Connect with us

Lajme

Konkurset publike para zgjedhjeve, BDI: Tentativë e pushtetit për të mashtruar opinionin

Published

on

Bashkimi Demokratik për Integrim (BDI) ka reaguar ashpër ndaj hapjes së mbi 730 konkurseve publike në administratë, të cilat janë shpallur në prag të zgjedhjeve të tetorit. Sipas BDI-së, ky veprim nuk është gjë tjetër veçse një përpjekje e dëshpëruar për manipulim politik dhe blerje të përkrahjes elektorale.

“BDI e konsideron hapjen e mbi 730 konkurseve publike në prag të zgjedhjeve si një përpjekje të hapur dhe të dëshpëruar të Qeverisë për të manipuluar qytetarët dhe për të blerë përkrahje politike përballë humbjes së pashmangshme që e pret në tetor,” thuhet në deklaratën e lëshuar për mediat.

Sipas partisë, Qeveria aktuale po përpiqet të mbulojë një vit të plotë dështimesh, përfshirë mungesën e reformave, ngecjen në integrimet evropiane, dështimet në politikën e jashtme dhe mungesën e përparimit ekonomik.

“Pas një viti të dështuar në çdo drejtim, pa reforma reale, pa progres në integrimin evropian, pa zhvillim ekonomik, pa përmirësim të standardit jetësor dhe me dështime spektakolare në politikën e jashtme, kjo Qeveri po përpiqet të mbulojë dështimin me mjete të vjetra: punësime parazgjedhore në administratë,” thekson BDI.

Sipas tyre, konkurset që do të duhej të ishin instrument për ndërtimin e institucioneve funksionale, janë shndërruar në vegla elektorale, që synojnë të krijojnë iluzionin e një Qeverie aktive.

“Konkurset e shpallura janë të dizajnuara për të krijuar iluzionin e një Qeverie që ‘po punon’, kur në të vërtetë po dështon në çdo plan,” shton më tej partia.

BDI akuzon Qeverinë për mashtrim të drejtpërdrejtë të qytetarëve, duke i trajtuar ata si numra në fushatë, në vend që të ofrojë zgjidhje për problemet reale të shoqërisë.

“Kjo është një tentativë tjetër e radhës për të mashtruar qytetarët, për t’i trajtuar ata si numra në fushatë dhe për të siguruar mbështetje politike përmes interesit të ngushtë klientelist,” vijon deklarata.

Megjithatë, BDI shprehet e bindur se qytetarët nuk do të bien pre e këtij manipulimi dhe se zgjedhjet e ardhshme do të jenë një referendum popullor kundër Qeverisë aktuale.

“Zgjedhjet e ardhshme do të jenë një referendum i qytetarëve kundër kësaj politike manipuluese dhe të paaftë, një mundësi për të ndëshkuar keqqeverisjen, paaftësinë dhe arrogancën që po i kushton vendit vite të tëra stagnimi.”

BDI përfundon me një mesazh të qartë për pushtetin aktual:

“Asnjë konkurs i lënë i papërfunduar deri në zgjedhje nuk do të mund të rikthejë besimin e qytetarëve ndaj një pushteti që i ka tradhtuar pritjet dhe ka dështuar në çdo angazhim publik.”

“Qytetarët nuk manipulohen. Qytetarët gjykojnë. Dhe gjykimi do të jetë i qartë në tetor.” Flaka

Continue Reading

Lajme

Fushata e fundit e Ministrisë së Bujqësisë është fyerje për shqiptarët, reaguan nga ASH-ja e Taravarit

Published

on

By

Aleanca për Shqiptarët nga Arben Taravari ka reaguar në lidhje me fushatën e Ministrisë së Bujqësisë në Maqedoninë e Veriut. Ata fushatën “Më e mira maqedonase: tradita jonë, krenaria jonë”, transmeton Portalb.mk.

“Fushata e re e Ministrisë së Bujqësisë me sloganin “Македонско најдобро: Наша традиција, наша гордост” përbën një fyerje të hapur për qytetarët shqiptarë dhe për të gjitha komunitetet jomaqedonase në Republikën e Maqedonisë së Veriut”, reaguan nga ASH-ja.

Ata vlerësojnë se përmes fushatës me epitet “makedonsko”, bëhet përpjekje për ta shndërruar Maqedoninë e Veriut në një shtet monoetnik.

“Si mund të quhen “produkte maqedonase” domatet e Dibrës, djathi i Sharrit, lakra e Begovinës, qepa e Gostivarit, perimet e Likovës, rrushi i Vrapçishtit apo gruri i Karadakut, pa përmendur asnjëherë shqiptarët që i punojnë dhe i prodhojnë ato? Kjo është nacionalizëm institucional i ambalazhuar si promovim ekonomik”, deklaruan nga Aleanca.

Aleanca fajësoi zëvendësministrin Albrim Hoxhën se përmes heshtjes është bashkëfajtor.

“Koalicioni shqiptar në qeveri, që premtuan barazi dhe dinjitet, është zhdukur nga çdo reagim publik. Kur shqiptarët përjashtohen nga koncepti i identitetit prodhues dhe nga simbolet shtetërore, FLEN nuk thotë asgjë. Kur shteti përdoret për të promovuar vetëm një etni, FLEN sërish hesht”, deklaruan nga Aleanca.

Continue Reading

Lajme

Rexhepi: VLEN hoqi edhe përfaqësimin shqiptar nga Fondi Shëndetësor

Published

on

By

Bajram Rexhepi nga BDI ka dalë me reagim në lidhje me situatën në Fondin për Sigurim Shëndetësor, njofton Top24.mk

Ai thotë se me votimin e VLEN që në këtë Fond të hiqet përfaqësimi i shqiptarëve, është goditur barasia institucionale.

“Përjashtimi i shqiptarëve nga bashkëdrejtimi i Fondit për Sigurim Shëndetësor është goditje e drejtpërdrejtë ndaj barazisë institucionale.

Deputetët e VLEN-it zgjodhën të votojnë për një strukturë të centralizuar që heq përfaqësimin shqiptar në një nga institucionet më të ndjeshme të shtetit, Fondin për Sigurim Shëndetësor.
Për këtë nuk ka justifikim. Ka vetëm heshtje dhe servilizëm”, shkruan Rexhep

Continue Reading

Lajme

I burgosuri për rastin e Kumanovës, tani e 10 ditë nuk dërgohet në spital

Published

on

By

I burgosuri për rastin e Kumanovës, Nasuf Beqiri i cili vuan dënim me burg në Idrizovë, tanimë dhjetë ditë me radhë po përballet me mos trajtim nga stafi mjekësor i burgut, pasi ankohet për dhimbje të dhëmbit, përcjell Alsat.

Pas vizitës së familjes sot në burg, na njoftuan se Beqiri është me dhimbje të mëdha të dhëmbit ndërsa rrezikon që t’i përhapen edhe infeksione të tjera.

Beqiri ka kërkuar që të dërgohet në trajtim spitalor por nga burgu i janë përgjigjur se nuk ka policë të mjaftueshëm të cilët do ta organizonin transportin e tij deri në spital.

Nga burgu i kanë ofruar vetëm tableta të cilat familjarët thonë se nuk i ndihmojnë. Alsat dërgoi pyetje deri te Drejtoria për Kryerje të Sanksioneve për atë se pse i burgosuri Beqiri nuk dërgohet për trajtim mjekësor por nga atje asnjë përgjigje.(INA)

Continue Reading

TOP Lajme