Kryetari i Komunës së Gostivarit, Valbon Limani, njëkohësisht anëtar i Kryesisë së Aleancës për Shqiptarët, ka deklaruar në një intervistë për Tv A2 në Tiranë se zgjedhjet lokale të tetorit 2025 do të jenë një moment kyç për skenën politike shqiptare në Maqedoninë e Veriut.

Ai paralajmëroi se opozita shqiptare, e bashkuar nën çatinë e Besëlidhjes Aleanca Kombëtare për Integrim, synon të arrijë një rezultat të jashtëzakonshëm.

“Sfida jonë është e qartë: të marrim numrin më të madh të komunave që sot drejtohen nga shqiptarët dhe të sjellim ndryshime reale në skenën politike. Besoj fort se kjo fitore do të reflektojë në të mirën e shqiptarëve në Maqedoninë e Veriut,” – tha Limani.

Duke analizuar gjendjen aktuale të politikës shqiptare, ai shprehu shqetësimin se ndarja e forcave politike shqiptare mund të rrezikojë humbjen e disa komunave kyçe.

Sipas tij, ky rrezik do të shmanget vetëm përmes një bashkimi të sinqertë dhe një platforme të qartë që i shërben interesit të përgjithshëm kombëtar.

Limani theksoi se fitorja në këto zgjedhje nuk do të jetë vetëm një sukses elektoral, por një mesazh i fortë për forcimin e barazisë, demokracisë dhe përfaqësimit të shqiptarëve në institucionet e vendit.

Emisioni i plotë https://youtu.be/7YsDrPbQwt4

Kryetari i Aleancës për Shqiptarët, z. Arben Taravari, në një konferencë për media ka shpalosur Pikën 5 të Platformës Kombëtare, e cila fokusohet në mbrojtjen e mjedisit, ekologjinë dhe zhvillimin e infrastrukturës moderne në komunat shqiptare.

Taravari theksoi se kjo pikë synon pastrimin e deponive ilegale, krijimin e sistemeve të riciklimit, mbrojtjen e ujërave dhe burimeve natyrore, si dhe përdorimin e energjive të ripërtëritshme.

Në planin e infrastrukturës, ai paralajmëroi investime në rrugë të rikonstruktuara me ndriçim LED, parkingje të organizuara, transport publik për nxënës e studentë, si dhe përmirësim të qasjes në zonat rurale. Taravari gjithashtu përmendi ndërtimin e tregjeve moderne me përparësi për bizneset familjare dhe lehtësira për prodhuesit e produkteve BIO, si dhe ruajtjen e arkitekturës tradicionale shqiptare.

“Motoja e kësaj pike është e qartë: Mjedis i pastër – Komunitet i shëndetshëm; Infrastrukturë moderne – Zhvillim i qëndrueshëm,” tha Taravari.

Kandidati i Aleancës Kombëtare për Integrim, Blerant Ramadani përmes një postimi nga ndarë momentet nga takimi i sotëm me shokët e gjeneratës nga Komuna e Sarajit, bashkëklasorët e gjimnazit “Zef Lush Marku” nga të cilët morri mbështetje dhe i siguroi se ta kthej në punë të ndershme, rezultate dhe respekt për çdo lagje e fshat, shkruan Top24

Takim që të mbush zemrën.
Sot u takova me shokët e gjeneratës nga Komuna e Sarajit, bashkëklasorët e gjimnazit “Zef Lush Marku”. Ndjesi e veçantë të ndjesh miqësinë që nuk plaket dhe besimin që të obligon. Faleminderit për përkrahjen tuaj të sinqertë për kandidaturën time—premtoj ta kthej në punë të ndershme, rezultate dhe respekt për çdo lagje e fshat. Me ju, vizioni për një Saraj më të zhvilluar e dinjitoz bëhet i mundur. Mirënjohës për çdo fjalë, çdo dorë dhe çdo buzëqeshje.