Fondi i Sigurimit Shëndetësor i Maqedonisë së Veriut ka refuzuar punësimin e 155 motrave medicinale, të cilat për një kohë të gjatë ishin në grevë. Në dokumentin e publikuar nga dr. Haris Karaxhenemi, shihet qartë se Fondi i ka kthyer përgjigje negative Ministrisë së Shëndetësisë, duke e informuar se nuk ka mjete financiare për realizimin e këtij punësimi.

Ndërkohë, ministri i Shëndetësisë, Azir Aliu, vazhdon të heshtë dhe nuk ka dhënë asnjë deklaratë lidhur me këtë situatë, e cila po cilësohet si një skandal, raporton Top24.

Më herët, Top24 e kishte pyetur ministrin Aliu nëse ky është një mashtrim publik, duke pasur parasysh se në buxhetin aktual nuk janë paraparë mjete për këto punësime, ndërsa afati për rishikimin buxhetor ka kaluar. Gjithashtu, procedurat administrative aktuale nuk lejojnë rregullimin e statusit të të punësuarve për shkak të shpalljes së zgjedhjeve lokale.

Deklaratat e fundit nga pushteti aktual se “këtë vit janë punësuar më shumë shqiptarë se në vitet më të mira të qeverisjes së BDI-së” janë cilësuar nga zyrtarët e kësaj partie si “gënjeshtra e vitit”.

Në një reagim të drejtpërdrejtë, ish-ministri i jashtëm dhe zyrtari i lartë i BDI-së, Bujar Osmani, thekson se të dhënat zyrtare tregojnë të kundërtën: një rënie të madhe të përfaqësimit të shqiptarëve në institucionet shtetërore, me një ulje prej afërsisht 2%, që përkthehet në 4.000–5.000 shqiptarë më pak në administratën publike në raport me komunitetin shumicë.

“Për krahasim, gjatë qeverisjes sonë përfaqësimi i shqiptarëve rritej çdo vit me 1.500–2.000 të punësuar të rinj, në mënyrë sistematike dhe të qëndrueshme në të gjitha nivelet e administratës”, thekson Osmani.

Sipas tij, aktualisht nuk ka përfshirje, por përjashtim; nuk ka përparim, por propagandë, dhe kjo ndjehet çdo ditë nga qytetarët shqiptarë në raportin e tyre me institucionet shtetërore.

“Statistikat nuk gënjejnë”, përmbyll reagimin e tij Osmani, duke hedhur poshtë triumfalizmin e qeverisë aktuale për përfshirjen e shqiptarëve në sektorin publik.(INA)

Forumi për Ndryshime në Arsim e vlerëson si politikë të gabuar ndarjen e vauçerëve në shumë prej 250 euro për studentët deri në moshën 29 vjet. Sipas Blendi Hodait kjo masë e Qeverisë ngjason në një politikë populiste sepse proceduraat për zbatimin e saj nisin në periudhën e fushatës së zgjedhjeve lokale që në këtë rast përshtatet edhe me periudhën e fillimit të vitit të ri akademik.

“Është një politikë shkurt pamës sepse me 250 euro, laptopët që mund të blehen apo mjetet tjera elektronike janë me performansa shumë të dobët. Pra, nuk mund ti kënaq nevojat e një studenti që studion në çfardo fakulteti në Maqedoninë e Veriut sepse performansat me atë çmim të caktuar janë shumë të dobëta”, tha Blendi Hodai, Forumi për Ndryshime në Arsim.

Gjithashtu, Hodai vlerëson se kjo masë është një mënyrë jo efikase e shpenzimit të mjeteve të parave të qytetarëve. Hodai kujtoi se paraprakisht duhet investuar në rikonstruimin e objekteve të fakulteteve, krijimin e laboratorëve dhe subvensionimin e transportit për të gjithë studentët.

“Mund të jenë konviktet studentore që janë në gjendje të tmerrshme, laboratorët që mund të kontribuonin në rritjen e kërkimeve shkencore sepse kemi laborator inekzistente në fakultete. Apo në pjesën tjetër, në subvencionimin e transportit që studiojnë në universitete që janë larg qytetit ku ata jetojnë. Në vend se të investohet në këto tre fusha që mund të jenë investime shumë më afatgjate investohe në diçka që është shumë afat shkurte si vauçer prej 250 euro. Si Forum për Ndryshime në Arsim e konsiderojmë se është keq investim I paras publike”, tha Blendi Hodai, Forumi për Ndryshime në Arsim.

Për këtë masë Qeverisa parashikon të shpenzoj 850 milionë denarë, 215 milionë denarë nga buxheti i vitit 2025 dhe 635 milionë denarë nga buxheti i vitit 2026. Vauçerët prej 250 eurove për pajisjet elektronike për studentët fillimmisht u paralajmëruan në tetor të vitit 2024 nga kryeministri Hristijan Mickoski, por deri më sot nuk gjeti zbatim./Alsat.mk