Gjysmëmaturantët të cilët në afatin e parë në qershor para dhjetë ditëve nuk u regjistruan në shkollat e mesme për vitin shkollor 2025/2026, do të kenë mundësinë e dytë për t’u regjistruar në paraqitjen e dytë elektronike këtë muaj – të hënën, më 30 qershor. Dokumentacioni i nevojshëm në shkolla do të dërgohet ditën e ardhshme (1 korrik), ndërsa ranglista e nxënësve të regjistruar do të kumtohet më 2 korrik deri në orën 12:00.

Sipas të dhënave të Ministrisë së Arsimit dhe Shkencës nga shkollat, për paraqitjen e dytë të qershorit, të lira janë 16 034 vende – 10 758 për mësim në gjuhën maqedonase, 4781 në gjuhln shqipe, 474 në gjuhën turke dhe 21 vende të lira për mësim në gjuhën serbe. Për arsim të mesëm gjimnazial ka 3727 vende të lira dhe 12 307 për arsim profesional.

Pas aplikimit të parë, të mbajtur nga 14 deri më 17 qershor, gjithsej u regjistruan 13 712 nxënës nga 16 601 të paraqiturit. Prej tyre, 10 172 nxënës janë regjistruar për mësim në gjuhën maqedonase, 3 248 në gjuhën shqipe, 279 në gjuhën turke dhe 13 nxënës në gjuhën serbe.

Si edhe në disa vitet e fundit, arsimi profesional është më tërheqës për nxënësit, kështu që në afatin e parë të regjistirmit më shumë se dyfishi i nxënësve u regjistruan në shkolla profesionale (9469) se sa në gjimnaze (4243).

Për arsimin gjimnazial konkursi për regjistrim të nxënësve tashmë ka përfunduar në gjimnazet “Josip Broz Tito” në Manastir dhe “Nikolla Karev” në Shkup. Në paraqitjen e parë, MASH-i kumtoi informatë edhe për shkollat të cilat në Konkursin për regjistrim të nxënësve ka përfunduar në arsimin profesional për sektorë/kualifikime të caktuara.

Sipas kritereve nga Konkursi i MASH-it, u mbajt testim i kualifikuar për shkak të numrit më të madh të nxënësve të paraqitur me pikë të njejta nga vendet e lira të parapara – në SHMQSH “Dr. Pançe Karagjozov” – Shkup për profilet arsimore infermiere dhe teknik dhëmbësh në gjuhln mësimroe shqipe, në Shkollën e mesme “Gostivari” – Gostivar për infermiere në gjuhën mësimore shqipe dhe në gjimnazin “Georgi Dimitrov” – Shkup në gjuhën mësimore maqedonase.

Pas reagimeve të prindërve se në këto shkolla ka pasur provim “të jashtëzakonshëm” përkatësisht “pranues” për fëmijët e tyre, minsitrja e Arsimit dhe Shkencës, Vesna Janevska deklaroi se testimi kualifikues është ligjir dhe është paraparë në Konkursin e shpallur nëse ka më shumë nxënës me sukses të njejtë (të shkëlqyeshëm) nga numri i paraparë i vendeve të lira.

Ajo tha se problem në vendin tonë është vlerësimi dhe suskesi “me të gjitha pesëshe” dhe se shpesh mësimdhënësit i nënshtrohen presionit nga prindërit që fëmijët e tyre të jenë “të shkëlqyeshëm”. Kjo, tha aJanevska, çon drejt jo-cilësisë në arsim dhe porositi se vlerësimi duhet të ndryshojë, ndërkaq një prej veglave është risia në ligjin e ri – këshilli i mësimdhënësve të mos ketë kompetenca për përmirësim të notave.

Testimi kualifikues në paraqitjen e dytë në qershor, nëse ka nevojë, do të organizohet në shkolla më 4 korrik dhe ditën e njejtë do të kumtohen ranglistat prëfundimtare me rezultatet.

