Lajme

Ja kush janë 15 kompanitë shtetërore që për 3 muaj humbën 16 milionë euro

Published

7 hours ago

09.09.2025

Admin01

Pesëmbëdhjetë kompani shtetërore në Maqedoninë E Veriut, ndërmarrje publike dhe shoqëri aksionare në pronësi të shtetit kanë gjeneruar 16 milionë euro humbje vetëm në tre muajt e parë të këtij viti.

Të dhënat e reja nga Ministria e Financave për punën financiare të gjithsej 29 kompanive shtetërore tregojnë se 15 prej tyre kanë rezultuar me bilanc negativ, ndërsa 14 kanë punuar me fitim. Praktikisht, gjysma e ndërmarrjeve dhe shoqërive aksionare në pronësi të shtetit po funksionojnë me humbje.

Humbjen më të madhe prej 45.2 milionë eurosh e ka raportuar AD Elektranat e Maqedonisë së Veriut. Në vend të dytë është NP Pyjet Kombëtare me minus 2.5 milionë euro, ndërsa e treta është NP Hekurudha – Infrastruktura me 2.2 milionë euro humbje, përcjell INA.

Në listën e kompanive me bilanc negativ hyjnë edhe AD Posta e Maqedonisë së Veriut me gati 1 milion euro humbje dhe AD M-NAV me rreth 900 mijë euro minus.

Nga ana tjetër, fitimin më të madh e ka raportuar NP për Rrugët Shtetërore – Shkup me 31.1 milionë euro, pasuar nga AD MEPSO me 7.2 milionë euro dhe AD Lotaria Shtetërore e Maqedonisë së Veriut me 2.1 milionë euro fitim.(INA)

Lajme

Vetëvendosje kopjon llogon dhe moton e AKI “Bashkë”

Published

2 hours ago

09.09.2025

Admin01

Lëvizja Vetëvendosje ka kopjuar slloganin dhe llogon e Aleancës Kombëtarw për Integrim për fushatën e zgjedhjeve lokale. Me duar të shtrënguara dhe me slloganin “BASHKË” edhe koalicioni i udhëhequr nga Albin Kurti do të garojë në tetor në zgjedhjer për kryetarë dhe asambleist të komunave.

Shtrëngimi i duarve ka qenë edhe simbol i fushatës së Frontit Europian në zgjedhjet parlamentare në Maqedoninë e Veriut të vitit 2024, ndërsa më 18 Gusht, Aleanca Kombëtare për Integrim promovoi për herë të parë llogon e re dhe slloganin #BASHKË. Ndërkaq, tre javë më vonë Lëvizja Vetëvendose promovon moton e njëjtë me simbolin e njëjtë 🤝.

Lajme

Qytetarët: “Nga Kondova fillon epoka e ndryshimit për Sarajin me Blerandin” (Video)

Published

2 hours ago

09.09.2025

Admin01

Gara për Sarajin dhe ëndrra e tyre që komuna të shndërrohet në një qendër turisitke është një shpresë e madhe për qytetarët e kësaj komune. Portali TS sot ka zhvilluar një anketë me qyteatët e Kondovës së Sarajit për të bashkëbiseduar se si e njohin kandidatin Blerand Ramadanin nga AKi-ja?

“Ai është super talent, është i shkolluar” tha një qytetarë. “E meriton të jetë kryetar komune në Saraj është tepër i mirë nuk e ka askush shkollën sa ka ai” thotë një banorë tjetër.

Nga ana tjetër kur vendasit të japin mbështetje të madhe, atëeher edhe fitoja është e lehtë.

Edhe në anketat e fundit që ka portali TS, Blerand Ramadani është në epërsi të madhe ndaj kundërkandidatit të tij,

Dëgjoni çka thonë qytetarët.

Lajme

RMV, shtrenjtohen çmimet e derivateve të naftës

Published

3 hours ago

09.09.2025

Admin01

Komisioni Rregullator për Energjetikë (KRRE) solli vendim, me të cilin bëhet rritja e çmimeve të shitjes me pakicë të derivateve të naftës, mesatarisht për 0,46 % në raport me vendimin e datës 01.09.2025.
Nga data 10.09.2025 nga ora 00:01 çmimet maksimale të derivateve të naftës do të jenë:

EUROSUPER BS – 95 76,00 (denarë/litër)
EUROSUPER BS – 98 78,00 (denarë/litër)
EURODIZEL BS (D-Е V) 69,50 (denarë/litër)

Vaj për djegie Ekstra i Lehtë 1 (EL -1) 69,00 (denarë/litër)
Mazut М-1 SU 37,148 (denarë/kilogram)

Çmimet e shitjes me pakicë të benzinës EUROSUPER BS – 95 dhe EUROSUPER BS – 98 si dhe të EURODIZEL (D-E-V) dhe të Vajit Ekstra të Lehtë për amvisëri (EL-1) rriten për 1,00 den/litër.

Çmimi i shitjes me pakicë të Mazut M-1 SU ulet për 1,245 den/kg dhe tani do të jetë 37,148 den/kg. Theksojmë se këto janë çmimet maksimale të derivateve të naftës që nga ora 00:01 e datës 10.09.2025.