Aleanca për Shqiptarët nga Arben Taravari ka reaguar në lidhje me fushatën e Ministrisë së Bujqësisë në Maqedoninë e Veriut. Ata fushatën “Më e mira maqedonase: tradita jonë, krenaria jonë”, transmeton Portalb.mk.

“Fushata e re e Ministrisë së Bujqësisë me sloganin “Македонско најдобро: Наша традиција, наша гордост” përbën një fyerje të hapur për qytetarët shqiptarë dhe për të gjitha komunitetet jomaqedonase në Republikën e Maqedonisë së Veriut”, reaguan nga ASH-ja.

Ata vlerësojnë se përmes fushatës me epitet “makedonsko”, bëhet përpjekje për ta shndërruar Maqedoninë e Veriut në një shtet monoetnik.

“Si mund të quhen “produkte maqedonase” domatet e Dibrës, djathi i Sharrit, lakra e Begovinës, qepa e Gostivarit, perimet e Likovës, rrushi i Vrapçishtit apo gruri i Karadakut, pa përmendur asnjëherë shqiptarët që i punojnë dhe i prodhojnë ato? Kjo është nacionalizëm institucional i ambalazhuar si promovim ekonomik”, deklaruan nga Aleanca.

Aleanca fajësoi zëvendësministrin Albrim Hoxhën se përmes heshtjes është bashkëfajtor.

“Koalicioni shqiptar në qeveri, që premtuan barazi dhe dinjitet, është zhdukur nga çdo reagim publik. Kur shqiptarët përjashtohen nga koncepti i identitetit prodhues dhe nga simbolet shtetërore, FLEN nuk thotë asgjë. Kur shteti përdoret për të promovuar vetëm një etni, FLEN sërish hesht”, deklaruan nga Aleanca.

Bajram Rexhepi nga BDI ka dalë me reagim në lidhje me situatën në Fondin për Sigurim Shëndetësor, njofton Top24.mk

Ai thotë se me votimin e VLEN që në këtë Fond të hiqet përfaqësimi i shqiptarëve, është goditur barasia institucionale.

“Përjashtimi i shqiptarëve nga bashkëdrejtimi i Fondit për Sigurim Shëndetësor është goditje e drejtpërdrejtë ndaj barazisë institucionale.

Deputetët e VLEN-it zgjodhën të votojnë për një strukturë të centralizuar që heq përfaqësimin shqiptar në një nga institucionet më të ndjeshme të shtetit, Fondin për Sigurim Shëndetësor.
Për këtë nuk ka justifikim. Ka vetëm heshtje dhe servilizëm”, shkruan Rexhep

“Kur morëm përgjegjësinë e drejtimit të vendit, gjetëm institucione të ngatërruara në rrjet abuzimesh, klientelizmi dhe korrupsioni sistemik.” Këto ishin fjalët e kryeministrit Hristijan Mickoski, duke lavdëruar të tijën dhe duke kritikuar qeverinë e mëparshme pasi GRECO publikoi Shtojcën e raportit të dytë të harmonizimit për vendin, në përputhje me rekomandimet e ciklit të pestë. Disa ditë pas kësaj deklarate, në bulevardin “Krste Petkov Misirkov”, ekipi i 360 Gradë rastësisht hasi disa makina të parkuara në mënyrë të paligjshme pranë qendrës tregtare “Mavrovasja”, transmeton Portalb.mk.

Ishte rreth orës 23:00. “Skoda”-t e zeza, disa me regjistrime të ngjashme, ngjanin me automjete shtetërore. Redaksia i fotografoi ato. Të nesërmen kontaktuan Shërbimin e Çështjeve të Përgjithshme dhe të Përbashkëta të Qeverisë.

Njëra e Mexhitit, tjetra për Fetait

Pyetjet e 360 Gradë ishin të thjeshta. Nëse dhe cili institucion ose zyrtar shtetëror përdor makinat e mëposhtme:

Skoda Superb 4×4 SK 4681 BS;

Skoda Superb 4×4 SK 4685 BS;
Skoda Superb SK 5227 BS.

