Kandidati i Aleancës Kombëtare për Integrim për Komunën e Çairit, Bujar Osmani në fjalën e tij sonte para çairasve, ku i pranishëm ishte edhe kreu i BDI-së, Ali Ahmeti dhe eksponentë tjerë të AKI-së, përgëzoi idenë e bashkimit të shqiptarëve në një aleancë. Sipas Osmanit, AKI është bashkimi më i madh kombëtar që nga trupi koordinues i vitit 2001.

“Ju përgëzoj për guximin, tejkalimin e vetvetes, që na bëtë bashkë. Na bëtë bashkë shqiptarëve si asnjëherë më parë. Aso kohe (2001) kushtrimi nevojitej për ta sjell barazinë. Tash motra dhe vëllezër kushtrimi na nevojitet për ta mbrojtur barazinë, pasi jemi sfiduar si asnjëherë më parë. Jemi bërë bashkë faktori politik shqiptar, për të dhënë mesazhin se ne nuk do të lejojmë atë që na ka dhënë një gjeneratë me gjak e me mund ta zhdukim dhe ta zhbëjmë para gjeneratave që vijnë pas nesh”, tha Osmani.

Në fjalën e tij, Osmani ishte decid se në Çair, po ndodh diçka më shumë se një fushatë e zakonshme zgjedhore.

“Këtu është ngrit një lëvizje gjithëpopullore e rezistencës dhe e shpresës. Lëvizje gjithëpopullore e rezistencës ndaj përjashtimit, ndaj diskriminimit, kapjes për veshi, ndaj nënçmimit, që ne nuk e kemi përjetuar me dekada si popull, që prej para 24 vitesh.

Fitorja ime në Çair nuk është vetëm fitorja ime. Është fitorja e secilit qytetar të Çairit, i cili del dhe thotë ‘mjaftë më’. Mjaftë më, kësaj mënyrë të menaxhimit dhe udhëheqjes. Për shkak se ajo që jam duke vërejtur, njerëzit nuk janë duke e kërkuar ndërrimin e personave, kandidatin e BDI-së me veteranin BDI-së që sot shanë shpinë e vet. Njerëzit duan të ndërrojnë kulturën e qeverisjes, kulturën e uzurpimit, korrupsionit, keqmenaxhimit, dembelizmit dhe mospunës. Njerëzit duan të ndërrohet mënyra e qeverisjes dhe prandaj është ky mobilizim”, tha mes tjerash Osmani.

“Nëse ka një kontrast në këto zgjedhje – ajo është ndershmëria karshi korrupsioniot. Për shkak se nëse kam një kapital politik dhe njerëzo, e kam integritetin politik dhe nuk kam lejuar që gjatë karrierës si kirurg, por as karrierës si politikan, dikush të bëj me gisht te unë. Dhe, ky është aseti më i madh që e vendos para jush kur kërkoj mbështetjen – integritetin politik”, shtoi tutje Osmani.
Ai në fund porositi qytetarët të mos ndalen duke trokitur derë më derë, sepse sic tha Osmani, e drejta është në anën tonë.

Shkruan Medai Shaholli

Të bësh shqiponjën me duar në Tetovë nuk do të thotë shumë pasi Tetova është komunë me shumicë shqiptare, ku bandat e komitëve nuk arrijnë deri te salla e tubimit për ta ndaluar efendi Adnanin t’i “provokojë” ata me shqiponjën.

Të bësh shqiponjën sot në “Shirok Sokak” të Manastirit është guxim i madh, pasi duhet të përballesh me sulmet e zagarëve komitë ku mund të kafshojnë dhe të të lëndojnë, madje mund të përfundosh si qen i rrahur pa mbrojtje të policisë dhe të “državës” nga qentë langaraq që ajo i ndërsen kundër shqiponjave që shfaqin identitetin e tyre në qytetin e Alfabetit.

Të bësh shqiponjën në një qendër shqiptare si Tetova është e lehtë, por t’i mbosh shqiptarët në Manastir nuk është aspak e lehtë, pasi përballesh me shovinizmin shtetëror dhe ti rri duarkryq në kolltuqet e buta qeveritare të pallatit të bardhë si dekor dhe kozmetikë para ndërkombëtarëve.

Vredistët në qeverinë e koalicionit janë numra të parëndësishëm të cilët i ngrejnë kartonët e gjelbër kundër vullnetit të tyre.

