Connect with us

Lajme

Kryetari Limani paralajmëron 15 projekte me të cilat dukshëm do të përmirësohet infrastrukura rrugore e Gostivarit

Published

on

Komuna e Gostivarit ka aplikuar me 15 projekte në thirrjen prej 100 milionë euro që u shpallë nga Ministria e Vetëqeverisjes Lokale. Shumica e projekteve janë mbi infrastrukturën rrugore të qytetit, mesin e tyre edhe ndërtimin i një shëtitoreje të re në qendër të qytetit. Bëhet fjalë për rrugën “Koço Zozi” e cila lidh sheshin me filialin kryesorë të Postës në Gostivar. Kryetari Valbon Limani thotë se të gjitha projektet me të cilat kanë aplikuar, janë përpiluar sipas sandardeve që kërkohen dhe pret që të gjithë të pranohen.

“Si administratë e komunës së Gostivarit veçmë kemi përgatitur dhe bëhet fjalë për 15 projekte infrastrukturore. Kryesisht bëhet fjalë për rikonstruim dhe asfaltim të rrugëve në komunën e Gostivarit. Njëri prej projekteve që dua ta përmend është pjesa e Kimenasë së vjetër e cila do të shndërrohet në një shëtitore moderne. Besoj dhe shpresojë që këto projekte të realizohen deri në fund të vitit apo pranverën e ardhshme kur presim të ketë edhe një shpallje në të cilën gjithashtu do të aplikojmë me projektet që i kemi paraparë”, deklaroi Valbon Limani, kryetar i komunës së Gostivarit.

Kryetari Limani bëri të ditur se aktualisht është duke u punuar për rregullimin e kanalizimit në rrugën Zdunjë-Debresh. Gjatësia e tij prej mbi dy kilometra, rregullohet për herë të parë në këtë pjesë të qytetit, ndërsa pas mbarimit të tij, tashmë autoritetet lokale thonë se kanë siguruar mjete financiare edhe për asfaltimin e rrugës.

“Kanalizimi në rrugën Zdunjë-Debresh vazhdon dhe mendoj që për një kohë të shkurtër do të finalizohet ajo pjesë e cila kishte mbetur. Ndërkohë, unë në kontakt me Bankën Botërore dhe me kompaninë e cila filloi punimet në rrugën Zdunjë-Debresh, më treguan se javën tjetër fillon pjesa e mbetur e asfaltimit dhe besoj se deri në fund të vjeshtës edhe ajo do të kompletohet tërësisht”, deklaroi Valbon Limani, kryetar i komunës së Gostivarit.

Ditët në vijim pritet të fillojë edhe një projekt tjetër i rëndësishëm në infrastrukturën rrugore. Bëhet fjalë për bulevarin “Goce Dellçev”, i cili do të rikosntruohet dhe asfaltohet në të dyja anët e tij nga Pallati për Kulturë e deri te Stacioni i autobusave.

“Për kohë të shkurtë, ndoshta javën tjetër do të fillojë rikonstruimi dhe asfaltrimi i bulevrait ‘Goce Dellçev’, pjesa që e lidh nga Pallati i Kulturës deri te Stacioni i autobusave, pjesë e cila mendoj se ka nevojë për rikonstruim, ndërsa me 15 projektet që i përmenda në fillim, infrastruktura rrugore në qytet dukshëm do të përmirësohet”, deklaroi Valbon Limani, kryetar i komunës së Gostivarit.

Në këtë thirrje, kryetari Limani bëri të ditur se fokusi më shumë është vendosur në infrastrukrurën e qytetit, kurse thirrja e dytë e cila do të shpallet nga qeveria në fillim të vitit tjetër me vlerë 250 milionë euro, theksi do jetë në infrastrukturën e fshatrave.

