Sonte 26 Qershor, Aleanca për Shqiptarët, ka paralajmëruar një tubim madhështor në Qendrën për Kulturë në Gostivar, duke filluar nga ora 20:00. Me thirrjen simbolike “Mblidhemi në Gostivar!”, partia fton përkrahësit të bëhen pjesë e një ngjarjeje që synon të përcjellë jo vetëm energji, por edhe drejtim të qartë politik.

Kryetari i ASH-së, Arben Taravari, do të mbajë një fjalim që pritet me interes të madh, në një moment kur partia është duke rishkruar rolin e saj në arenën politike shqiptare. Burime nga brenda partisë bëjnë të ditur se Taravari do të paraqesë elemente kyçe të platformës së re politike, do të japë qëndrime për rreshtimet e mundshme politike dhe do të adresojë pritshmëritë e qytetarëve për një përfaqësim më dinjitoz.

Gostivari n’💜 – 26 Qershor, ora 20:00, Qendra për Kulturë. Aleanca po thërret!

Keqpërdorimi i punësimeve dhe i dinjitetit të të punësuarve për qëllime propagandistike dhe parazgjedhore ka marrë përmasa të skajshme dhe të papranueshme. Përfaqësuesit e VLEN-it, në mungesë të rezultateve konkrete, po përpiqen të maskojnë dështimet e përditshme përmes një fushate të turpshme dhe të pamoralshme, duke shfrytëzuar në mënyrë të paskrupullt edhe ato pak punësime – kryesisht me kontrata në vepër.

Ditëve të fundit, jemi dëshmitarë të një sjelljeje të papërgjegjshme nga eksponentë të këtij koalicioni, të cilët publikojnë fotografi me persona të sapopunësuar, duke shkelur rëndë privatësinë, dinjitetin dhe integritetin e tyre. Këto publikime bëhen me një qëllim të qartë: krijimin e një iluzioni për përfaqësim dhe progres, ndërkohë që realiteti është krejtësisht ndryshe – një vazhdimësi e skemës diskriminuese famëkeqe “20 me 0” në favor të maqedonasve dhe në dëm të shqiptarëve.

Në mënyrë të paturpshme, nuk merret aspak parasysh se këta qytetarë janë nëna, gra, motra, prindër, burra apo vëllezër të dikujt. Ekspozimi i tyre publik shpesh paraqitet si kusht për punësim – një praktikë poshtëruese që flet shumë për nivelin e ulët moral të kësaj qeverisjeje. Rastet ku fytyrat në fotografi mjegullohen pas reagimeve të familjarëve janë dëshmi e gjallë e kësaj situate skandaloze.

Roli që përpiqen të marrin përfaqësuesit e VLEN-it – si “mbretër” ndërsa qytetarët si “robër” – dëshmon qartë rënien e thellë të standardeve morale e institucionale në radhët e tyre. Të vetëdijshëm për dështimet e veta, ata përpiqen t’i maskojnë ato përmes propagandës dhe manipulimit të statistikave.

Aleanca për Shqiptarët u bën thirrje drejtuesve të këtij grupacioni politik që menjëherë të ndalojnë këtë formë të shantazhit ndaj qytetarëve dhe të heqin dorë nga keqpërdorimi i tyre për qëllime propagandistike.

Në vend që të publikojnë fotografi të inskenuara për të fshehur dështimet, le të përballen me të vërtetën: me partnerët e tyre qeverisës që çdo ditë i nëpërkëmbin shqiptarët, dhe me “padronin” e tyre politik, i cili ka shpërblyer antishqiptarin Petar Bogojeski me poste dhe grada. Le ta pyesin hapur: për çfarë kontributesh u shpërblye përfaqësuesi i partisë ekstremiste “Koncepti Maqedonas”?

Shqiptarëve nuk u shërbehet as duke i trajtuar si “mish për top” për një vend pune, e as me ligje të hartuara nga nacionalistë të njohur si Tanja Karakamisheva-Jovanovska. Këto janë poshtërime, jo politika përfaqësuese.

Qytetarët e kanë kuptuar tashmë këtë lojë të rrezikshme. Përgjigjja do të jetë e qartë dhe e vendosur në zgjedhjet e tetorit – me një votë ndëshkuese ndaj atyre që i përdhosën vlerat, i tradhtuan interesat shqiptare dhe u bënë fasadë e koalicionit më të padrejtë që ka njohur pluralizmi politik në vend, përfundojnë reagimin e tyre nga Aleanca për Shqiptarët.

Nga Medai Shaholli

Dje pas miratimit të ligjit për Përfaqësim të Drejt dhe Adekuat nga qeveria, vredistët janë shprehur të ekzaltuar se “Pas dekadash me premtime boshe, vonesash dhe manipulimesh, dje ishte një ditë historike për barazinë dhe drejtësinë në Maqedoninë e Veriut. Qeveria e VLEN miratoi Ligjin për Përfaqësim të Drejtë dhe Adekuat, një akt thelbësor që garanton zbatimin kushtetues të parimit të përfaqësimit të drejtë në institucionet shtetërore”.

Me këtë rast nuk ka vonuar edhe reagimi i premierit Micko, i cili ia ngriu buzëqeshjen në buzë vredistëve i cili tha:
” Ligji është për të gjithë qytetarët dhe garanton që përfaqësimi në institucionet publike do të bazohet në përgatitjen profesionale dhe jo në përkatësinë politike apo etnike”!

Kjo ishte dërrma që i dha ai këtij ligji që vredistët e proklamuan si ligji që do të sillte përfaqësim të drejtë të shqiptarëve në administratën publike dhe jo vetëm.
Pas këtij reagimi të kryekomitit Micko, një heshtje varri mbretëron në kampin e vredistëve, të cilët e proklamuan me shumë popmpozitet këtë ligj, por që së fundmi i doli era e qelbur kësaj loje me shqiptarët, sepse ky ligj do shërbente në Institucionet publike në bazë të përgatitjes profesionale dhe jo sipas përkatësisë etnike!

Kjo ishte loja e ndyrë e këtij palo ligji që nuk i shërben shqiptarëve, por që u sajua nga vredistët për gjoja Përfaqësim të Drejtë të bashkësive etnike në administratë, ashtu siç na e shitën vredistët, ku kreu i komitëve Micko i hodhi poshtë këto pretendime si ligj për Përfaqësim të Drejt që nuk do t’i shërbente bashkësive etnike por përgatitjes profedionale të kuadrove.

Së fundmi, doli në shesh edhe një gënjeshtër e stisur nga VREDI për ndryshimin që do të ndodhte me këtë palo ligj, i cili nuk do t’i shërbej përfaqësimit të drejt të shqiptarëve, por kuadrove profesionistë që do të thotë se do t’i shërbej kampit tjetër etnik.