Gjysmëmaturantët të cilët në afatin e parë në qershor para dhjetë ditëve nuk u regjistruan në shkollat e mesme për vitin shkollor 2025/2026, do të kenë mundësinë e dytë për t’u regjistruar në paraqitjen e dytë elektronike këtë muaj – të hënën, më 30 qershor. Dokumentacioni i nevojshëm në shkolla do të dërgohet ditën e ardhshme (1 korrik), ndërsa ranglista e nxënësve të regjistruar do të kumtohet më 2 korrik deri në orën 12:00.

Sipas të dhënave të Ministrisë së Arsimit dhe Shkencës nga shkollat, për paraqitjen e dytë të qershorit, të lira janë 16 034 vende – 10 758 për mësim në gjuhën maqedonase, 4781 në gjuhln shqipe, 474 në gjuhën turke dhe 21 vende të lira për mësim në gjuhën serbe. Për arsim të mesëm gjimnazial ka 3727 vende të lira dhe 12 307 për arsim profesional.

Pas aplikimit të parë, të mbajtur nga 14 deri më 17 qershor, gjithsej u regjistruan 13 712 nxënës nga 16 601 të paraqiturit. Prej tyre, 10 172 nxënës janë regjistruar për mësim në gjuhën maqedonase, 3 248 në gjuhën shqipe, 279 në gjuhën turke dhe 13 nxënës në gjuhën serbe.

Si edhe në disa vitet e fundit, arsimi profesional është më tërheqës për nxënësit, kështu që në afatin e parë të regjistirmit më shumë se dyfishi i nxënësve u regjistruan në shkolla profesionale (9469) se sa në gjimnaze (4243).

Për arsimin gjimnazial konkursi për regjistrim të nxënësve tashmë ka përfunduar në gjimnazet “Josip Broz Tito” në Manastir dhe “Nikolla Karev” në Shkup. Në paraqitjen e parë, MASH-i kumtoi informatë edhe për shkollat të cilat në Konkursin për regjistrim të nxënësve ka përfunduar në arsimin profesional për sektorë/kualifikime të caktuara.

Sipas kritereve nga Konkursi i MASH-it, u mbajt testim i kualifikuar për shkak të numrit më të madh të nxënësve të paraqitur me pikë të njejta nga vendet e lira të parapara – në SHMQSH “Dr. Pançe Karagjozov” – Shkup për profilet arsimore infermiere dhe teknik dhëmbësh në gjuhln mësimroe shqipe, në Shkollën e mesme “Gostivari” – Gostivar për infermiere në gjuhën mësimore shqipe dhe në gjimnazin “Georgi Dimitrov” – Shkup në gjuhën mësimore maqedonase.

Pas reagimeve të prindërve se në këto shkolla ka pasur provim “të jashtëzakonshëm” përkatësisht “pranues” për fëmijët e tyre, minsitrja e Arsimit dhe Shkencës, Vesna Janevska deklaroi se testimi kualifikues është ligjir dhe është paraparë në Konkursin e shpallur nëse ka më shumë nxënës me sukses të njejtë (të shkëlqyeshëm) nga numri i paraparë i vendeve të lira.

Ajo tha se problem në vendin tonë është vlerësimi dhe suskesi “me të gjitha pesëshe” dhe se shpesh mësimdhënësit i nënshtrohen presionit nga prindërit që fëmijët e tyre të jenë “të shkëlqyeshëm”. Kjo, tha aJanevska, çon drejt jo-cilësisë në arsim dhe porositi se vlerësimi duhet të ndryshojë, ndërkaq një prej veglave është risia në ligjin e ri – këshilli i mësimdhënësve të mos ketë kompetenca për përmirësim të notave.

Testimi kualifikues në paraqitjen e dytë në qershor, nëse ka nevojë, do të organizohet në shkolla më 4 korrik dhe ditën e njejtë do të kumtohen ranglistat prëfundimtare me rezultatet.

Për nxënësit të cilët në afatin e qershorit nuk do të regjistrohen në arsim të mesëm, mundësia e ardhshme është afati i gushtit në shkollat ku do të ketë vende të lira. Paraqitja elektronike do të jetë më 21 gusht, ndërsa ditën e njejtë do të duhet të dërgohet edhe dokumentacioni i nevojshëm në shkolla. Ranglista prëfundimtare me rezultatet nga regjistrimi do të shpallet më 22 gusht.

Ndonëse rrugët janë ndarë, njëri ministër, tjetri opozitar, Arben Fetai s’e ka harruar dot kryetarin e zemrës – Arben Taravarin. Edhe mbrëmë, si një fans i devotshëm, Arbeni i Likovës po e ndiqte LIVE tubimin e Arbenit të Gostivarit. Paparaci i Flakës e kapi momentin. Screenshot-i është provë!

Në një kohë kur publiku mezi i dallon, këta dy Arbenë vazhdojnë të na shtojnë dyshimet:

– A e ndjek Fetai Taravarin nga dashuria politike?

– Apo është ndonjë plan sekret, që Taravari ta mbajë ndikimin në VLEN përmes adashit të tij?

Krejt këtë histori, dikush e quan telenovelë politike me adashë, e dikush shfaqje me thika pas shpine. Ne në Flaka, si një portal modest e jo aq i informuar sa duhet, nuk dimë të themi gjë me siguri – veçse s’ka tym pa zjarr dhe s’ka FOLLOW pa hall.

Në anën tjetër, Arbeni i Gostivarit nuk e la pa ngacmim.

“Dil burrë në Likovë dhe kandido për kryetar, ta shohim sa të do populli,” i tha LIVE nga podiumi, si për t’i thënë: më ndjek për frymëzim apo për krahasim?

Pra, një Arben i thotë “kryetar”, tjetri i thotë “provo veten”.

Na kanë bërë lëmsh.

Mos ndoshta VLEN është vetëm një reality show dhe ne jemi audienca që s’na tregojnë skenarin?

Një gjë është e sigurt:

Arbeni i Likovës po e ndjek Arbenin e Gostivarit – tani vetëm koha do tregojë pse:

Nga simpatia?

Nga frika?

Apo thjesht nga refleksi?

Lajmi që s’na duhej. Por ja, e kemi.

PS: Portalet e tjera mund ta kopjonë lajmin dhe e kanë gratis. Ma mirë ta marrin gati se sa të lodhen të na kopjonë me rubrika të ndajshme 😅

“Lajmi që s’na duhej” është rubrikë satirike. Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja.”

(Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja). Flaka Media

Sot mbahet ceremonia e certifikimit të rekrutëve të Forcës së Sigurisë së Kosovës gjenerata 02/2025 në Sallën e Sporteve “Bill Klinton” në Ferizaj.

“Në ceremoninë e certifikimit do të marrin pjesë udhëheqës të lartë shtetërorë, oficerë e nënoficerë të Ministrisë së Mbrojtjes dhe Forcës së Sigurisë së Kosovës, mysafir e familjarë të rekrutëve”, njofton FSK.