Për me shumë, ata janë rrota rezervë e qeverisë së koalicionit që mund të zëvendësohen me cilindo subjekt politik kur t’i teket kryekomitit Micko

Pozicion i shqiptarëve me ardhjen e VREDI-t në pushtet në vend që të forcohej ai po baltoset dhe denigrohet, ku asgjë nuk duket në horizont nga ndryshimi i paralajmëruar nga vredistët, përkundrazi ata e lumosën dhe katranosën dinjitetin shqiptar dhe pozitën e shqiptarëve edhe më keq duke na trajtuar si nomadë shkretëtirave jashtë civilizimit dhe qytetërimit europian.

Lëreni shqiponjën të fluturoj lart dhe i dilni zot atyre djemve dhe vajzave që identifikohen me shqiponjën në Manastir apo në ndonjë qytet tjetër sepse mbrojtja e identitetit kombëtar është përgjegjësi dhe detyrë e juaja para qytetarëve shqiptarë si pjesë e kupolës qeveritare.

BDI ka vazhduar me akuza se pushteti dëshiron të zhbëj Marrëveshjen e Ohrit dhe në këtë mënyrë të cenojë karakterin multietnik të shtetit. Nënkryetari i BDI-së Arbër Ademi vlerëson se deklaratat e fundit të përfaqësuesve të Qeverisë për revidimin e Badenterit nuk janë të rastësishme, por janë pjesë e planit për të hequr këtë mekanizëm që është bazë e Marrëveshjes së Ohrit.

“Shfuqizuan Balancuesin, duke cenuar përfaqësimin e drejtë të shqiptarëve dhe komuniteteve tjera, nuk respektuan ligjin për gjuhët duke dobësuar inspektoratin dhe agjencinë për zbatimin e gjuhës shqipe dhe duke lejuar që mbi njëqind institucione të injorojnë gjuhën shqipe. Fshinë diasporën shqiptare nga përfaqësimi politik dhe ia dorëzuan implementimin e Marrëveshjes paqësore të Ohrit, figurave me qëndrime të hapura anti-shqiptare dhe anti-perëndimore, siç është Ivan Stoillkoviç”, theksoi Ademi një press-konferencë nga selia e BDI-së.

I njëjti plan, sipas Ademit, po avancon në zhbërjen e mekanizimit të Badenterit, sipas të cilit, deklaratat e Dimitrievskit dhe Fillkovit janë me miratim të plotë të kryeministrit Hristijan Mcikoski. Ai akuzoi VLEN-in se po hesht dhe në një farë mënyre po legjitimon politikat diskriminuese ndaj shqiptarëve

“Këto ide po manifestohen qartë nga njëra anë përmes goditjes ndaj Marrëveshjes së Ohrit dhe mekanizmave kushtetues, ndërsa nga ana tjetër nëpërmjet bllokimit të rrugës evropiane dhe izolimit të shtetit. Ky plan po realizohet sepse qeveria ka gjetur disa pa legjitimitet, të cilët për një pozicion janë të gatshëm të heqin dorë nga gjithçka që ka vlerë për shtetin multietnik dhe unitar. Po përballemi me rrezik të lartë që synon ta kthejë vendin prapa”, theksoi Ademi, i cili tha se e vetmja mënyrë për ta ndalur këtë plan është vota e shqiptarëve më 19 tetor.

“Sot, më shumë se kurrë, jemi dëshmitarë të përhapjes së ideve të rrezikshme që pretendojnë se shtetet multietnike nuk funksionojnë dhe që kërkojnë ndërtimin e shteteve të pastra etnike. Këto ide po manifestohen qartë: nga njëra anë përmes goditjes së Marrëveshjes së Ohrit dhe mekanizmave kushtetues, nga ana tjetër përmes bllokimit të rrugës europiane dhe izolimit të vendit. Ky plan po realizohet sepse qeveria ka gjetur disa pa legjitimitet që, për një pozicion, janë të gatshëm të heqin dorë nga gjithçka që ka vlerë për shtetin multietnik dhe unitar. Po përballemi me një rrezik të madh që synon ta kthejë vendin mbrapa. Por këtë rrezik do ta ndalë vota e qytetarëve. Më 19 tetor, shqiptarët do të tregojnë se barazia nuk negociohet dhe Marrëveshja e Ohrit nuk cenohet”, tha Ademi.