Gazetari dhe analisti Seladin Xhezairi komenton për Flaka sondazhin më të fundit të Market Vision, duke e cilësuar si pasqyrë të zhgënjimit ndaj qeverisjes së VLEN-it me VMRO-DPMNE-në dhe ZNAM-in.

Driton Zenku

Në një prononcim për Flaka, gazetari dhe analisti i njohur Seladin Xhezairi ka komentuar rezultatet e sondazhit më të fundit të publikuar nga MKD.mk në bashkëpunim me agjencinë Market Vision, duke theksuar se shifrat reflektojnë realitetin politik dhe zhgënjimin e thellë të elektoratit shqiptar ndaj koalicionit qeverisës VLEN.

“Sondazhet reflektojnë zbythjen dhe zhgënjimin e shqiptarëve”

“Këto si dhe sondazhe të mëhershme, përkojnë me realitetin nëpër të cilin po kalon Maqedonia e Veriut, përkatësisht ato, kur është fjala për shqiptarët, reflektojnë zhgënjimin e votuesve me ata që në zgjedhjet e fundit premtuan shumëçka, ndërsa pas më shumë se një viti qeverisjeje me VMRO-DPMNE-në dhe ZNAM-in, kemi një zbythje që po sanksionohet edhe përmes këtyre sondazheve,” thotë Xhezairi.

Sipas tij, grupimi që gëzonte përkrahjen e Prishtinës zyrtare dhe kryeministrit Kurti, ka dështuar në të dyja frontet – të brendshëm dhe ndërkombëtarisht.

“Në gjykimin tim, grupimi politik që ka mbështetjen e LVV-së dhe kryeministrit Albin Kurti, dështoi si në planin e brendshëm – kemi një degradim të interesave shqiptare – ashtu edhe në atë të jashtëm, ku negociatat për aderim të plotë në BE mbeten të bllokuara për shkak të mungesës së ndryshimeve kushtetuese. Fitohet përshtypja se partia VMRO-DPMNE dhe kreu i saj, kryeministri Hristijan Mickoski, po e realizojnë në plotëni programin e tyre parazgjedhor, duke e bërë Maqedoninë – të maqedonasve, ndërsa katër subjektet shqiptare duket se vetëm janë të kënaqura me postet që ushtrojnë,” deklaron Xhezairi.

Nga analiza e Seladin Xhezairit del qartë se sondazhi i fundit nuk është i rastësishëm, por një pasqyrim i tendencave në rënie të mbështetjes për koalicionin VLEN. Zhgënjimi i votuesve shqiptarë ndaj performancës qeverisëse, dështimi për të avancuar interesat kombëtare dhe përmbushja e agjendës së VMRO-DPMNE-së në dëm të përfaqësimit të shqiptarëve janë faktorët kyç që kanë ndikuar në këtë zbythje. Flaka

Gazetari dhe analisti Seladin Xhezairi, në një prononcim për Flaka, ka komentuar rezultatet e sondazhit të fundit të realizuar nga MKD.mk dhe Market Vision, duke vënë theksin te ndikimi negativ që ka pasur largimi i Aleancës për Shqiptarët ndaj koalicionit qeverisës VLEN.

Driton ZENKU

I pyetur nëse mund të thuhet se VLEN ka humbur elektorat pas daljes së Aleancës nga koalicioni, si dhe për parashikimin e përballjes në zgjedhjet lokale, Xhezairi thekson: “Përtej politikës ditore dhe interesave puro partiake, kujtoj se largimi i grupimit të zotit Taravari dëshmon se Arben Taravari i mbeti besnik një zotimi menjëherë pas zgjedhjeve – se nëse nuk bëhen ndryshimet kushtetuese (më duket se përmendi afatin prej gjashtë muajsh), atëherë nuk kanë se çfarë kërkojnë në Qeveri.”

Sipas tij, ndonëse nuk mund të thuhet me saktësi nëse është humbur gjysma e elektoratit, pasoja politike janë të dukshme.

“Pra, nuk e di nëse është gjysma e elektoratit ose jo, por largimi është duke i kushtuar goxha shumë këtij grupimi të vetëquajtur VLEN,” shton Xhezairi, duke paralajmëruar se “çmimi do të dihet në vjeshtë.”

Ky koment vjen në një kohë kur sondazhet po tregojnë rënie të mbështetjes për VLEN-in dhe rritje të besimit ndaj opozitës shqiptare në prag të zgjedhjeve lokale që pritet të mbahen në fund të këtij viti. Flaka

Në Maqedoninë e Veriut (përfshi edhe segmentin e autostradës Kërçovë–Ohër), me ardhjen e kësaj qeverie në pushtet, është bërë e zakonshme që tabela e sinjalistikës të jetë vetëm në gjuhën maqedonase — jo edhe në shqip.

Arsyet e anashkalimi të gjuhës shqipe tashmë dihen, pasi VMRO-DPMNE “VLEN”- in nuk e sheh dhe nuk e trajton si partnerë qeveritarë.

Situata bëhet edhe më e pa durueshëm, pasi në inaugurimin e këtij segmenti mori pjesë edhe zv.kryeministri Izet Mexhiti, i cili e përgëzoj këtë investim, por nuk duket aspak që e ka shqetësuar mungesa e gjuhës shqipe.

Edhe në pjesët ku punohet ende në këtë autostradë, sinjalistika në kantier është vetëm në maqedonisht.

Por, ky segment rrugorë nuk është rast i vetëm ku kjo qeveri anashkalon shqipen.

Edhe atje ku fillimisht ekzistonte shqipja në sinjalistikë, u hoq nga kjo qeveri, gjë që është e dokumentuar dhe pjesë e një trendi nacionalist, përfshirë edhe segmentin Kërçovë–Ohër.

N.P “Rrugët e Maqedonisë” duket se ka pezulluar procedurat për përfshirjen e shqipes në tabelat e autostradave, duke krijuar skandal dhe diskriminim të qartë ndaj shqiptarëve, ndërsa VLEN nuk ka fuqi ose nuk është i shqetësuar që tabelat lihen vetëm në maqedonisht.