Kandidati i AKI-së për komunën e Çairit, Bujar Osmani, në një intervistë për ZYRTARE.net e ka përshkruar situatën aktuale politike në këtë komunë si një sfidë për shqiptarët, duke e lidhur atë me “eksperimentin” e kryeministrit Hristijan Mickoski.

“Çairi paraqet paradigmën e shqiptarëve dhe shqiptarëve të Mickoskit, apo eksperimentit të Mickoskit. Sepse, nëse kjo betejë zhvillohet me VLEN-in, ne do ta fitojmë VLEN-in, por Mickoski do të krijojë edhe një VLEN tjetër, edhe një zgjatim tjetër, një instrument tjetër. Ne në thelb duam të parandalojmë idenë se kryeministri që mund të definojë skenën politike shqiptare,” tha Osmani.

Osmani tha se në Çair do të ngrihet flamuri siç tha i fitores kundër defaktorizimit të shqiptarëve./ZYRTARE.net/

Shefi i shtabit zgjedhorë të AKI-së, Faton Ahmeti njëherit dhe sekretar i plrgjithshëm i BDI-së përmes një postimi ka përshkruar përkushtimin e Bajram Rexhepit gjatë punës për ndërtimin e gazsjellësit ku Rexhepi ishte çdo ditë në takim me qytetarët për të gjetur zgjidhje për duke i çuar punët përpara, shkruan Top24

Ahmeti më tej shtom se “Jam i bindur se kështu do të jetë edhe për Tetovën. Pranë qytetarëve, në çdo lagje dhe fshat, me përkushtim dhe me zemër.
Sepse i tillë është Bajrami. I afërt, punëtor dhe njerëzor.”

Faton Ahmeti

Me Bajramin njihemi prej kohësh.
Në kohën kur menaxhonte ndërtimin e gazsjellësit e shihja çdo ditë me njerëzit, duke dëgjuar, duke gjetur zgjidhje, duke i çuar punët përpara. Nuk kishte ditë pa takim, pa angazhim, pa rezultat.

Jam i bindur se kështu do të jetë edhe për Tetovën. Pranë qytetarëve, në çdo lagje dhe fshat, me përkushtim dhe me zemër.
Sepse i tillë është Bajrami. I afërt, punëtor dhe njerëzor.

#AleancaKombëtarePërIntegrim
#bashkëPërTetovën

Dikur e akuzonte rëndë, e quante të paaftë dhe i rrëzoi shumicën në Këshillin e Komunës së Tetovës, duke bërë që qytetarët në vend të pushimeve verore të përfshiheshin në fushatë zgjedhore. Këto ishin disa nga akuzat që kreu i sotëm i Alternativës, Zeqirja Ibraimi, i adresonte dikur tashmë partnerit të tij në koalicionin VLEN, Bilall Kasamit shkruan Tetovasot.

Të dy dikur ishin pjesë e një partie, por më pas u ndanë, për t’u ribashkuar sot në një koalicion të përbashkët. Megjithatë, kujtesa politike është ende e freskët.

Ibraimi, në kohën kur Tetova drejtohej nga Kasami, ngrinte pyetje të forta: “Kur vjen në Tetovë e sheh se ky qytet ende nuk ka ujë, ende nuk ka parkingje, ka plot qen në rrugë, ka mbeturina që askush nuk i mbledh, ka gropa kudo dhe mbi të gjitha, ka korrupsion. Këta që erdhën, çfarë ndryshuan nga ata që ikën?”

Sipas tij, i vetmi ndryshim ishte tek listat e kontratave: në vend të militantëve të BDI-së, aty ishin futur një numër i madh banorësh të fshatit Llercë.

Sot, megjithë këtë histori akuzash e përplasjesh, Ibraimi dhe Kasami ndajnë të njëjtën front politik nën ombrellën e VLEN-it.Tetovasot