FIFA ka ulur çmimet e biletave për finalen e së dielës në përpjekje për të rritur pjesëmarrjen në ndeshje.

FIFA ka përgjysmuar çmimet e biletave për finalen e Kupës së Botës për Klube që do të luhet të dielën në stadiumin ‘MetLife’ në East Rutherford, New Jersey, në përpjekje për të shtuar numrin e tifozëve në ndeshje.

Çmimi më i lirë i një bilete standarde të premten ishte ulur nga 312.20 dollarë në 249.75 dollarë, sipas USA Today.

Çmimet për biletat premium nuk kanë ndryshuar nga e mërkura deri të premten, me ulëset në East Club që kushtojnë 1,644.65 dollarë dhe ato në EY Coaches Club 4,348.50 dollarë.

Të shtunën, çmimi më i ulët i një bilete në TicketMaster ishte 201.75 dollarë në seksionin 327, rreshti 10.

Sipas FIFA-s, 2.4 milionë tifozë kanë ndjekur deri tani ndeshjet e Kupës së Botës për Klube, me 21 nga 62 ndeshje të zhvilluara që kanë pasur të paktën 50,000 spektatorë.

Megjithatë, FIFA është kritikuar gjatë gjithë turneut për çmimet e larta të biletave, të cilat kanë ndikuar në pjesëmarrjen e ulët në fazat e para të turneut.

Associated Press raportoi më 28 qershor se mbi një milion bileta nuk janë përdorur gjatë fazës së grupeve.

Liverpooli ka konfirmuar zyrtarisht se ka tërhequr fanellën me numrin 20, në një gjest të veçantë nderimi për Diogo Jotën, i cili ndërroi jetë para kohe javën e kaluar.

Sulmuesi portugez e mbajti këtë numër për pesë vite në Anfield, duke lënë një gjurmë të pashlyeshme në klub dhe në zemrat e tifozëve.

Vendimi për tërheqjen e numrit 20 vlen për të gjitha nivelet e klubit, përfshirë ekipin e parë, ekipin e femrave dhe Akademinë e të rinjve të Liverpoolit.

“Si klub, ishim plotësisht të vetëdijshëm për emocionet e thella të tifozëve tanë – dhe i ndanim plotësisht ato,” tha Michael Edwards, Drejtor Ekzekutiv i Futbollit në FSG.

“Ishte e rëndësishme për ne të përfshijmë bashkëshorten e Diogos, Ruten, dhe familjen e tij në këtë vendim dhe t’u tregojmë të parëve për qëllimin tonë”.

“Kjo është hera e parë në historinë e Liverpoolit që një nder i tillë i jepet një lojtari individualisht. Mund të thuhet me plot gojën se është një homazh unik për një njeri po aq unik.”

“Duke e tërhequr këtë numër, po e bëjmë atë të përjetshëm – dhe po e sigurojmë që Diogo Jota të mos harrohet kurrë.”

Jota iu bashkua Liverpoolit në vitin 2020 dhe e veshi fanellën me numrin 20 me nder, pasion dhe përkushtim, duke e kthyer atë në simbol të tij.

Edwards shtoi: “Për Klubin e Futbollit Liverpool, ai do të jetë përgjithmonë numri ynë 20”.

Futbollisti Kylian Mbappe, si duket ka lënën pas sëmundjen.

Sipas AS, ai do të jetë i gatshëm të luaj kundër Juventusit, në 1/8 e finales së Kupës së Botës, shkruan IndeksOnline.

Ndeshje kjo e cila zhvillohet të martën me datë 1 korrik.

Trajneri i ”mbretërve”, Xabi Alonso para disa ditësh kishte deklaruar se francezi është lojtar i rëndësishëm dhe do të dëshironte ta kishte në dispozicion sa më parë.

“Ne kemi nevojë për të dhe duam që ai të kthehet sa më shpejt të jetë e mundur dhe në gjendjen më të mirë. Nuk dua të jem optimist dhe të shkoj përpara të martës, por ne kemi nevojë për të sepse ai është një lojtar i mirë, një nga më të mirët në botë. Shpresojmë ta kemi atë përsëri.”, ka deklaruar Alonso.