Kryetari i komunës së Vrapçishtit. Isen Shabani ka përmbushur edhe një premtim të dhënë para banorëve të fshatit Dobridoll duke asfaltuar dhe përfunduar punime në një nga rrugët e rëndësishme të këtij fshati të quajtur si rruga e fushës, shkruan Top24

“Rruga e fushës në Dobërdoll tashmë është gati dhe funksionale.
Sot, së bashku me ekipin tim dhe qytetarët, bëmë përurimin e një investimi të rëndësishëm që sjell përmirësim dhe lehtësi për të gjithë.
E gëzofshi!”, ka nënvizuar Shabani.

Profesori universitar dhe anëtari i grupit punues për përgatitjen e Ligjit për Përfaqësim Adekuat dhe të Drejtë, Mersim Maksuti, ka reaguar publikisht përmes një statusi në rrjetin social Facebook, ku ka shprehur pakënaqësi të thellë lidhur me versionin final të Propozim Ligjit të propozuar nga Qeveria e Maqedonisë së Veriut. Ai ka paraqitur një sërë vërejtjesh themelore, të cilat nuk janë marrë parasysh gjatë procesit të hartimit, informon PressOnline.al

Maksuti thotë se Ligji i miratuar nuk përmban mekanizma të garantuar për zbatim efektiv, por varet kryekëput nga vullneti politik i një Trupi Koordinativ, i cili nuk ka kompetenca konkrete mbikëqyrjeje apo sanksionuese ndaj institucioneve që nuk e zbatojnë ligjin.

“Ky Trup nuk udhëhiqet nga zëvendëskryeministri i parë, dhe nuk ka juridiksion të kontrollojë apo të kërkojë përgjegjësi politike ndaj institucioneve. Me këtë, përfaqësimi adekuat mbetet një çështje e mirëdashjes politike, jo një e drejtë e garantuar,” thekson Maksuti.
Ai kritikon gjithashtu mënyrën se si ligji kushtëzon përfaqësimin me kritere si profesionalizmi apo kompetenca, që sipas tij mund të përdoren për të përjashtuar qytetarët e bashkësive më pak të përfaqësuara.

Sipas tij, në rast të konfliktit mes një të drejte kolektive dhe një individuale, “e drejta kolektive duhet të ketë përparësi”.
Ai shpreh shqetësim edhe për ndikimin e vendimeve të Gjykatës Kushtetuese në draftimin e ligjit, duke theksuar se kjo gjykatë nuk ka kompetencë të diktojë drejtimin e legjislacionit. Ai kujton se Gjykata vetëm ndalon deklarimin e detyrueshëm të përkatësisë etnike, por jo përcaktimin e kuotave për përfaqësim adekuat.

“Kemi hyrë në një rrezik ku Gjykata Kushtetuese sillet si legjislativ, duke kufizuar veprimtarinë e Kuvendit që ka të drejtë të parashikojë forma të reja për të zbatuar përfaqësimin e drejtë,” thotë ai, përcjell PressOnline.al

Ndër vërejtjet kryesore, Maksuti veçon edhe mungesën e sanksioneve ligjore ndaj zyrtarëve publikë që nuk e zbatojnë ligjin. Ai e cilëson këtë si një mangësi serioze që do të ndikojë në mosrealizimin e efektit juridik të ligjit në praktikë.

“Në mungesë të masave ndëshkuese dhe të përgjegjësisë politike, ligji nuk do të japë efekt juridik. Nuk jemi shtet me kulturë të lartë zbatimi të ligjeve – prandaj garancia ligjore është thelbësore,” përmbyll Maksuti.

Për ironi të fatit, në të njëjtën ditë kur qeveria njëetnike e drejtuar nga VMRO-DPMNE miratoi Propozim-Ligjin për Përfaqësim të Drejtë dhe Adekuat, institucionet shtetërore vazhduan të thellojnë diskriminimin dhe përjashtimin e qytetarëve shqiptarë nga administrata publike.

Nëpërmjet Agjencisë për Administratë, Fondi Pensional dhe Invalidor i Maqedonisë së Veriut shpalli konkurse për 23 vende pune, të gjitha të vendosura në rajonin lindor të vendit – zona ku nuk jetojnë shqiptarë. Kjo praktikë përjashtuese është shembulli më i qartë i asaj që nënkupton “përfaqësim i drejtë” në versionin e ligjit të Karakamishevës: 23 punësime për maqedonas, 0 për shqiptarë.

Po atë ditë, në Agjencinë për Ushqim dhe Veterinari, përmes një konkursi të brendshëm (nr. 02/2025, i publikuar më 04.04.2025), u avansuan tetë zyrtarë maqedonas dhe vetëm një shqiptar – edhe ky shembull konkret se si zbatohet “merita” në administratën e re.

Ndërkohë, në mbrëmje, kryeministri i VLEN-it Hristijan Mickoski, në një intervistë në TVM1, deklaroi se për një vit janë realizuar 10 deri në 12 mijë punësime të reja, duke e rritur numrin e të punësuarve në vend nga 690.000 në 702.000.

E pyesim publikisht liderin e VLEN-it, Izet Mexhiti: Nga këto 12 mijë punësime, sa janë shqiptarë? Apo ndoshta për këtë informacion duhet të kërkojë leje nga shefi i tij, Hristijan Mickoski?

Sipas dinamikës aktuale të konkurseve dhe avansimeve, është e qartë se numri i shqiptarëve të përfshirë nuk e kalon as shifrën katërshifrore, gjë që e bën edhe më të zymtë realitetin në të cilin ligji i shumëpropaganduar nuk është as simbolikisht funksional, e aq më pak efektiv.

Me këtë ritëm dhe me ligjin e Karakamishevës, shqiptarët po përshëndeten nga administrata shtetërore, duke u përjashtuar sistematikisht nga institucionet publike – një proces që e zhvesh përfaqësimin nga çdo kuptim real.

Prandaj, theksojmë edhe njëherë nevojën urgjente për një ligj të ri, gjithëpërfshirës dhe funksional, të hartuar me pjesëmarrje të vërtetë të përfaqësuesve shqiptarë, ekspertëve të komunitetit dhe institucioneve përkatëse. Mjaft më me makijazh politik dhe manipulime me emrin e barazisë!

Ky nuk është përfaqësim. Kjo është dorëzim. Dhe Aleanca për Shqiptarët nuk do të heshtë përballë kësaj padrejtësie.

Aleanca për Shqiptarët