Ndryshe, sot skadon afati ku komunat duhet të plotësojnë formularin e aplikimit për thirrjen publike të shpallur nga Ministria e Vetëqeverisjes Lokale. Pas marrjes së formularëve të aplikimit fillon procesi i vlerësimit, i cili pritet të përfundojë jo më shumë se 10 ditë dhe në bazë të tij ministritë përkatëse përgatisin propozimin për vendim se cilat projekte do të financohen nga dikasteret e tyre dhe Propozimi për vendim dorëzohet për miratim në seancë të qeverisë.

Mjetet do të ndahen përmes gjashtë ministrive përkatëse, përkatësisht: Ministrisë së Kulturës dhe Turizmit, Ministrisë së Transportit, Ministrisë së Politikës Sociale, Demografisë dhe Rinisë, Ministrisë së Arsimit dhe Shkencës, Ministrisë së Mjedisit dhe Planifikimit Hapësinor dhe Ministria e Sporteve.

Continue Reading

Lajme

Diskriminim në trajnimet për mësimdhënës: Seminari i Byrosë vetëm në maqedonisht, shqiptarët largohen

Published

on

By

PressOnline.al ka siguruar dëshmi ekskluzive që zbulojnë një skandal të rëndë institucional në sektorin e arsimit në Maqedoninë e Veriut. Bëhet fjalë për trajnimet e organizuara nga Byroja për Zhvillimin e Arsimit, të cilat këtë vit janë shndërruar në arenë të diskriminimit të hapur ndaj mësimdhënësve shqiptarë.

Burime të sigurta të redaksisë sonë, të konfirmuara me komunikime të brendshme të vetë pjesëmarrësve, flasin për një përjashtim të plotë të gjuhës shqipe nga seminarët, ndonëse të destinuara për arsimtarë shqiptarë. Trajnimet, të cilat deri më tani janë mbajtur në mënyrë të përbashkët dhe dygjuhëshe, këtë vit po mbahen ekskluzivisht në gjuhën maqedonase, pa ofruar as përkthim, as module në shqip, dhe as përfaqësues nga radhët e pedagogëve shqiptarë.

Kjo qasje përçmuese ka detyruar dhjetëra mësimdhënës shqiptarë të largohen nga seminari në shenjë revolte, duke refuzuar të marrin pjesë në një proces që jo vetëm i përjashton, por i nënçmon në mënyrë sistematike.

Në mesazhet që kanë mbërritur në redaksinë tonë, arsimtarët janë të qartë: “Ky nuk është trajnim, është dhunë institucionale ndaj gjuhës shqipe.” Ata kërkojnë që seminari të anulohet menjëherë dhe të organizohet sërish në gusht, me module të dedikuara në gjuhën shqipe dhe me trajnerë shqiptarë që njohin kontekstin kulturor dhe arsimor të shqiptarëve.(PressOnline.al)

Continue Reading

Lajme

ASH: VLEN-i hesht, Minçev paralajmëron “përfaqësim adekuat” në administratë vetëm sipas banorëve “rezident”!

Published

on

By

Ministri i Administratës publike, Goran Minçev sot ka goditur sërish partnerët shqiptarë të koalicionit, Mexhitin, Kasamin dhe Ibrahimin.

Në konferencë për shtyp në një vit qeverisje, Minçev sot paralajmëroi se në të ardhmen punësimet në administratën publike do të bëhen vetëm sipas numrit të banorëve “rezident” nga regjistrimi i vitit 2021 të popullatës edhe pse metodologjinë e ndarjes në “rezident” dhe “jo rezident” e shfuqizoi Gjykata Kushtetuese.

Aleanca për Shqiptarët paralajmron se me deklarimin e sotëm të Minçevit i cili vjen nga paria “ZNAM”, përfaqësimi i shqiptarëve nëpër institucionet publike gjatë punësimeve të ardhshme në vend të 29,5% do të ulet në 19%, gjë e cila edhe tashmë është duke ndodhur.