Përgjigja erdhi shpejt.

Një automjet i përket zëvendëskryeministrit Izet Mexhiti, ndërsa automjeti tjetër i përket zëvendëskryeministrit Arber Fetai.
“Skoda” me regjistrim SK 5227 BS nuk është në pronësinë tonë”, u përgjigj Shërbimi i Çështjeve të Përgjithshme dhe të Përbashkëta.
Parkuar ilegalisht pranë selisë së VLEN

Përfundimi i parë i pashmangshëm nga përgjigjja është se automjetet shtetërore të zëvendëskryeministrit dhe ministrit të Mjedisit Izet Mexhiti dhe zëvendëskryeministrit për Qeverisje të Mirë Arben Fetai, të dy pjesë të VLEN, u kapën të parkuara ilegalisht.

E dyta është se automjetet shtetërore u kapën në një kohë të ditës që nuk është e zakonshme për detyra zyrtare (ora 23:00), dhe pranë qendrës tregtare “Mavrovasja” ku VLEN ka hapësirat.

Kështu 360 Gradë, dërgoi dy pyetje në disa adresa: Qeverinë, Shërbimin për Punë të Përgjithshme dhe të Përbashkëta të Qeverisë, Ministrinë e Mjedisit dhe Planifikimit Hapësinor dhe direkt te Zëvendëskryeministri për Qeverisje të Mirë.

– Çfarë aktivitetesh zyrtare u kryen në mbrëmjen kritike nga zëvendëskryeministri dhe Ministri i Mjedisit dhe Planifikimit Hapësinor Izet Mexhiti dhe zëvendëskryeministri përgjegjës për Politikat e Qeverisjes së Mirë Arben Fetai?

– Pse automjetet zyrtare “Skoda Superb”, të përdorura gjatë aktiviteteve të zëvendëskryeministrave në mbrëmjen e vonë të 15.7.2025, u parkuan në Bulevardin “Goce Delçev” edhe pse kjo nuk lejohet?

Kanë kaluar dy ditë pune dhe nuk ka përgjigje nga asnjë prej institucioneve të treguara. Heshtja jo vetëm që thotë shumë, por edhe bie ndesh me një tjetër deklaratë të fundit të kryeministrit pas raportit të GRECO-s – se ka rezultate të dukshme, përmirësime konkrete dhe vullnet të fortë politik për t’u shkëputur nga praktikat e vjetra.

Dorëheqje

Kur partneri më i madh i koalicionit në Qeveri, VMRO-DPMNE, ishte në opozitë, ajo dënonte rregullisht përdorimin e automjeteve zyrtare për qëllime jo-shtetërore nga qeveria e atëhershme. Në disa raste, ata madje kërkuan dorëheqje. Qeveria e atëhershme u përpoq ta ndryshonte praktikën, por përpjekjet shpesh patën një epilog tragjikomik.

Qeveria aktuale njoftoi një zgjidhje për këtë problem duke futur targa me ngjyra për automjetet zyrtare dhe duke futur një mekanizëm përmes të cilit çdo qytetar do të jetë në gjendje të raportojë keqpërdorimin e një automjeti zyrtar.

“Ato do të jenë po aq mbresëlënëse sa flamuri – ky është qëllimi, të shohim çdo automjet zyrtar”, tha Ivica Tomovski për “360 Gradë”.

Kasami, pjesë e VLEN-it, i pyetur për rastin, tha se nuk e ka idenë se për çfarë janë takuar.

“Nuk e di për çfarë mbledhje bëhet fjalë nuk e di edhe nëse kanë qenë për qëllime partiake, pasi nuk kam qenë i pranishëm. Për shkak se të dy janë pjesë e Qeverisë ndoshta kanë qenë aty afër në ndonjë takim zyrtar për pozicionet që mbajnë. Me faktin që unë nuk kam qenë pjesë e takimit nuk e di që janë takuar për çështje politike”, tha Kasami.