Deputetja e Alternativës Emërlije Saliu përmes një preskonference ka reaguar ndaj parades së krenarisë që mbahet në Shkup. Ajo që u vërejt është se deputetja Saliu doli në preskonferencë si deputete e Alteranativës e jo e VLEN-it.

Jozyratrisht mësohet se Alternativa do të largohet nga Qeveria brenda javës së ardhëshme. Këtë e paralajmëroi edhe lideri i BDI-së ku tha se brenda javës së ardhëshme pret zhvillime që do ti përshëndesën gjithë shqiptarët, shkruan Top24

Analisti politik Zudi Xhelili ka reaguar ashpër ndaj, siç e cilëson ai, politikës së qëllimshme të përjashtimit të shqiptarëve nga skena politike dhe institucionale në Maqedoninë e Veriut. Sipas tij, fushata për të rikthyer të ashtuquajturën “krenari maqedonase” është zhvilluar në kurriz të çdo arritjeje shqiptare ndër vite.

“Angazhimi i tyre për të rikthyer të ashtuquajturën ‘krenari maqedonase’ u bë në kurriz të çdo arritjeje shqiptare ndër vite. Kjo politikë e hapur antishqiptare nëpërkëmbi partnerët shqiptarë dhe ndikoi t’i copëtojë ata, duke i shndërruar në figura pa ndikim,” u shpreh Xhelili.

Ai shtoi se ky diskriminim nuk ka kaluar pa u vënë re nga faktorët politikë, si vendorë ashtu edhe ndërkombëtarë.

“Ky guxim për diskriminim dhe nënçmim ndaj shqiptarëve nuk kaloi pa u vënë re, ai ra në sytë e të gjithë aktorëve politikë, si vendorë ashtu edhe ndërkombëtarë,” theksoi ai.

Sipas tij, veprimet e tilla kanë prodhuar edhe kundërveprime të natyrshme dhe të domosdoshme.

“Me vendosmëri dhe guxim, Arben Taravari dhe Aleanca për Shqiptarët morën vendimin për t’ia lëshuar qeverinë Mickoskit, duke zbehur legjitimitetin e saj dhe duke bllokuar funksionimin normal të Kuvendit, veçanërisht mekanizmin e Badenterit,” deklaroi Xhelili.

Në fund, ai theksoi se historia ka treguar se nuk mund të manipulohet me një popull të tërë.

“Ja një mësim i nxjerrë: mund të manipulohet me individ, por jo me një popull. Përpjekjet e Mickoskit për të nënvlerësuar shqiptarët do të dështojnë, sepse shqiptarët nuk harrojnë as të kaluarën, as dinjitetin e tyre,” përfundoi analisti Zudi Xhelili.

Ngritja e Arben Fetait në VLEN, gjegjësisht si drejtues i këtij koalicioni pengohet vazhdimisht nga Adnan Azizi i Lëvizjes Besa, i cili është zgjedhur për shef shtabi i VLEN për zgjedhjet lokale.

Pa deklarime publike, por pas shpine duke punuar Azizi vazhdimisht bëhet barrierë për të shfaqur Arben Fetain si figurë lidershipi në VLEN. Kjo më së miri dëshmohet me pozitat që i takojnë Fetait në ekzekutiv e të cilat i pengon Azizi duke urdhëruar emërime të kuadrove nga Besa prej nga vjen vetë ai ose LD-ja e Izet Mexhitit.

Fetai si zëvendës kryeministër në Qeveri dhe duke i qëndruar besnik VLEN-it, nuk e braktisi atë pavarësisht që ASH-ja doli nga kjo qeveri. Fetai shpesh e ka arsyetuar dhe argumentuar vendimin e tij dhe rrugëtimin politik, por kjo gjë siç duket nuk i merret për bazë nga partnerët e tjerë të koalicionit, ndërsa pengesë kryesore për të bëhet Adnan Azizi.

Kujtojmë se VLEN kishte premtuar të shkrihet në një parti politike dhe një nga figurat përbashkuese për të udhëhequr atë është përmendur shpesh në opinion emri i Arben Fetait.