Aktivistja e njohur qytetare, Nafie Selmani, në një postim të gjatë në rrjetet sociale ka ndarë përjetimet e saj personale dhe politike, duke hedhur akuza të drejtpërdrejta ndaj subjektit politik VLEN.

Selmani pranon se për një kohë kishte qenë e mashtruar nga dikush që e konsideronte mik – një referencë e qartë ndaj Zeqirija Ibrahimit, i cili, sipas saj, kishte përvetësuar meritat për një mbështetje që në fakt i takonte Arben Taravarit, duke ia mohuar atij rolin real dhe kontributin në disa procese brenda VLEN-it.

Më poshtë e gjeni shkrimin e plotë të Nafie Selmanit:

“ E vërteta nuk mund të fshihet pafundësisht

Për një kohë, kisha qenë e mashtruar nga dikush që e kisha konsideruar mik. Kishte përvetësuar meritat për një mbështetje duke ia mohuar plotësisht z. Taravari rolin dhe kontributin real.

E vërteta nisi të dalë në dritë pas aktit të ulët dhe burracak të deputetit Bekim Qoku, i cili më përjashtoi në mënyrë të fshehtë, klandestine, pa asnjë shpjegim, pa asnjë bazë ligjore, dhe pikërisht aty ku miratohen ligjet. Dhe këtë e bëri me bekimin e plotë të partnerëve të tij politikë, VLEN-it, në një proces që ishte mbyllur.

Unë nuk i kam bërë kurrë padrejtësi qëllimisht askujt. Gjithmonë kam pasur frikë nga padrejtësia. Prandaj pranova me mirëkuptim propozimin e një miku tim për një takim mbrëmë me z. Arben Taravari

Në këtë takim, i thashë fjalët që më rëndonin ndërgjegjen: Më vjen keq që të kam akuzuar pa të drejtë, e ndikuar nga një besim i verbër tek Zeqirijahi dhe nga një propagandë e shëmtuar, e ndërtuar sipas stilit gebelsian nga subjekti politik ku ai bën pjesë bashkë me aleatët e tij. Nëse mua m’i bënë këto pas shpine, imagjinoj si kanë vepruar me ju!

Ky ballafaqim nuk kishte për qëllim të më shfajësonte mua, por të ruaja dinjitetin tim dhe të qëndroja në anën e së vërtetës. Sepse e vërteta, ndershmëria dhe drejtësia nuk mund të mbeten përherë nën hijen e gënjeshtrës dhe manipulimit politik.

Kush ka guxim të përballet me të vërtetën, ka edhe dinjitetin, dhe fiton edhe respektin”, ka përfunduar Selmani.

Një veprim që po interpretohet si hakmarrje politike, kryetari i Komunës së Tetovës, Bilall Kasami, ka transferuar me urdhër zyrtar punonjësin komunal njëherësh edhe pronar i portalit informativ Top24.mk, Ylber Jahiu në një vend tjetër pune, konkretisht në Infoqendrën.

Lajmin e ka bërë të ditur vetë Jahiu përmes një postimi në profilin e tij në facebook, ku thekson se sot kryetari i komunës së Tetovës, Bilall Kasame me urdhëresë ia ka ndërruar vendin e punës dhe si vend të përshtatshëm për të është INFOQENDRA.

Jahiu thejson më tej se se nuk është hera e parë që përballet me presion, duke përmendur edhe një video të mëhershme ku, sipas tij, është shënjestruar.

Postimi i plotë i Jahiut:

“Të dashur miq!
Sot kryetari i komunës me urdhëresë më ka ndruar vendin e punës dhe si vend të përshtatshëm për mua është INFOQENDRA.
Si pronar i portalit Top24.mk nuk është hera e parë që kam qenë shënjestër, madje shumë nga ju keni parë edhe një video që pati qarkulluar më herët.
Falemnderit Bilall Kasami për këtë qasje ndaj meje.
Trysnia nuk do ta ndal fjalën e lirë të medias”, ka përfunduar Jahiu.

Komisioni Rregullator i Energjetikës njoftoi se nga mesnata do të hyjnë në fuqi çmime të reja për derivatet e naftës.

Çmimet me pakicë të benzinës EUROSUPER BS-95 dhe EUROSUPER BS-98, të EURODIZEL-it (D-E V), si dhe të vajit ekstra të lehtë për përdorim shtëpiak (EL-1) do të rriten me 1.50 denarë për litër.

Sipas vendimit të ri:

EUROSUPER BS-95 do të shitet për 75.50 denarë/litër,

EUROSUPER BS-98 për 77.50 denarë/litër,

EURODIZEL (D-E V) për 71.50 denarë/litër,

Vaji ekstra i lehtë EL-1 për 71.00 denarë/litër.

Ndërkohë, çmimi me pakicë i naftës M-1 NS është rritur për 1.063 denarë, duke arritur në 40.472 denarë për kilogram.