Anketa e fundit e publikuar nga portalet pro-VLEN, kinse nga “Instituti për Hulumtim dhe Komunikim”, është një mashtrim i pastër. Portali TetovaSot ka verifikuar këtë institucion, por ai nuk ekziston askund, nuk figuron në asnjë adresë zyrtare regjistrimi dhe nuk ka as webfaqe. Kjo dëshmon se anketa e ashtuquajtur e IHC-së është një fabrikim i qëllimshëm, i përhapur nga zyra e VLEN-it.

Sipas kësaj ankete të rreme, VLEN fiton të gjitha komunat, ndërsa Fronti Kombëtar i humb të gjitha. Kjo bie ndesh me realitetin në terren. Pasi e ndiejnë humbjen e afërt, VLEN-i është kapluar nga paniku dhe kjo është tashmë anketa e dytë mashtruese pas asaj të publikuar nga UBO.

Nga ana tjetër, anketa e MKD-së e publikuar edhe në Europe Electe VLEN ka rënie drastike ndërsa Fronti Kombëtar dhe BDI fitojnë bindshëm në shumicën e komunave shqiptare./TS/

Sekretari i përgjithshëm i Aleancës për Shqiptarët, Blerant Ramadani së bashku me koordinatorin e zonës 3, Bujar Aliun kanë vizituar Çashkën ku janë takuar me strukturat e ASH-së në këtë pjesë, shkruan Top24

Bashkë me koordinatorin e Zonës 3, Bajram Aliun, sot vizituam strukturat e ASH-së në Çashkë, prej nga u zgjodh me mbështetje të plotë Enver Beluli si shef i shtabit zgjedhor.
Me njerëz të përkushtuar si Enveri, jemi të bindur se Çashka do të jetë shembull organizimi dhe pjesë e rëndësishme e fitores sonë në Tetor!

Në një vit të plotë në detyrë, Kryetari i Komunës së Gostivarit, Valbon Limani, ka realizuar një numër të konsiderueshëm projektesh infrastrukturore që kanë pasur një ndikim të drejtpërdrejtë në përmirësimin e kushteve të jetesës për qytetarët e Gostivarit. Gjatë periudhës 12-mujore, janë realizuar gjithsej 30 projekte, përfshirë asfaltime rrugësh, ndërtim dhe rregullim shëtitorjesh, investime në arsim dhe energji të rinovueshme, si dhe përmirësime në infrastrukturën e kanalizimeve dhe mbrojtjen e mjedisit.

Investimet Kyçe:

Asfaltimi i rrugëve: Bulevardi “Goce Dellçev”, rruga “18 Nëntori”, rruga Nikolla Teslla, Beliçica dhe shumë rrugë të tjera, si dhe përfundimi i disa segmenteve të rrugëve kryesore në fshatrat e Gostivarit, kanë përmirësuar ndjeshëm lëvizjen e qytetarëve dhe transportin publik.

U vendosën pajisjet me panele fotovoltaike në shkolla. Dy shkolla, Gjimnazi i Gostivarit dhe Shkolla “Goce Dellçev”, janë pajisur me panele fotovoltaike, duke kontribuar në kursimin e energjisë dhe mbrojtjen e mjedisit.

Në drejtim të përmirësimin e infrastrukturës urbane u bë rregullimi i shëtitorjeve pranë Qendrës së qytetit dhe afër lumit Vardar, si dhe ndërtimi i terreneve sportive, që janë një hap i rëndësishëm në pasurimin e hapësirave publike dhe ofrimin e mundësive për aktivitet fizik dhe rekreacion.

Kryetari Limani ka ndjekur edhe një plan të gjerë për përmirësimin e sistemit të kanalizimeve, si në fshatin Banjicë të Epërme, ashtu edhe në rrugën Debresh-Zdunjë. Po ashtu, janë siguruar 340 mijë euro për të ulur ndotjen e ajrit në qytet.

Përveç këtyre, janë siguruar gjithashtu 49 projekte të tjera nga kredia hungareze, të cilat do të fillojnë realizimin pas pushimeve verore. Kryetari Limani ka paralajmëruar se punimet do të ndërpriten për një periudhë të shkurtër gjatë verës për të mundësuar lëvizjen e lirë të qytetarëve, veçanërisht gjatë periudhës së ardhjes së bashkatdhetarëve.

Kryetari Limani më herët është shprehet se këto investime janë të rëndësishme për zhvillimin e mëtejshëm të Komunës së Gostivarit, duke krijuar kushte më të mira për qytetarët dhe duke i dhënë një shtysë të fortë zhvillimit ekonomik dhe social të qytetit.

Duke vlerësuar suksesin e këtyre projekteve, Limani ka theksuar angazhimin e tij për të vazhduar me realizimin e projekteve të tjera infrastrukturore, duke e bërë Gostivarin një qytet më të zhvilluar dhe më tërheqës për jetesë. Ai ka garantuar se projekti do të vijojë të rritet në vitet në vijim, për t’u siguruar që çdo pjesë e qytetit dhe fshatrave të Komunës të ketë zhvillimin dhe përmirësimet e nevojshme.

Në vazhdim ua sjellim projektet dhe punë të tjera të realizuar për 12 muaj:

Terrene sportive për tenis,

U siguruan 340 mijë euro për uljen e ndotjes së ajrit,

U asfaltua Bulevardi “Goce Dellçev”,

U asfaltuar rruga “18 Nëntori” në afërsi të Stacionit të Policisë,

U finalizuar kanalizime në Banjicë të Epërme,

U përfunduar kanalizime në rrugën Debresh-Zdunjë,

U bë asfaltimi i rrugës Debresh-Zdunjë,

Një rrugë në pjesën qendrore të qytetit u shtrua me pllaka bekatoni,

U asfaltua rruga “Kej Vardar”,

U asfaltua një rrugë në Lagjen Maleardi,

U finalizua një pjesë e kanalizimet në fshatin Raven,

U asfaltua rruga kryesore në fshatin Zdunjë,

U asfaltua rruga në fshatin Balindoll,

U asfaltua rruga “13”,

U asfaltua rruga “Nikolla Teslla”,

Asfaltohet pjesa e dytë e rrugës “Nikolla Teslla”,

U vendos fasadë e jashtme e re në çerdhen “Lulishte”,

U asfaltua rruga “Mara Ugrinova”,

U asfaltua rruga e fushës në fshatin Forinë,

U realizua faza s parë e rregullimit dhe asfaltimi të bulevardit kryesor “Vllezërit Gjinoski”,

U asfaltua rruga “Beliçica”,

Shkolla e parë u bë me panele fotovoltaike- Gjimnazi i Gostivarit,

Shkolla e dytë e panele fotovoltaike-Goce Dellçev,

U rregullua dhe asfaltua mbikalimi i hekurudhës në lagjen Pitarnicë,

U sigurua kamion për grumbullimin e mbeturinave për N.P “Komunalec”

Shkon drejtë finalizimit shetitorja e re në afërsi të Qendrës së qytetit,

U asfalta segmenti i dytë i rrugës “Boris Kidriç”,

U hap aplikimi për ndihmë financiare prej 6000 denarë për çdo fëmijët të porsalindur,

U rregullua shëtitorja e re pranë lumit Vardar.