Grupimi politik VLEN dhe drejtuesi i tij Izet Mexhiti, të zhytur në afera ndërtimore me përfitime të paligjshme që kapin shifrën mbi 225 milionë euro vetëm nga ndërtimet e egra në Çair dhe kontratat e pista me oligarkët e industrisë së bixhozit, po heshtin qëllimisht ndaj manovrave të reja për të shtyrë miratimin e ligjit për lojërat e fatit.

Kjo heshtje është vetë prova e një pazari të heshtur, ku interesat personale dhe aleancat me lobe të fuqishme financiare janë vënë mbi premtimet që u bënë para qytetarëve. Të katandusur pas të mirave materiale, grupimi VLEN është zhytur në gjumë të thellë dhe FLEN kur flitet për mbrojtjen e qytetarëve.

Aleanca për Shqiptarët reagon me shqetësim ndaj tentativave të industrisë së bixhozit për të shtyrë miratimin e draft-ligjit të ri për lojërat e fatit për pas zgjedhjeve lokale.

Një kërkesë e tillë, që vjen nga Asociacioni i Organizatorëve të Lojërave të Fatit (APIS), nuk është asgjë tjetër përveçse një përpjekje për të shpëtuar një industri me ndikim të madh financiar dhe politik nga presioni i opinionit publik dhe nga përballja me të vërtetën e premtimeve që janë dhënë qytetarëve gjatë fushatës së fundit parazgjedhore.

Duke kërkuar që ligji të votohet vetëm pasi të përfundojë procesi zgjedhor, industria po përpiqet të blejë kohë, të fitojë hapësirë për negociata të mbyllura dhe të shmangë një ligj që në thelb e prek drejtpërdrejt sistemin që e ka mbajtur gjallë për dekada të tëra.

Aleanca për Shqiptarët është e qartë dhe e prerë në qëndrim se nuk e mbështet asnjë version ligji që nuk garanton mbylljen e plotë të industrisë së bixhozit në vend, ashtu siç është premtuar publikisht nga koalicioni VLEN dhe partitë përbërëse të tij.

Çdo tentativë për të rikompozuar këtë industri, për ta rilyer me fjalë teknike apo terma evropianë, është mashtrim ndaj votuesve dhe dorëzim para lobit të bixhozit, i cili për vite të tëra ka gjymtuar socialisht dhe ekonomikisht komunitetet tona.

Kërkesa që ligji të shtyhet për pas zgjedhjeve është sinjali më i qartë se në prapaskenë mund të ekzistojë një pakt i heshtur ndërmjet Qeverisë dhe kësaj industrie, për ta zbutur ose ndryshuar thelbin e ligjit pas momentit elektoral, duke shmangur kështu përballjen me publikun dhe me qytetarët që presin zbatim të fjalës së dhënë.

Aleanca për Shqiptarët kërkon publikimin e menjëhershëm të draftit të plotë të ligjit, përfshirje reale të qytetarëve dhe ekspertëve në debat, miratim të ligjit sa më parë, me përmbajtje që garanton mbylljen e pakushtëzuar dhe të pakthyeshme të të gjitha pikave të lojërave të fatit në afatin më të shkurtër të mundshëm.

Çdo vonesë është mashtrim. Çdo shtyrje është alibi. Koha për veprim është tani.

Aleanca për Shqiptarët

Shkruan: Rami Mislimi

Askush nuk do ta kishte imagjinuar që në zemër të Tetovës do të vinte Serbia. Nuk erdhi me tanke, por erdhi me para dhe me leje tê Bilall Kasamit.

Tetova qyteti i rezistencës, i demonstratave të 68-së, i themelimit të përgjakshëm të Universitetit të Tetovës, i luftës së 2001-shit ka qenë gjithmonë në ballë të ngjarjeve kombëtare.

Por sot, ajo Tetovë krenare nuk ekziston më. Sot, kemi përulur kokën. Sot, kemi shkelur mbi gjakun e të parëve tanë.

Tetovarët lejuan që Serbia të hyjë në mes të qytetit, për të dhuruar 800 mijë euro kryetarit Bilall Kasami atij që në fushata sillet me djalin e Adem Jasharit dhe fotografohet me Albin Kurtin.

Si t’ua shpjegojmë vëllezërve tanë në Kosovë se ndajmë dhimbjen me ta, kur nga ana tjetër pranojmë ndihma nga Serbia?

Si tu dalim përballë nënave të dëshmorëve, grave të dhunuara, fëmijëve pa prindër e baballarëve pa djem, ndërkohë që ne u përulemi atyre që shkaktuan këtë dhimbje?

Çfarë na duhej ky donacion, nëse çmimi i tij është historia dhe nderi i Tetovës?

Në Kosovë ende nuk është tharë gjaku i luftës. Ende ka gra të shpërngulura që jetojnë me plagët e pashëruara. E ne, ndërkohë, e lejojmë flamurin serb të valojë simbolikisht mbi Tetovên tonë?

Si e lejuam që Bilall Kasami të bëhet patriot natën duke kënduar për Adem Jasharin dhe ditën të marrë donacione nga shteti që e vrau Adem Jasharin?

Si pranuam ne terovarët që ai qê sjell Albin Kurtin për fotografi ditën të bëj pazare natën me Serbinë?

Bilall Kasami, nuk mund të jesh ditën patriot e natën tradhtar.

O je patriot, o je tradhtar! S’ka mes

Nuk mund të këndosh për Adem Jasharin dhe të përulesh para atyre që vranë Adem Jasharin!

Nëse po e bën për vota serbe, maqedone, atëherë thuaje. Nëse e do edhe një mandat merre, por mos e përdhos më emrin e Tetovës me para nga Serbia.

E tash, si ta quajmë Bilall Kasamin, kur për pak mijëra euro na shiti historinë dhe nderin?

Në emër të Bilall Kasamit, për vite me radhë, do të mbetet njolla e flamurit të Serbisë mbi Tetovên tonë. Dhe ai le të vazhdojë t’i këndojë Adem Jasharit.

Bilall, Tetova nuk ka nevojë për donacione të përgjakura dhe tetovarët nuk do ta falin kurrë!

Kryetari i Kuvendit të Aleancës për Shqiptarët, Nazim Taipi përmes një postimi ka theksuar se diskriminimi ekonomik ndaj shqiptarëve nuk luftohet me zëvendësime.

Duhet politika konkrete dhe vizion për punësim!
Qeveria aktuale VMRO–VLEN, për fat të keq, nuk po jep sinjale të vërteta për zgjidhjen e papunësisë në mesin e shqiptarëve. Pavarësisht retorikës politike, realiteti në terren flet ndryshe.
Prej muajsh, koalicioni VLEN është fokusuar thuajse tërësisht në zëvendësimin e vendeve të mbetura bosh pas largimit të kuadrove shqiptarë të ASH-së. Por ky proces nuk është punësim i ri, por riciklim i një kuote ekzistuese, që nuk ndikon në mënyrë domethënëse në uljen e papunësisë.
Të dhënat nga terreni flasin shumë qartë:
-> Shqiptarët nuk arrijnë as 10% të punësimeve të reja në institucionet publike.
-> Në shumë sektorë, punësimet e reja për shqiptarët janë ende zero.
Papunësia kërkon politikë të qartë ekonomike:
Politika fiskale aktive, Mbështetje për biznesin shqiptar, Investim në kapitalin njerëzor, Politikë monetare mbështetëse dhe garanci shtetërore për projekte që gjenerojnë punësime në komunat shqiptare me shkallë të lartë të papunësisë.
VLEN vazhdon me mashtrime!
Mjaft më me retorik boshe!