Nga premtimet për 2.500 punësime për shqiptarët nuk ka mbetur asgjë. Realiteti në qeveri është ndryshe: Hristijan Mickoski po punëson 2.500 maqedonas, ndërsa shqiptarët trajtohen si të padukshëm. FLEN ka dëgjuar gabim, ose më saktë, ka zgjedhur të bëhet sikur nuk sheh e nuk dëgjon.

Reagimi i fundit i kryeministrit Mickoski në konferencën për shtyp në Tetovë, i shoqëruar me zgërdhirjen ironike të Bilall Kasamit në momentin kur u përmendën punësimet për shqiptarët, e konfirmon qartë: shqiptarët janë injoruar dhe FLEN nuk ekziston si faktor në këtë qeveri.

Punësimet e përditshme me parimin diskriminues 20 me 1, 30 me 0, 40 me 1 apo 50 me 0 janë pasqyra e vërtetë e përfaqësimit që kanë sot shqiptarët. Kjo nuk është vetëm dështim – është tradhti ndaj interesit shqiptar.

FLEN mban përgjegjësi për këtë mashtrim të madh. Premtoi punësime për shqiptarët, por u bë patericë e një qeverie që margjinalizon, përjashton dhe poshtëron çdo gjë shqiptare.

Është momenti i fundit për t’u tërhequr nga kjo qeveri antishqiptare dhe antiperëndimore. Në të kundërtën, dënimi i shqiptarëve përmes votës në tetor do të jetë i ashpër dhe fatal.

Aleanca për Shqiptarët ka qenë në qeveri dhe është larguar me dinjitet. Askush nuk ua ka lakmi vendin në një qeveri që i përdor shqiptarët si dekor. Por ju, për fat të keq, nuk e kuptoni as gjendjen në të cilën ndodheni, as dëmin që po u bëni shqiptarëve.

Fjalët e mëdha nuk i mbulojnë dot veprat që në thelb po përjashtojnë shqiptarët. Nënçmoni intelegjencën e shqiptarëve duke u shtirur si përfaqësues të tyre, por në fakt jeni duke u turpëruar para tyre.

Tetori po vjen. E bashkë me të, edhe gjykimi i qytetarëve ndaj kësaj politike pa shtyllë kurrizore dhe pa vizion.

Aleanca për Shqiptarët

Gazetari Furkan Saliu ka reaguar me tone ironike dhe kritike ndaj qeverisë së Maqedonisë së Veriut, konkretisht ministrin Aleksandër Nikollovski, lidhur me projektin shumëvjeçar të autostradës Kërçovë–Ohër, duke e quajtur një simbol të dështimit dhe zvarritjes institucionale.

Në një postim në rrjetet sociale, Saliu shkruan:

“Imagjinoni që e gjithë karriera politike të jetë e lidhur me një projekt të vetëm. Dhe ai projekt të jetë një autostradë prej 57 kilometrash, nga të cilat pas 20 vitesh janë hapur vetëm 20 km. Qesharake. Jo, në fakt, është tragjike.”

Reagimi i tij vjen në kohën kur autoritetet njoftuan përfundimin e një segmenti të shkurtër të autostradës, duke e shfaqur si arritje të madhe, ndërsa pjesa dërrmuese e projektit ende nuk është përfunduar – pas dy dekadash punimesh, vonesash dhe rritjesh të kostos.

Postimi i Saliut është komentuar gjerësisht në rrjet, duke reflektuar pakënaqësinë dhe zhgënjimin e qytetarëve ndaj ritmit të ngadaltë të zhvillimeve infrastrukturore dhe mënyrës se si pushteti mundohet t’i shesë si sukses. Flaka

Në kulmin e krizës ekonomike, Qeveria e Maqedonisë së Veriut planifikon të shpenzojë 1.8 milionë euro për EXPO-n në Beograd në vitin 2027. Paratë e qytetarëve do të harxhohen për logo, karrige, dizajn dhe akomodime luksoze për promotorë.

“Kjo është fytyra e vërtetë e kësaj qeverie – arrogancë, luks dhe përçmim ndaj qytetarit të zakonshëm.”

Masat që propozon Aleanca për Shqiptarët

Ismaili prezantoi një paketë masash emergjente, duke përfshirë:
• Uljen e TVSH-së për produktet bazë dhe shërbimet shëndetësore;
• Subvencione për shtresat më të goditura;
• Mbështetje për prodhuesit vendorë për të garantuar siguri ushqimore;
• Ndalim të spekulimeve dhe kontroll real të çmimeve në treg.

“Shteti duhet të mbrojë qytetarin, jo të sillet si spektator i mjerimit që po përhapet.”

Apel për veprim dhe llogaridhënie

Ismaili theksoi se kjo krizë po largon të rinjtë nga vendi, po varfëron pensionistët dhe po shtyn familjet drejt kolapsit. Ajo kërkoi llogaridhënie nga qeveria dhe paralajmëroi se Aleanca për Shqiptarët nuk do të qëndrojë në heshtje.

“Koha për veprim është tani. Heshtja është bashkëfajësi. Ne do të ngremë zërin për dinjitetin e qytetarëve.”