Pyesim publikisht përfaqësuesit e “VLEN” në këtë Qeveri monoetnike pse heshtin ndaj këtyre deklarimeve, kujtë i shërbejnë ata dhe çfarë fshihet pas gjithë kësaj, cili është pazari i Mexhitit, Kasamit dhe Ibrahimit me partitë maqedonase që janë në koalicion e me të cilat drejtpërdrejtë dëmtojnë Shqiptarët.

Aleanca për Shqiptarët rithekson që sa më shpejtë të sillet Ligji për Përfaqësim të Drejtë dhe Adekuat të cilin ua lamë të gatshëm dhe mos lejohet akoma që Shqiptarët të përjashtohen nga institucionet publike gjatë punësimit.

Poashtu, i bëjmë thirrje “VLEN”-it që në vend të konferencave qesharake për regjistrimin e vitit 2021 të cilin, një pjesë e tyre e kishin votuar, të marrin masa adekuate për të mbrojtur përfaqësimin adekuat të shqiptarëve.

Për këtë situatë diskriminuese ndaj shqiptarëve që u bënë kjo qeveri, Aleanca për Shqiptarët tashmë ka vendosur kontakte me të gjitha përfaqësitë diplomatike në vend nga të cilat kërkojmë ndërhyrjen e tyre sa më parë. Ndërkohë, i bëjmë thirrje përfaqësuesve shqiptarë në Qeveri të reflektojnë dhe mos lejojnë “Botën Serbe” të cilën e noton edhe Raporti i fundit nga KE-ja.

Aleanca për Shqiptarët

Continue Reading

Lajme

Kasami me koalicionin “Mozheme” i siguroi LSDM-së një deputetë! Tash për të garuar sërish për Tetovën, çfarë do ti sigurojë VMRO-së?

Published

on

By

Në vitin 2021, Bilall Kasami përpos që hyri në koalicionin “Mozheme” me LSDM-në, kësaj të fundit i fali edhe një mandat deputeti.

Kasami falë koalicionit parazgjedhor në vitin 2020 me Zoran Zaevin, fitoi katër mandate deputeti me Besën, ku bënte pjesë edhe ai vetë.

Por, në zgjedhjet lokale të vitit 2021 Kasami vendosi të garojë për kryetar komune në Tetovë. Mandatin e deputetit nuk e la derisa iu konfirmua fitorja atë vit në Tetovë, ku në këtë rast me votat e VMRO-DPMNE-së fitoi në Tetovë.

Pastaj, në nëntor të vitit 2021 në senscën e 51 të Kuvendit, siç shihet nga arkivat e parlamentit, ai e braktis mandatin e deputetit me çka LSDM fitoi një deputetë më shumë pasi në listën në Njësinë e Gjashtë Zgjedhore, pas Kasamit në koalicionin “Mozheme” vinte Dragolub Filiposki.

Kasami njihet për bashkëpunime kontroverse e të shpeshta me partitë maqedonase qoftë LSDM apo VMRO-DPMNE, bashkëpunime këto të cilat gjithmonë kanë rezultuar fatale për BESËN ose për Shqiptarët, ndërsa Kasami ka dalë fitues si karrierist politik që njihet. Ai, për të ruajtur pozitën e tij në parti, shkaktoi edhe përçarje në BESA me çka u krijua partia politike ALTERNATIVA.

Kasami shpesh është komentuar në publik edhe për paratë e dyshimta që siguronte ai për të financuar partinë që e drejton edhe sot e kësaj dite.

Në publik aktualisht flitet se çfarë interesi të tetovarëve ose të shqiptarëve do të shes që të garojë sërish për kryetar komune në Tetovë, dhe a do shitet te VMRO ose të LSDM. Megjithatë, Tetova e dy universiteteve tashmë nuk ia falë këto pazare Kasamit dhe në koaloare flitet se ai nuk do ta gëzon mbështetjen e tetovarëve.

Continue Reading

TOP Lajme