Ambasadori i Shqipërisë në Maqedoninë e Veriut, Denion Meidani, ka reaguar për incidentin në Kumanovë, ku ndeshja e basketbollit u dominua nga kore raciste.

“Gjuha e urrejtjes nuk ka vend në sport, as në shoqëri, thotë ai në deklaratën publike për ngjarjen, teksa kërkon reagimin e autoriteteve.

“Thirrjet fyese në Kumanovë janë alarm për të gjithë ne. Bashkëjetesa kërkon angazhim të përditshëm, respekt për rregullat e lojës dhe për njëri-tjetrin — jo vetëm në tribuna, por kudo. Po ndjek me vëmendje reagimet institucionale dhe pres që autoritetet më të larta të Maqedonisë së Veriut të flasin qartë, fort dhe me përgjegjësi”, shkruan ambasadori.

Në palestrën e sportit në Kumanovë, gjatë ndeshjes së basketbollit mes Maqedonisë së Veriut dhe Rumanisë u dëgjuan thirrje me gjuhë urrejtjeje dhe raciste kundër popullit shqiptar shqiptarëve.

Edhe pse thirrjet dëgjoheshin qartë, autoritetet e pranishme në sallë nuk ndërhyri për t’i ndalur.

“Le ta kuptojnë shqiptarët e mallkuar, emri maqedonas nuk do të zhduket. Maqedoni e pastër, e pastër, e pastër”, thërrisnin një pjesë e tifozëve në tribunë.

Të pranishëm ishin personalitete të larta shtetërore, përfshirë kryeministrin Hristijan Mickoski, kryetarin e Kumanovës Maksim Dimitrievski, ministrin e Punëve të Jashtme Panço Toshkovski dhe zëvendëskryeministrin Ivan Stoilkoviq.

Thirrjet dhe refrenet u dëgjuan gjatë gjithë ndeshjes. “Shqiptari i mirë është shqiptari i vdekur” ishte një tjetër thirrje që brohoritej nga tifozët si dhe “Dhoma e gazit për shqiptarët”, duke iu referuar asaj që ndodhi gjatë Luftës së Dytë Botërore ndaj hebrenjve.

Nga Kim Mehmeti

Maqedonasit shpesh herë, edhe kur kanë ngrënë dajak nga të tjerët, i kanë sharë dhe ofenduar shqiptarët, ashti siç i shanë dhe ofenduan në Kumanovë gjatë ndeshjes së basketbollit mes Maqedonisë së Veriut dhe Rumanisë!

Dhe pas ngjarjeve të këtilla, përfaqësuesit shqiptarë jargaviten duke u kujdesur që sa më butësisht e pa e ngritur zërin t’u thonë maqedonasve të jenë më të sjellshëm dhe t’ua rikujtojnë se Maqedonia është shtet i përbashkët, thuajse ata gabimisht janë edukuar si shovenë dhe thuajse ata nuk dinë se në këtë vend jetojnë edhe shqiptarë!?

Jo njëherë ka ndodhur – si në rastin e fundit në Kumanovë – që në prani të burrështetasve të Maqedonisë, shovenët maqedonas të brohorasin ‘Vdekje Shqiptarëve’ dhe ‘Vetëm shqiptari i vdekur është shqiptarë i mirë’ e atyre të mos u lëvritë as qerpiku, mbase pse për dallim nga politikanët shqiptarë ata e respektojnë zërin e popullit të vet!?

Po pra, përderisa politikanët maqedonas, në mos më shumë, heshtin kur populli i tyre shprehë dëshira që ata nuk munden për momentin t’ua plotësojnë, këta tanët nisin e jargaviten turpshëm edhe kur reagojnë, si për shembull VLEN’i, që në reagimin për rastin e Kumanovës e thekson se brohorimat e këtilla shovene janë zëri i pakicës maqedonase!

Kur lexon reagime të këtilla të turpshme të imponohet pyetja: nga e dinë politikanë shqiptarë se brohorimat e tilla e shprehin dëshirën e pakicës maqedonase!?

Ja unë publikisht e them: ato brohorima janë zëri i shumicës së maqedonasve ngaqë nëse do ishte ndryshe mediat dhe politikanët maqedonasë nuk do kishin frikë që t’i publikojnë dhe t’i dënojnë ato! (Kim Mehmeti)

“Kur përfaqëseueset e Maqedonisë së Veriut hanë dajak në teren të vetë, nacionalistët maqedon, si dështak që janë, komplekset e tyre i shërojnë duke kërkuar vdekjen e shqiptarëve!
Ju shqiptarëve ua hani atë që nuk thuhet!
Vdekjen e shqiptarëve nuk e kërkuan vetëm disa kopila serb në Kumanovë të veshur me fanelën e tifozit, por vetë kryeministri Mickovski, ministri i brendshëm Toshkovski dhe kryetari Kumanovës Dimitrievski.
Ata ishin spektatorë të ndeshjes së përfaqësueses së basketbollit kundër Rumanisë, dëgjuan thirrjet raciste kundër bashkëqyetarëve të tyre shqiptar dhe heshtin, nuk distancohen dhe nuk kërkojnë dënimin e këtyre egërsirave!
Ne e kuptojmë se heshtja është miratim! Mickovski, turp të kesh që nuk ke guximin të mbrosh qytetarët, tatimet e të cilëve i shprenzon!
Duke mos dënuar thirrjet raciste kundër kujdoqofshin, ti më nuk mund të jesh kryeministër i imi! As i shqiptarëve, shpejtë do ta kuptosh në zgjedhje!
Për këta të gjorët e SVLEN-it kam vetëm një porosi: Hasta la vlista! Shihemi në tetor! Do ta shihni përgjigjen e shqiptarëve! As Micko, e sveti Micko nuk ju shpëton!
Ju votuam të bëni ndryshimin, jo rolin e argatit!” ka reaguar Naser Selmani./TS/

https://www.facebook.com/share/1JdwhKQpYe/?mibextid=wwXIfr