptarët për integrime dhe reforma që nuk ndodhën kurrë,” – theksoi Taravari, përcjell PressOnline.al

Ai akuzoi qeverinë aktuale dhe përfaqësuesit shqiptarë në të, për dështim në të gjitha sferat: decentralizim, luftë kundër korrupsionit, zhvillim ekonomik dhe punësim.

“Na u premtuan 20 mijë vende pune. Sot, në realitet, nuk janë punësuar as 1000 shqiptarë. Administrata publike është mbushur me njerëz të partive maqedonase, ndërsa shqiptarët vazhdojnë të mbeten të papërfaqësuar,” – u shpreh Taravari.

Ai tha se investimet ekonomike dhe kreditë e buta po ndahen padrejtësisht, pa përfshirjen e bizneseve shqiptare:

“Nga 200 kompani që përfituan nga një kredi e marrë në Hungari, asnjë nuk ishte shqiptare. Është e papranueshme!”
Duke komentuar ristrukturimin e partisë dhe kandidaturat e reja për zgjedhjet lokale dhe parlamentare, Taravari tha se Aleanca për Shqiptarët do të promovojë një gjeneratë të re politike dhe se: “nuk ka ndërmend të garojë për pozita publike personale”.

“Nuk jemi këtu për të qenë hizmeqarë të askujt – as të Zaevit, as të Mickoskit. Jemi këtu për të përfaqësuar shqiptarët me dinjitet dhe për të ndërtuar një front të përbashkët politik shqiptar,” – tha ai, përcjell PressOnline.al

Taravari i bëri thirrje shqiptarëve që të mos ndahen në fraksione dhe të bashkohen rreth një platforme të përbashkët, duke paralajmëruar një rikthim të fuqishëm të Aleancës për Shqiptarët në skenën politike.

“Na presin zgjedhje vendimtare. Nëse bashkohemi të gjithë, nuk ka asnjë dyshim se do të jemi faktori kryesor politik shqiptar në vend. Kjo është një mundësi historike që nuk duhet ta humbasim,” – përfundoi Taravari, mes duartrokitjeve të të pranishmëve në sallë. (PressOnline.al)

Kryetari i Aleancës për Shqiptarët, Arben Taravari, ka akuzuar qeverinë se po manipulon me të dhënat e punësimeve në administratë dhe se shqiptarët vazhdojnë të diskriminohen rëndë në këtë sektor.

“Thonë se janë punësuar 20.000 persona. Epo mirë, le të kontrollojmë statistikat – nga këta, më pak se 1.000 janë shqiptarë. Dhe shumica e atyre që janë punësuar, janë vetëm në letër!” – deklaroi Taravari, përcjell PressOnline.al

Ai shtoi se pavarësisht zotimeve për barazi dhe përfaqësim proporcional, qeveria aktuale ka dështuar në çdo drejtim dhe shqiptarët janë në pozitën më të keqe në 20 vitet e fundit.

“Në çdo institucion shtetëror, në çdo drejtori, shqiptarët janë margjinalizuar. Kjo nuk është reformë – kjo është padrejtësi,” – u shpreh ai.

Taravari paralajmëroi se Aleanca për Shqiptarët nuk do të heshtë më përballë këtij realiteti dhe do të insistojë në rivendosjen e barazisë dhe meritokracisë në administratë.