Deputetja e Bashkimit Demokratik për Integrim, Rina Ajdari theksoi se tetovarët sot takuan Bajram Rexhepin ku shpërfaqën qartë se çfarë vlerësojnë dhe si duan ta shohin qytetin. Kandidati ynë për kryetar komune, Bajram Rexhepi, u prit me respekt dhe dashamirësi nga qytetarët, duke dëshmuar se besimi dhe shpresa janë në anën e tij, shkruan Top24

Rina Ajdari

Sot tetovarët shpërfaqën qartë se çfarë vlerësojnë dhe si duan ta shohin qytetin. Kandidati ynë për kryetar komune, Bajram Rexhepi, u prit me respekt dhe dashamirësi nga qytetarët, duke dëshmuar se besimi dhe shpresa janë në anën e tij.

Energjia, vizioni dhe përkushtimi i tij për zhvillimin e Tetovës janë arsyeja pse gjithnjë e më shumë qytetarë shohin tek ai njeriun që do të rregullojë çdo cep të qytetit dhe do të gjejë zgjidhje për çdo problematikë.

Ky respekt i treguar sot është vetëm fillimi i mbështetjes së madhe për Bajram Rexhepin. Një kandidat që e njeh mirë qytetin dhe që është i gatshëm të punojë për të gjithë, pa dallim. #alenancakombëtarepërintegrim.

Nuk bëhen rahat në VLEN, portali TS ka mësuar nga burime të besueshme brenda VLEN-it se ka një përplasje të madhe mes Arben Fetahut dhe Azir Aliut. Siç mëson TS, Arben Fetahu ka kërkuar nga ministri i Shëndetësisë Azir Aliu që të “shajë” Ali Ahmetin dhe BDI-në, të mos sillet si ministër i huaj, por ai nuk ka pranuar që të përdorë një fjalor të tillë ndaj kreut të BDI-së.

“Zv.kryeministri Arben Fetahu ka kërkuar nga Azir Aliu që të përdorë një fjalor më ndryshe, apo siç thonë ‘sharje’ ndaj BDI-së dhe Ali Ahmetit, por ai nuk ka pranuar, për shkak të natyrës së tij, dhe nuk do ta bëjë asnjëherë një gjë të tillë”, thonë burime të besueshme brenda VLEN-it për portalin TS.
Sipas tyre, Azir Aliu ka pranuar të udhëheqë me Ministrinë e Shëndetësisë, e jo luftën kundër BDI-së dhe Ali Ahmetit.

Nga ana tjetër, Azir Aliu publikisht e ka pranuar se ka qenë ura e komunikimit mes ASH-së dhe BDI-së, para se të largohej Arben Taravari nga qeveria. Kjo ndoshta mund të jetë edhe një nga arsyet pse Azir Aliu nuk përdor një fjalor të tillë ndaj Ali Ahmetit.

Vlen të theksohet se VLEN ka mosmarrëveshje edhe me VMRO-në, pasi ditë më parë, kryeministri Mickoski kritikoi ashpër edhe Bilall Kasamin dhe ofendoi shefin e shtabit të VLEN-it, Adnan Azizin, për çka ende nuk ka asnjë reagim në lidhje me ofendimet që u bënë nga partneri i tyre i koalicionit, gjegjësisht kryeministri Hristijan Mickoski.

Ndryshe, zgjedhjet do të mbahen më 18 tetor, dhe në anketat e fundit, si dhe në anketën e IRI-it të publikuar në portalin TS, ku AKI-ja kishte mbështetje prej 14%, ndërsa VLEN me 5%, është bërë dukshëm edhe orientimi i shqiptarëve në rrugën e besëlidhjes shqiptare, duke braktisur VLEN-in për shkak të heshtjes së tyre ndaj VMRO-së. Dhe sipas anketave, i bie që shumicën e komunave shqiptare t’i fitojë AKI-ja.

Shoqata e Gazetarëve të Maqedonisë (SHGM) dhe Sindikata e Pavarur e Gazetarëve dhe Punonjësve të Medias (SPGPM) shprehin shqetësim serioz për shkak të sjelljes së pahijshme dhe joprofesionale ndaj gazetareve gjatë një ngjarjeje publike në Shkup, ku ishte i pranishëm ministri i Shëndetësisë, Azir Aliu, së bashku me personin përgjegjës për protokollin nga ministria.
Komunikimi i papërshtatshëm nga ana e punonjëses së ministrisë, e ngarkuar për protokollin, ka ndodhur pasi një grup gazetarësh e kanë lutur për deklarata, por nga ajo kanë marrë përgjigje se nuk mundet, ndërsa njërës nga gazetaret iu drejtua me fjalët: “Gazetare e paedukatë, arrogante dhe më e pacipë”.

Ne konsiderojmë se një sjellje e tillë është e papranueshme dhe e papërshtatshme dhe përbën një goditje serioze ndaj dinjitetit të gazetarëve, lirisë së shprehjes dhe të drejtës së publikut për t’u informuar. Mungesa e sanksioneve për incidente të tilla mund të krijojë rrezik për përsëritjen e sjelljeve të ngjashme nga ana e shërbyesve të tjerë publikë.

Njëkohësisht, e përshëndesim gjestin e solidaritetit të gazetarëve dhe punonjësve të tjerë të medias që kanë qenë të pranishëm aty dhe, të revoltuar nga sjellja e pahijshme, e kanë lënë ngjarjen në mënyrë kolegiale.

SHGM dhe SPGPM u bëjnë apel Ministrisë së Shëndetësisë që urgjentisht ta rishqyrtojë këtë rast dhe të sigurojë masa të duhura për sjellje profesionale të të gjithë shërbyesve publikë ndaj mediave. Kjo është me rëndësi thelbësore për mbrojtjen e të drejtës së gazetarëve për qasje në informata me interes publik dhe për ruajtjen e besimit në institucione.