Ministri i Ekonomisë, Besar Durmishi, ka komentuar tragjedinë e fundit në Koçani, duke theksuar se fajtorët për ngjarjen do të identifikohen dhe dënimi i tyre do të vijë në përputhje me ligjin. Ai shtoi se ky incident, që ka tronditur shtetin, do të hetohet me kujdes dhe nuk do të ketë asnjë tolerancë për ata që kanë shkelur ligjin.

“Fajtorët kanë emër dhe mbiemër, dhe sigurisht personat përgjegjës do të dënohen konform ligjit. E vërteta do të dalë në dritë dhe nuk do të lejojmë që ngjarje të tilla të përsëriten, si ato të kaluara, ku humbën jetë njerëzish dhe askush nuk dha llogari”, shkroi Durmishi.

Ministri theksoi se do të bëhet gjithçka që është e mundur për të bashkëpunuar me Prokurorinë, që të sigurohet se çdo person që ka shkelur ligjin dhe ka vënë interesat personale mbi sigurinë dhe jetën e qytetarëve, do të mbajë përgjegjësinë dhe do të marrë dënimin e merituar.

“Përgjegjësit do të mbajnë barrën e veprimeve të tyre. Qytetarët meritojnë të dinë të vërtetën dhe drejtësia duhet të vihet në vend. Nuk do të ketë tolerancë për ata që kanë shkelur ligjin”, përfundoi Durmishi.

Ish Ministri i Ekonomisë, Kreshnik Bekteshi, ndodhet në njërin nga stacionet e policisë në Shkup.

Bekteshi ndodhet në polici lidhur me tragjedinë në Koçan, ku nga zjarri që shpërtheu në diskotekën “Plus”, e kanë humbur jetën 59 persona, dhe mbi 155 janë të lënduar.
Siç deklaruan më herët ministri i Punëve të Brendshme Pançe Toshkovski, si dhe kryeministri Hristijan Mickoski, diskoteka “Plus” ka pasur licencë të falsifikuar të cilën e ka nxjerrë në vitin 2021.

Një qytetarë maqedonas nga Koçani është habitur me solidaritetin që kanë treguar shqiptarët për tragjedinë e sotme në Koçani.

“Ju shqiptarët e keni dëshmuar sot se e doni Maqedoninë njejt si ne. Gjatë ditës më telefonuar rreth 100 shqiptarë nga mbarë vendi dhe të gjithë kanë qarë në telefon”, është shprehur ai për TV Klan, përcjell INA.

Shiko videon:

https://www.facebook.com/share/p/19knzVaU94/