Për nxënësit të cilët në afatin e qershorit nuk do të regjistrohen në arsim të mesëm, mundësia e ardhshme është afati i gushtit në shkollat ku do të ketë vende të lira. Paraqitja elektronike do të jetë më 21 gusht, ndërsa ditën e njejtë do të duhet të dërgohet edhe dokumentacioni i nevojshëm në shkolla. Ranglista prëfundimtare me rezultatet nga regjistrimi do të shpallet më 22 gusht.

Sot mbahet ceremonia e certifikimit të rekrutëve të Forcës së Sigurisë së Kosovës gjenerata 02/2025 në Sallën e Sporteve “Bill Klinton” në Ferizaj.

“Në ceremoninë e certifikimit do të marrin pjesë udhëheqës të lartë shtetërorë, oficerë e nënoficerë të Ministrisë së Mbrojtjes dhe Forcës së Sigurisë së Kosovës, mysafir e familjarë të rekrutëve”, njofton FSK.

Në një tubim të madh partiak të mbajtur në Gostivar me struktura partiake, simpatizantë dhe qytetarë, kryetari i Aleancës për Shqiptarët, Arben Taravari, ka shprehur vendosmërinë për një rikthim të fuqishëm politik dhe për ndërtimin e një gjenerate të re udhëheqëse shqiptare.

Në një fjalim të mbushur me emocione dhe kritika ndaj gjendjes aktuale politike dhe qeverisëse, Taravari përmendi me mirënjohje tre bashkëpunëtorët e tij më të afërt: Sadik Sulejmanin, Riat Shaqirin dhe Halil Snopçen, për të cilët tha se: “e mbajtën Aleancën të fortë në periudhën më të vështirë”.

“Ne ishim të vetmit që vendosëm të mos bëhemi pjesë e një pazari politik pa vizion dhe pa plan për të ardhmen. Kishim rezultate të rëndësishme nga zgjedhjet, por nuk u bëmë pjesë e një marrëveshjeje që mashtroi shqiptarët për integrime dhe reforma që nuk ndodhën kurrë,” – theksoi Taravari, përcjell PressOnline.al

Ai akuzoi qeverinë aktuale dhe përfaqësuesit shqiptarë në të, për dështim në të gjitha sferat: decentralizim, luftë kundër korrupsionit, zhvillim ekonomik dhe punësim.

“Na u premtuan 20 mijë vende pune. Sot, në realitet, nuk janë punësuar as 1000 shqiptarë. Administrata publike është mbushur me njerëz të partive maqedonase, ndërsa shqiptarët vazhdojnë të mbeten të papërfaqësuar,” – u shpreh Taravari.

Ai tha se investimet ekonomike dhe kreditë e buta po ndahen padrejtësisht, pa përfshirjen e bizneseve shqiptare:

“Nga 200 kompani që përfituan nga një kredi e marrë në Hungari, asnjë nuk ishte shqiptare. Është e papranueshme!”
Duke komentuar ristrukturimin e partisë dhe kandidaturat e reja për zgjedhjet lokale dhe parlamentare, Taravari tha se Aleanca për Shqiptarët do të promovojë një gjeneratë të re politike dhe se: “nuk ka ndërmend të garojë për pozita publike personale”.

“Nuk jemi këtu për të qenë hizmeqarë të askujt – as të Zaevit, as të Mickoskit. Jemi këtu për të përfaqësuar shqiptarët me dinjitet dhe për të ndërtuar një front të përbashkët politik shqiptar,” – tha ai, përcjell PressOnline.al

Taravari i bëri thirrje shqiptarëve që të mos ndahen në fraksione dhe të bashkohen rreth një platforme të përbashkët, duke paralajmëruar një rikthim të fuqishëm të Aleancës për Shqiptarët në skenën politike.

“Na presin zgjedhje vendimtare. Nëse bashkohemi të gjithë, nuk ka asnjë dyshim se do të jemi faktori kryesor politik shqiptar në vend. Kjo është një mundësi historike që nuk duhet ta humbasim,” – përfundoi Taravari, mes duartrokitjeve të të pranishmëve në sallë. (PressOnline.al)