Ministri i Shëndetësisë, Arben Taravari dhe drejtori i Fondit për Sigurim Shëndetësor, Sasho Klekovski pasditen sotme u dëshiroi sukses dhe fat, specializantëve para fillimit të testimit të tyre për punësim.

“Në seancën e dytë të Qeverisë vitin e kaluar, morëm vendim për të zgjidhur problemin me praktikantët privatë. Kishte gjithsej 600 praktikantë, 584 praktikantë privatë aplikuan për aplikim. Procedura ka filluar që sot, konkurset janë të hapura në shumicën e spitaleve. Konkretisht, ishim në amfiteatrin e Imunologjisë, 89 kandidatë për punë, praktikantë privatë, të cilët do të punësohen në 13 klinika në Qendrën Klinike. Testimi për Tetovën dhe Gostivarin do të vazhdojë të hënën dhe në ditët në vijim javën e ardhshme, do të vazhdojë testimi për 300 praktikantët e parë, kështu që po zgjidhim një problem të kahershëm”, shpjegoi ministri në një deklaratë për mediat.

Ai përsëriti se ka mungesë të kuadrit në pjesën më të madhe të spitaleve dhe klinkave në vend.

Për grupin e parë prej 300 personave, shprehu shpresë se me testime dhe intervista deri në fund të javës së ardhshme, pastaj komisione do të vërtetojnë se cilët kandidatë i plotësojnë kushtet, dhe pastaj do të merren vendime për punë. Të tjerët, më pak se 300, siç paralajmëroi ministrim mbeten për nga fundi i vitit – në nëntor.

“U dëshirojmë fat specializantëve, të gjithë të kalojnë dhe të punësohen”, tha Taravari.

Drejori i Fondit për Sigurim Shëndetësor, Klekovski tha se po punohet për zgjidhjen e marrëdhënies së punës për punonjësit me kontratë në shëndetësi.

“Procesi është zvarritur sepse është dashur të repsektohen të gjitha procedurat ligjore”, u përgjigj Klekovski në pyetjen e gazetarëve