Ministri i Shëndetësisë Arben Taravari gjatë ditës së sotme ka vizituar Fakultetin e Mjekësisë Veterinare. Tarvari ka shkruar se ka pasur takim të frytshëm dhe ka qenë i shoqëruar edhe nga mjekë të tjerë.
“Takim i frytshëm në Fakultetin e Mjekësisë Veterinare, ku i shoqëruar nga drejtori i Klinikës Universitare për Sëmundje Infektive dhe Gjendje Febrile, Dr. Fadil Cana, dhe Koordinatorja kombëtare për sigurinë ushqimore, politikën veterinare dhe fitosanitare, Mr. Verçe Micevska, me dekanin Prof.dr Dean Jankullovski dhe drejtuesit e këtij fakulteti, diskutuam për rëndësinë e një qasjeje të integruar mes mjekësisë humane dhe asaj veterinare”, ka shkruar Taravari.

https://www.facebook.com/share/p/1EAj2PBK8z/?mibextid=wwXIfr

Deputeti i ASH-së, Halil Snopçe, nga cilësia e kryetarit të grupit parlamentar VLEN, sot në hapësirat e Kuvendit ka takuar eurodeputetët me të cilët kanë biseduar tema në interes të vendit.

“Ne hapësirat e Kuvendit, në cilësinë e kordinatorit të grupit parlamentar VLEN, realizova takim me delegacionin monitorues të Keshillit të Europës për monitorimin e dialogut me shtetin tonë, të përbërë nga eurodeputetët Sibel Arslan, Joseph O’Rilley dhe Agnieszka Szklanna. Ishte një takim i frytshëm ku përveç aktualiteteve në përgjithësi, diskutuam për reformat në gjyqësi, për reformat në kodin zgjedhor, për hapat e ndërrmarë në luftën kundër korupcionit, lirinë e mediave etj”, ka shkruar deputeti Halil Snopçe.

Ai shtoi tutje se në këtë takim ka folur për zvarritjen e procesit të sjelljes së Ligjit për përfaqësim të drejtë dhe të barabartë.

“Gjatë këtij diskutimi fokus i veçantë dhamë edhe për aspektin e të drejtave të njeriut në shtet, kryesisht për të drejtat e shqiptarëve. Theksova shqetësimin tonë për zhagitjen dhe taktizimet për shtyerjen e sjelljes së ligjit për përfaqësim të drejtë dhe të barabartë. Poashtu potencova se për ne si shqiptarë është e rëndësisë primare edhe hekja emërtimit të Gjuhës shqipe si gjuhë e 20% në kushtetutën e vendit”, ka përfunduar Snopçe.

Sekretari i përgjithshëm i Aleancës për Shqiptarët, Blerant Ramadani, ka publikuar një status reflektues në rrjetet sociale, ku thekson se partia që ai përfaqëson ka zgjedhur rrugën e sinqeritetit në politikë, përballë një ambienti të ngarkuar me padrejtësi dhe kalkulime të mbyllura, përcjell Zyrtare.net

“Egoja ndan. Sinqeriteti bashkon. Ne zgjedhëm politikën e sinqertë,” shkruan Ramadani, duke e mbështetur këtë qasje me një thënie të Arbën Xhaferit: “Më e vështira në politikë është të jesh i drejtë mes padrejtësive.”