Aktivisti i Lëvizjes Besa, Lavdrim Ismaili, ka njoftuar dorëheqjen nga të gjitha funksionet brenda partisë, përfshirë edhe postin e Kryetarit të Forumit Rinor të fshatit Përshëfc.

“Njoftim i rëndësishëm për miqtë e mi: Sot, pas një periudhe të gjatë përkushtimi, kam vendosur të jap dorëheqje nga pozita e Kryetarit të Forumit Rinor të fshatit Përshëfc në kuadër të Lëvizjes Besa, si dhe nga çdo aktivitet në Lëvizjen Besa,” – shkroi Ismaili.

Ai theksoi se vendimi ka qenë i vështirë, por i domosdoshëm për të hapur mundësi të reja:

“Ky vendim nuk ka qenë i lehtë, por është i nevojshëm për të hapur mundësi të reja dhe për t’i dhënë hapësirë angazhimeve të tjera që kërkojnë vëmendjen time. Jam shumë mirënjohës për mundësitë që kam pasur dhe për mbështetjen që kam marrë gjatë këtij udhëtimi.”

Ismaili ka falënderuar kryesinë e ngushtë të Lëvizjes Besa në fshatin Përshëfc, që i kishte besuar këtë rol edhe pse ishte më i riu në grup:

“Me entuziazëm të madh, besoj se kam dhënë më të mirën nga vetja dhe kam kontribuar në zhvillimin e komunitetit tonë.”

Në fund, ai ka theksuar se mbetet i përkushtuar ndaj kauzave të drejta dhe ka kujtuar se Lëvizja Besa ka ekzistuar para vitit 2024:

“Si dhe për fund tua rikujtoj disa personave se Lëvizja Besa ekziston më përpara se 2024, kur funksiononte me 4 aktivistë e rinë gjallë nëndega. Ishte një eksperiencë e mirë në Lëvizjen Besa. Ju faleminderit!”

Gazetari Abedin Bilalli ka reaguar ndaj retorikës së kryeministrit Hristijan Mickoski, duke e akuzuar atë për politika përjashtuese dhe përpjekje për të përcaktuar fatin e shqiptarëve në Maqedoninë e Veriut. Në një reagim publik, ai thekson se shqiptarët janë autoktonë dhe pjesë e pandashme e shtetndërtimit, ndërsa politikat e fundit po i shtyjnë drejt margjinalizimit.

“Mos e provoko heshtjen shqiptare, z. Mickoski! Nëse barazia është kërcënim, atëherë s’ka bashkëjetesë. Në një shtet që prej vitesh na kujton se jemi ‘të tjerët’, shqiptarët e Maqedonisë së Veriut kanë vazhduar të ecin përpara me dinjitet, duke kontribuar shumë më tepër sesa marrin,” – ka shkruar Bilalli.

Ai përmendi disa shembuj të vendimeve diskriminuese ndaj shqiptarëve:

“Heqja e balancuesit nga sistemi administrativ; ulja e numrit të këshilltarëve në komunat me shumicë shqiptare; mungesa e një ligji për përfaqësim të drejtë dhe adekuat në institucionet shtetërore; thirrjet raciste në ndeshje sportive të bëra haptas e pa ndëshkim – madje në prani të përfaqësuesve më të lartë të shtetit, përfshirë edhe juve, z. Kryeministër.”

Bilalli thekson se paqja e vërtetë nuk është heshtje, por drejtësi:

“Kryeministër, paqja nuk është vetëm heshtje – është drejtësi! Shqiptarët nuk kërkojnë privilegje, por të drejta. Pa barazi nuk ka stabilitet. Pa drejtësi nuk ka shtet funksional. Dhe pa shqiptarët, nuk ka as Maqedoni të Veriut evropiane.”

Ai paralajmëroi se Marrëveshja e Ohrit po zbehet jo për shkak të shqiptarëve, por nga mungesa e vullnetit politik për ta zbatuar:

“Marrëveshja e Ohrit nuk ishte fundi, por fillimi i një procesi. Shqiptarët e mbështetën dhe për mbi dy dekada treguan përgjegjësi. Sot duket se kjo marrëveshje po zbehet për shkak të politikave përjashtuese. Pa zbatim të drejtë dhe të plotë, çdo qetësi është vetëm shtyrje e krizës.”

Në fund, Bilalli i dërgoi një mesazh të qartë Mickoskit:

“Shqiptarët janë pjesë e pandashme e këtij vendi. Ata nuk do të ndalen së punuari për paqe, barazi dhe mirëqenie. Por është koha që edhe shteti – dhe ju si drejtues i tij – të ndaloni politikat përjashtuese dhe t’i përkushtoheni një paqeje që ndërtohet bashkë me shqiptarët, e jo kundër tyre.” /Flaka Media/

Hoxha nga Shkupi, Bedri Lika, ka reaguar pas deklaratave të kryeministrit të Maqedonisë së Veriut, Hristijan Mickoski, duke theksuar shqiptarët janë zot të vetevetes.

“Nuk i bëj marketing asnjë partie politike, sepse misioni im, si hoxhë, është mbi partiak dhe së dyti popullin tim, pa dallim ngjyrën partiake, e konsideroj si një familje,” u shpreh Lika.

Ai tha se arsyeja e reagimit të tij lidhet me retorikën e ashpër të kryeministrit, i cili sipas tij po merr guximin të përcaktojë fatin e shqiptarëve në vend.

“Ka kaluar koha e komunizmit. Populli shqiptar janë të zotit e vendit dhe ata përcaktojnë për vetvetën,” theksoi Lika në reagimin e tij.